Prezıdent Qasym-Jomart Toqaev О́zbekstan Prezıdenti Shavkat Mırzııoevpen keńeıtilgen quramda kezdesti, eki el arasyndaǵy yntymaqtastyq pen úkimetaralyq komıssııany nyǵaıtý talqylandy. Bul týraly Aqordanyń baspasóz qyzmeti habarlady.
Memleket basshysy Qasym-Jomart Toqaev Shavkat Mırzııoevke Tuńǵysh Prezıdent – Elbasy N.Á.Nazarbaevtyń sálemin jetkizip, onyń Qazaqstan men О́zbekstan qarym-qatynastarynyń damýyna sińirgen ólsheýsiz eńbegin erekshe atap ótti.
– Biz shaǵyn quramdaǵy kezdesý kezinde sabaqtastyqtyń saqtalyp, memleketterimiz arasyndaǵy qarym-qatynastardy odan ári nyǵaıtý úshin barlyq kúsh-jigerimizdi jumsaýǵa ýaǵdalastyq, – Memleket basshysy.
Qazaqstan Prezıdenti qazirgi saıasat eki memlekettiń ulttyq múddesine tolyqtaı sáıkes keletinin atyp ótip, kelissózder barysynda qol jetkizilgen kelisimderdi júzege asyrý úshin úkimetaralyq komıssııany Úkimet basshylarynyń deńgeıine kóterý týraly sheshim qabyldanǵanyn aıtty.
– Biz О́zbekstannyń damýyn zor qyzyǵýshylyqpen baqylap otyramyz. Sizder birqatar baǵyt boıynsha reformalar júrgizip, sonyń ishinde memlekettik basqarýdy, ekonomıkany lıberalızasııalaýdy jetildirip, halyqtyń ál-aýqatyn arttyrý isinde tańqalarlyq jetistikterge qol jetkizdińizder, – dedi Qasym-Jomart Toqaev.
Shavkat Mırzııoev Qasym-Jomart Toqaevtyń Prezıdent retindegi alǵashqy memlekettik saparyn О́zbekstannan bastaǵanyna toqtalyp, bul qadamnyń strategııalyq áriptestikti tereńdetip, qalyptasqan qarym-qatynastardy jalǵastyrýǵa baǵyttalǵanyn atap ótti.
– Qazaqstanmen dostyq qarym-qatynasty, tatý kórshilikti nyǵaıtý – О́zbekstannyń syrtqy saıasatynyń basym baǵyty. Nursultan Ábáshuly Nazarbaev ekeýmiz eki el arasyndaǵy qarym-qatynastardyń berik irgetasyn qalap, ózara baılanysty jańa deńgeıge kótere aldyq, – dep túıindedi Shavkat Mırzııoev.
Sonymen qatar, memleketter basshylary keńeıtilgen quramdaǵy kezdesýde ekijaqty jáne halyqaralyq baılanystardaǵy ózekti máseleler jónindegi, naqtyraq aıtqanda, BUU, Islam yntymaqtastyq uıymy jáne Araldy qutqarý halyqaralyq qory aıasyndaǵy múddeleri men ustanymdary sáıkes keletinin atap ótti.
Kelissózder barysynda taraptar quqyq qorǵaý organdary, arnaıy qyzmet jáne qorǵanys vedomstvolary salasy boıynsha qaýipsizdik pen turaqtylyqty, tyǵyz yqpaldastyqty qamtamasyz etý, jolaýshylar jáne júk tasymaldaý isin, ózara saýda jáne ónerkásip kooperasııasyn jandandyrý máselelerin talqylady.