BILEKTI QYZDAR BÁSEKESI

Osy jerde aıta ketetin nárse, Qazaqstan áýesqoı boks fede­rasııa­sy­nyń tizginin Tımýr Qulybaev us­ta­ǵaly beri bokstan ótetin ja­rystarǵa elimizde burynǵyǵa qa­raǵanda kóp mán berilip keledi. Elimizdiń jastary elishilik týr­nır­ler men jarystarǵa, halyqaralyq bá­sekelerge kóptep qatysyp jatsa, qyzdar boksy ótken jyldarǵa qaraǵanda ekinshi tynysyn alyp, jańa deńgeıge shyqty. Bul jóninde bizge chempıonat bastalar aldynda bergen suhbatynda ulttyq fede­ra­­sııanyń áıelder boksy jáne tóreshiler korpýsymen jumys jó­nin­degi úılestirýshisi Berik Myr­jyqpaev ta qadap aıtqan bolatyn. Onyń aıtýynsha, qazirgi kúni eli­mizde boksty damytý, sonyń ishinde áıelder jarystaryn kóptep ótkizýge federasııa tarapynan barlyq jaǵdaı jasalýda. Máselen, sport mekemesiniń boksty jan-jaqty damytyp, bylǵary qolǵap ıeleri men tóreshilerdiń materıal­dyq jaǵdaıyn jaqsartyp, boks zal­daryn salyp, olardyń zaman talabyna saı jabdyqtalýyna basa nazar aýdarylýda. Osy oraıda Berik Myrjyqpaevtyń sózimen tolyq kelisýge bolatynyn eskert­ki­miz keledi. Búginde Beıjiń Olım­pıadasynan keıin otandyq boksty damytýǵa barlyq jaǵdaı­dyń jasalyp jatqanyn áıelder jáne qyzdar arasyndaǵy ulttyq qura­ma­nyń túrli básireli básekelerge qatysyp, qataryna jańa talant­tardy jınap otyrǵanynan da kórýge bolady. Jaqynda syr elinde aıaqtalǵan el chempıonaty osy jaǵyn kózi qaraqty jan­kú­ıer­lerge taǵy kórsetip berdi. Mundaǵy bolǵan bıylǵy birinshiliktiń erek­sheligi, chempıonatqa qatysýshylar sa­ny jyldaǵydan eki ese kóp bolsa, ekinshiden, ol ulttyq qurama sa­pyna irikteý úshin ótki­zil­gen­dikten syr elinde tórt kún boıy kerilgen sharshy alańǵa kileń myqtylardyń bári shyqty. Taǵy bir atap ótetin nárse, ulttyq fede­ra­sııanyń jarystardy tóre­shil­er­diń ádildik tanytýy úshin jaǵdaı jasap jatqanyna baılanysty birinshilikke tek irikteýden ótken ádilqazylar ǵana tóreshilik jasady. Endi chempıonatta kúsh sy­nas­qan boksshylar men onyń qo­ry­tyn­dysyna keler bolsaq, osy jolǵy básekede óz salmaq dáre­je­le­rinde teńdessiz sanalyp júrgen myna qyzdardyń bári chempıon atandy. Olar – Nazym Qyzaıbaı ( 46 kg.), Gúljan Ákimova (54 kg., ekeýi de Almaty qalasynan), Ok­sana Koroleva (57 kg., Qaraǵandy oblysy), Gúljaına О́b­nııa­zova (60 kg., Aqtóbe oblysy), Saıda Hasenova (64 kg. Almaty qalasy), Darıǵa Shákimova (75 kg., SQO), Janna Ibadilova (81 kg., Almaty qalasy), 81 kılodan joǵary salmaqta Soltústik Qazaqstan ob­ly­synyń ókili Lázzat Kúngeıbaeva. Sonymen birge, munda álem chem­pıo­nattarynyń eki qola medalin jeńip alǵan astanalyq 48 kılo salmaqtaǵy Nazym Boranbaeva men Elena Kolsova ( 69 kg., Qostanaı oblysy) altynnan alqa taǵyndy. El chempıonatynan keıin ulttyq quramanyń aǵa bapkeri Vadım Prısıa­jnıýktiń bergen málimett­e­rine qaraǵanda, joǵaryda atalǵan boksshylardyń bári qurama sapyna alynyp, osy jyldyń mamyr aıyn­da Astanada áıelder arasynda tuńǵysh ret ótetin Azııa chempıo­na­tyna qatysatyn bolady. Odan keıin olar Barbadosta jalaýyn kóteretin álem chempıonatyna irik­te­linedi. Osy básekede London Olım­pıadasyna beriletin alǵashqy joldamalar sarapqa salynady. Sonymen birge bıylǵy kúzde áıelder boksy Olımpıada sekildi Azııa oıyndarynyń baǵdar­la­ma­sy­na engendikten ulttyq qurama Qy­taı­dyń Gýanchjoý qalasynda ótetin oı­yndarǵa joldama beretin ja­rystarǵa qatysady. Dastan KENJALIN.