Sol kúni ne bolyp edi?

Sol kúni ne bolyp edi?

Juma, 8 maýsym 2012 7:08

Keshe Bas prokýratýranyń resmı ókili Nurdáýlet Súıin­dikov Almaty oblysy, Alakól aýdanynda ornalasqan «Arqankergen» ýaqytsha shekara beketinde oryn alǵan qaıǵyly oqıǵaǵa baılanysty tergeýmen anyqtalǵan aqparatty jarııalady. Onda 15 adam qaıtys bolǵan edi. Bul oqıǵaǵa baılanysty osy ýaqytqa deıin túrli qaýeset taratylyp kelgeni belgili. Degenmen, endi tıisti quqyq qorǵaý organdarynyń tergeýimen kelesi mán-jaılar anyqtalypty.

 

Juma, 8 maýsym 2012 7:08

Keshe Bas prokýratýranyń resmı ókili Nurdáýlet Súıin­dikov Almaty oblysy, Alakól aýdanynda ornalasqan «Arqankergen» ýaqytsha shekara beketinde oryn alǵan qaıǵyly oqıǵaǵa baılanysty tergeýmen anyqtalǵan aqparatty jarııalady. Onda 15 adam qaıtys bolǵan edi. Bul oqıǵaǵa baılanysty osy ýaqytqa deıin túrli qaýeset taratylyp kelgeni belgili. Degenmen, endi tıisti quqyq qorǵaý organdarynyń tergeýimen kelesi mán-jaılar anyqtalypty.

2012 jylǵy 10 mamyrda Shekara qyzmetiniń 3-shi shekara ja­saǵynyń 15 adamy, onyń ishinde 1 sardar, 3 kelisim-shart boıynsha jáne 11 merzimdi qyzmettegi áskerı qyzmetkerler «Arqan­kergen» ýaqytsha shekara beke­tinde memlekettik shekarany kú­zetý úshin kezekshilikke túsedi. Atalǵan beket eldi mekenderden alshaq ári 3 myń metrge jýyq bıiktiktegi taýda ornalasqan. Al aýdan ortalyǵy Úsharalǵa deıin qashyqtyq 224 shaqyrym.

Sodan 30 mamyrda shekarashylar kezekti baılanysqa shyǵý kerek edi. Biraq habardyń úzi­lýine baılanysty beketke ke­zek­shi quram jiberiledi. Olar oqı­ǵa ornyna kelgende órtengen kazar­maǵa tap boldy. Bul týraly shu­ǵyl túrde jasaqqa baıandalady.

Artynsha oqıǵa ornyna tik­ushaqpen dereý jedel top ushyp shyqty, onyń quramynda shekara jasaǵynyń basshylyǵy, áskerı prokýratýranyń, ulttyq qaýip­siz­dik jáne ishki ister organ­darynyń ókilderi boldy. Olar oqıǵa bolǵan jerdi qaraǵanda órtengen kazarmada jáne ofıserler úıinde 13 adamnyń janyp ketken denesi tabyldy. Bir kúıgen máıit ózen boıynda jatqan.

Sondaı-aq, «Arqankergen» beketinen 150 metr qashyqtyqta ornalasqan sharýashylyq kúzet­shisi úıinen avtomattan birneshe ret atylyp óltirilgen Rýslan Kımniń máıiti shyǵaryldy. Qa­zirgi kezde gendik saraptamany paıdalana otyryp, 10 áskerıler­diń tulǵasy anyqtaldy.

Osy derek boıynsha 30 mamyrda Taldyqorǵan garnızo­ny­nyń áskerı prokýrory Qylmys­tyq kodekstiń 96-baby 2-tarma­ǵynyń «a» tarmaqshasy, ıaǵnı eki jáne odan kóp kisini óltirý bo­ıyn­sha qylmystyq is qozǵady. Is arnaıy áskerı prokýror bas­shylyq etetin vedomstvoaralyq jedel-tergeý tobymen tergelýde.

Alǵashqyda órtengen jaılardan beket komandıri Kereevke tıesili bir «Makarov» tapanshasynan basqa marqum shekarashy­lardyń qolynda bolǵan barlyq qarýlar jáne shatqaldardyń bi­rinde izdeý tobymen beketten joǵalǵan 5 qyzmettik attar da tabylǵan edi.

Al 4 maýsymda shekara jasa­ǵymen jergilikti shopandar qys­taǵynyń birinde 1992 jyly tý­ǵan, «Arqankergen» beketi sheka­rashylarynyń biri Chelah Vladıslav Valerevıch ustaldy. Odan kapıtan Kereevtiń azamat­tyq kıimderi, «Makarov» tapanshasy, noýtbýgy jáne qaıtys bolǵan keıbir áskerılerdiń uıaly telefondary alyndy.

