Keńes ortalyǵynda salyq esepterin tapsyrýǵa arnalǵan «Salyq tóleýshiniń kabıneti» termınaldary, bazar aýmaǵynda salyqtar men tólemderdi qabyldaıtyn kassalar ornalastyrylǵan.
Satýshylarmen kezdesken departament basshysy N. Kósherov salyq eseptiligi nysandaryn toltyrý, onlaın baqylaý-kassa mashınalaryn tirkeý, ony qoldanýy jáne salyq zańnamasyna engizilgen ózgerister men tolyqtyrýlar týraly memlekettik kirister organdarynyń qyzmetkerleri túsindirý jumystaryn júrgizetinin aıtyp ketti. Sonyń nátıjesinde salyq tóleýshiler esepterin ózderi joldaı alady. Iаǵnı, salyq tóleýshiler ýaqyttaryn únemdep, óz jumys oryndarynan alystamaı ózderine tıisti salyq mindettemelerin oryndaıdy.
– Sybaılas jemqorlyq jáne kóleńkeli ekonomıkamen kúrestiń bir joly – onlaın baqylaý-kassa mashınalaryn qoldaný, - dedi N. Kósherov.
Aıta keteıik, 2018 jyly osy bazar kásipkerleriniń 30% salyq esepterin eń tómengi nemese nóldik kórsetkishtermen tapsyrǵan bolsa, qazirgi tańda memlekettik kirister departamenti qyzmetkerleri tarapynan atqarylǵan jumystar nátıjesinde bazarda saýda jasaıtyn kásipkerlerdiń 90% onlaın baqylaý-kassa mashınalaryn ornatyp, aınalymdaryn 6-7 esege ulǵaıtqan. 2018 jyly bir kásipker jylyna tek 28,0 myń teńge tólegen bolsa, qazir bir aı ishinde 14,0 myń teńgege jýyq tólep otyr.
– Memleketimiz bıznesti qoldap, sizderdiń qyzmetterińizdi teksermeı, barlyq jaǵdaıdy jasap jatqany bárimizge málim, sol sebepten tabystaryńyzdy aıqyndaıtyn, jasyrmaıtyn ýaqyt keldi, barlyqtaryńyzdy óz jumystaryńyzda baqylaý-kassa mashınalaryn qoldanýǵa, chekterdi uryp, óz tabystaryńyzdy aıqyn kórsetýge shaqyramyn, - dedi megapolıstyń bas salyqshysy.
Jıyn sońynda kásipkerler men salyqshylar arasynda dıalog ótip, kásipkerlerdiń usynystary eskerilip, aldaǵy ýaqytta eki jaqtama jumys jasaýdy nyǵaıtý kelisildi.