Bul esim jankúıerlerge jaqsy tanys. Qazaq marafonshysy eń iri shólerdi – Sahara (1700 shaqyrymdy 24 kúnde), Qaraqum (1200 shaqyrymdy 20 kúnde), Úlken Vıktorııa (1600 shaqyrymdy 22 kúnde) jáne taǵy basqalaryn júgirip ótken jer betindegi jalǵyz adam. Bıiktigi 5 642 shaqyrymdy quraıtyn Elbrýs taýyna jeti kúnniń ishinde júgirip shyqty. О́ziniń sporttyq ǵumyrynda ol tutastaı alǵanda 160 myń shaqyrymdyq qashyqtyqty baǵyndyrǵan eken. Osy sekildi keremet kórsetkishteriniń arqasynda áıgili qandasymyzdyń esimi Gınness rekordtar kitabyna jeti márte tirkeldi.
55 jastaǵy Marat Jylanbaev Atyraýdaǵy dúbirli dodaǵa qatysyp qana qoımaı, jınalǵan qaýymǵa marafon men ýltra-marafon júgirýde ózi oılap tapqan jattyǵý júıesi jaıynda biraz maǵlumat beredi. 13 sáýir kúni dańqty jelaıaq Halel Dosmuhamedov atyndaǵy Atyraý memlekettik ýnıversıtetiniń stadıonynda jattyǵý ótkizedi.