Qazanda ústel tennısinen 2018/2019 jylǵy maýsym aıaqtalyp, 16 komanda arasyndaǵy Sýperlıga máresine jetti. Atalǵan synǵa qatysqan TTS «Astana» komandasy birinshilikte besinshi orynǵa turaqtady dep jazady Olympic.kz.
Sońǵy jarys kúninde qazaqstandyq komanda bir oıynda jeńip, bir oıynda jeńiliske ushyrady. Osylaısha, jalpy esepte besinshi oryn ıelendi.
«Reseı Sýperlıgasynda sheberlik shyńdaǵanamyz biz úshin úlken tájirıbe. Muny federasııa usynǵan sátti joba dep aıtýǵa bolady. TTS «Astana» klýby kez kelgen qarsylas qalpaqpen uryp alatyn osal komanda emes. Biz barlyq 15 klýbqa da toıtarys berip, ózimizdiń úzdikter qatarynan ekenimizdi dálildedik», - deıdi Qazaqstan komandasynyń aǵa bapkeri Dmıtrıı Pereverzev.
Qazandaǵy on oıynnyń toǵyzynda jeńiske jetken Záýresh Aqasheva komanda úzdigi sanalady. Al Anastasııa Lavrova jeti oıynda óz myqtylyǵyn kórsetken.