Advokattyń qatysýymen  jaýap alý kezinde Chelah óziniń áskerı qyzmettesterin jáne Rýslan Kımdi óltirgendigin moıyndady. Chelahtyń aıtýynsha, qyl­mysty jasaýdyń sebebi retinde ishki tolǵanystar jáne esiniń túsindirýge jatpaıtyn buzylý jaǵdaıy sebep bolǵan. Qyl­mysty jasaýǵa kómekteskender men qatysýshylardyń bar bol­ǵandyǵyn Chelah úzildi-kesildi teristeýde.

Onyń jaýabyna sáıkes, qan­dy qylmys 2012 jylǵy 28 mamyrda shamamen tańǵy saǵat 5-ter shamasynda saqshydan bas­qa barlyq shekarashylar uıqyda jatqan kezde jasalǵan. Chelah sol túni kazarmada kezekshilik etken­dikten qarý ustaýǵa múmkindigi bolǵan.

Chelahtyń óziniń túsindirýi boıynsha, ol áýeli beket aýma­ǵynan saqshyny aldap shaqyryp alyp, atyp óltirgen. Sodan keıin kazarmaǵa oralyp, ondaǵy qalyń uıqy qushaǵynda jatqan qalǵan qyzmettesterine túgeldeı oq jaýdyrǵan. Sońynda ańshy úıin­degi qoryqshy Rýslan Kımdi óltirgen. Marqumdardyń bári de qarýsyz bolǵan kórinedi jáne adam óltirýshiniń aıtýy boıynsha, uıqydan oıanyp ketken onyń keıbir qyzmettesteri ózderine Chelahtyń qarý baǵyttaǵanyn shynaıy qabyldamaǵan.

Adamdar óltirilgennen keıin qylmys izderin jasyrý maq­satynda Chelah árqıly tustan avtomattan oq jaýdyryp, kazarma bólmelerinde oqtardy shashyp, janarmaı tógip, bekettiń barlyq sharýashylyq qurylystaryna órt qoıǵan. Osyndaı tásilmen beket aýmaǵynan tysqary jatqan saqshy máıiti de órtelgen. Budan soń Chelah «Makarov» tapanshasyn, azyq-túlik jáne qyzmet­testeriniń birqatar jeke zattaryn, ıaǵnı uıaly telefondar, noý­tbýk, aqsha alyp, kapıtan Ke­reevtiń azamattyq kıimin kıip, oqıǵa bolǵan jerden taıyp otyrǵan.

Qazirgi ýaqytta Chelahtyń ber­gen jaýaptarynyń shynaıy­lyǵy tekserilýde, al beketke syrttan shabýyl jasaý belgileri tergeýmen anyqtalǵan joq. Son­daı-aq, tergeý barysynda barlyq qajetti saraptamalyq zertteýler júr­gizilýde, sonyń ishinde Vladıslav Chelahtyń jeke basyna qatysty keshendi psıhologııalyq saraptama da júrgiziletin bolady.

Sarapshylar 11 áskerı qyz­met­kerdiń jeke bastaryn anyq­tady jáne saraptama shekara­shylardyń da, qoryqshynyń da alkogoldi ishimdik ishpegenin dáleldedi. Sol sııaqty órt-teh­nıkalyq saraptama kórsetken­deı, eshqandaı jarylys bolma­ǵan jáne jarylǵysh zattardy paıdalaný derekteri anyqtal­maǵan.

Sonymen qatar, «Sary­bók­ter» shekara beketiniń bastyǵy Alekseı Fomınge qatysty qyl­mys­tyq is qozǵaldy. Fomın ústi­mizdegi jylǵy mamyrdyń 28-i men 30-y aralyǵynda «Arqan­kergen» shekara beketimen baıla­nystyń bolmaǵanyn qasaqana jasyrǵany jáne onyń sebep­te­rin anyqtaý men qalpyna kel­tirý boıynsha shara qoldan­baǵany úshin aıyptalýda.

Sot sanksııasymen ol qamaýǵa alyndy. Qazirgi kúni bolǵan bar­lyq jaǵdaıdy anyqtaýǵa ba­ǵyt­talǵan basqa da jedel-tergeý sharalary júrgizilýde. Oqıǵa bol­ǵan jerge jaqyn aýdandarda jedel-tergeý, izdeý sharalary jal­ǵasýda. Bul oqıǵanyń tergelý barysyna qatysty basqa aqparat qosymsha habarlanatyn bolady, dedi resmı ókil.

Aleksandr TASBOLATOV,

«Egemen Qazaqstan.