«Petropavl» shekara otrıadynyń «Mamlıýtka» temirjol kólikterin tekserý bólimshesiniń shekara narıady Petropavlovsk temirjol beketinde toqtap turǵan «Anapa-Krasnoıarsk» baǵytyndaǵy № 130 poıyzǵa araq-sharap tıelip jatqan sáttiń ústinen tústi dep habarlaıdy UQK ShQ baspasóz qyzmeti.
Eshqandaı qujatsyz, 457 712 teńgege baǵalanyp tıelip jatqan 110 shólmek (220 lıtr) sharaptyń, 30 shólmek (60 l.) konıaktyń, 78 shólmek (156 lıtr) araqtyń, 28 shólmek (56 lıtr) mýskat sharabynyń, 14 shólmek (28 lıtr) alma sharabynyń barlyǵy qoldan jasalǵandyǵy anyqtaldy. Dál sol jerden poıyz bastyǵy, 1972 jyly týǵan Reseı azamaty ustaldy. Qoldan jasalǵan araq-sharap aktilenip Soltústik Qazaqstan oblysy boıynsha Memlekettik kiris departamentine tapsyryldy.