Qoǵamdyq qaýipsizdikti qamtamasyz etý jáne qarýmen, jarylǵysh zattarmen jasalatyn qylmystardyń aldyn alý maqsatynda turǵyndardan zańsyz saqtalǵan qarýdy, jarylǵysh zattardy satyp alý aksııasy bastaldy. Bul jóninde Oblystyq polısııa departamenti Ákimshilik polısııasy basqarmasynyń bastyǵy Abzal Bolatov buqaralyq aqparat quraldaryna bergen brıfınginde aıtty.
Aksııa sáýirdiń 10-nan bastaldy. Buǵan deıin de oblysta osyndaı aksııa birneshe ret júrgen.
«Mundaı aksııa oblys óńirinde birneshe ret júrgizilip, nátıjesinde 3502 qarý alynǵan bolatyn. Mysaly 2008 jyly – 1101, 20012 jyly – 975, 20113 jyly – 614, 2014 – 407, 2018 jyly –77 qarý alyndy. Onyń syrtynda 45669 dana oq-dárisi bar» deıdi Abzal Bolatov.
Zańsyz saqtalǵan qarý, oq-dári, jarylǵysh zattardy óz erkimen tapsyrǵan adamdar qylmystyq jáne ákimshilik jaýapkershilikten bosatylady. Sonymen qatar olarǵa respýblıkalyq bıýdjetten bóingen qarjydan qarýdyń tehnıkalyq jaramdylyǵyna qaraı on aılyq kórsetkishten 100 aılyq kórsetkish kóleminde aqshalaı aqysy beriledi.