Konferensııaǵa jas magıstranttar, stýdentter men oqýshylar qatysty. Ǵylymı sharaǵa oblys ákimi Bolat Baqaýov qatysty, ýnıversıtet rektory, Gaýhar Ahmetova jıynǵa qatysýshylarǵa sáttilik tiledi.
Ýnıversıtet ǵylymı ortalyǵynyń habarynsha, konferensııaǵa Aqtóbe, Almaty Nur-Sultan, Qaraǵandy, Qostanaı, Kókshetaý, Oral, Taraz jáne Reseıdiń qalalarynan 1500-den astam maqala kelip túsken.
Ǵylymı materıaldar boıynsha jınaqtyń 22 tomy basyp shyǵaryldy.
Ýnıversıtet ótkizip kele jatqan «Sátbaev oqýlarynda» 20 jyldyń aralyǵynda 35 myńǵa jýyq jas ǵalym men daryndy oqýshylar qatysty.
2001 jyldan beri 222 tomǵa jınaqtalǵan 19 myńnan astam maqala jaryq kórdi. Ár konferensııanyń kún tártibinde kásibı negizdelgen jaýaptardy talap etetin jańa máseleler qarastyryldy.
Shara barysynda Akademııa prezıdenti, tehnıka ǵylymdarynyń doktory Nurlan Ryspanovtyń qatysýymen oqý orynda «Taý-ken ǵylymdary Ulttyq Akademııasynyń» fılıaly saltanatty túrde ashyldy.
Nurlan Ryspanovtyń aıtýynsha, ǵalymdardyń maqsaty - metallýrgııalyq kásiporyndarǵa zaýyttardy básekege qabiletti bolýǵa jáne ónimniń ózindik qunyn azaıtýǵa kómktesetin ınnovasııalyq tapsyrmalardy ázirleý.
Sondyqtan, jergilikti ǵalymdar endi osy bólimshe arqyly jumys jasaı alady. Otandyq ınnovasııalardy qurýǵa tek ǵylym kómektesedi.
Al ortaq maqsat - ulttyq ınnovasııalyq jobalardy jasaý.
PAVLODAR