- Egistikti paıdalaný qurylymynda jarma jáne kúzdik daqyldar bar-joǵy 0,2%. Sondaı-aq, egistik qurylymyndaǵy dándi-burshaqty daqyldar egistigin keńeıtýdiń oń máni bar. Dándi-burshaqty daqyldaryń eń ónimdisi – burshaq. Ortasha eseppen 20 jylda taza par boıynsha burshaq tuqymynyń ónimdiligi 15,1 s/ga, al orylǵan jer boıynsha-14,6 s/ga, - dedi A.Baraev atyndaǵy astyq sharýashylyǵy ǵylymı-óndiristik ortalyǵynyń bas dırektory Kenje Abdýllaev.
Aıtýynsha, egis alqaptarynyń qurylymyn ártaraptandyrý aýyl sharýashylyǵyn damytý úshin strategııalyq mańyzy bar. Egistikti paıdalaný qurylymynda qalyptasqan jaǵdaıǵa júrgizilgen taldaý ony oblystyń topyraq-klımattyq aımaqtary boıynsha jetildirý múmkindigin kórsetedi.
- Aýa raıy qolaıly soltústik aýdandarda burshaq ósirý tıimdi. Dándi-burshaqty daqyldardan noqat beredi jaqsy nátıjelerdi, ásirese qýań aýdandarda. Noqat-qurǵaqshylyqqa tózimdi jáne joǵary tehnologııalyq daqyl. Ol oraq kezinde jatyp nemese shashylyp qalmaıdy. Par boıynsha noqattyń ónimdiligi 12,3 s/ga, al orylǵan jer boıynsha - 11,2 s/ga qurady, - dep atap ótti Kenje Abdýllaev.
Sonymen qatar, sońǵy jyldary óndiris jaǵdaıynda jasymyq egý keń taralǵan. Buryn Qazaqstanda jasymyq egilmegen jáne az zerttelgen daqyl bolyp qala berdi. Orta eseppen 12 jyl ishinde dándi daqyldar boıynsha jasymyqtyń ónimdiligi 9,6 s/ga qurady.