Memleket basshysy Nursultan Nazarbaev Aýyl sharýashylyǵy mınıstri Aqylbek Kúrishbaevty qabyldady.
A.Kúrishbaev Prezıdentti vedomstvonyń 2009 jylǵy jumys qorytyndylary men “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Prezıdenttiń Qazaqstan halqyna Joldaýynan týyndaıtyn aldaǵy kezeńdegi mindetter týraly habardar etti. Mınıstrlik aldynda ozyq tehnologııa men qarqyndy óndiristi qoldanýǵa baǵyttalǵan aýyl sharýashylyǵyna sýbsıdııa bólý jáne memlekettik qoldaý kórsetý tetikterin jetildirý mindeti tur.
Áńgimelesý kezinde sondaı-aq, kóktemgi egis jumystaryna daıyndyq barysy, ınvestısııalyq jobalardy iske asyrý, sonyń ishinde “QazAgro” arqyly qarjylandyrý jaıy talqylandy.
– Memleket basshysy elimizdiń azyq-túlik qaýipsizdigin qamtamasyz etý, óńdeýshi ónerkásipti júıeli damytý, agrarlyq ǵylymdy odan ári reformalaý jóninde naqty mindetter qoıdy, – dedi jýrnalısterge arnalǵan brıfıngte A.Kúrishbaev.