Zań talaptaryna saı tekserilýde

Zań talaptaryna saı tekserilýde

Beısenbi, 14 maýsym 2012 7:16

Budan buryn habarlanǵanyndaı, Almaty oblysynyń Alakól aýdanynda ornalasqan «Arqankergen» ýaqytsha shekara beketinde áskerıler men ańshylyq sharýashylyǵy qyzmetkeriniń qazasyna alyp kelgen qaıǵyly oqıǵa oryn alǵandyǵy jurtshylyqqa belgili. Osy oqıǵaǵa baılanysty Bas áskerı prokýror Erǵalı MERZADINOV málimdeme jasady. Onda bylaı delingen.

 

Beısenbi, 14 maýsym 2012 7:16

Budan buryn habarlanǵanyndaı, Almaty oblysynyń Alakól aýdanynda ornalasqan «Arqankergen» ýaqytsha shekara beketinde áskerıler men ańshylyq sharýashylyǵy qyzmetkeriniń qazasyna alyp kelgen qaıǵyly oqıǵa oryn alǵandyǵy jurtshylyqqa belgili. Osy oqıǵaǵa baılanysty Bas áskerı prokýror Erǵalı MERZADINOV málimdeme jasady. Onda bylaı delingen.

Osy fakt boıynsha qozǵalǵan qylmystyq is Memleket basshy­synyń erekshe baqylaýynda tur. Tergeý jumystaryn prokýratýra, ulttyq qaýipsizdik jáne ishki ister organdarynyń neǵurlym táji­rıbeli qyzmetkerlerinen qural­ǵan vedomstvoaralyq jedel-tergeý toby júrgizýde.

Oryn alǵan oqıǵanyń barlyq jaǵdaılaryn, qylmystyń sebep­teri men sharttaryn anyqtaý boıynsha túbegeıli sharalar qabyl­danýda. Osy oqıǵaǵa jáne tergeý barysyna qatysty ártúrli qo­ǵam­dyq pikirlerge baılanysty tergeý múddelerine qaramastan ter­geý amaldarynyń jekelegen qyr­la­ryn ashyp aıtýdy durys dep sheshtik.

Qazirgi ýaqytta anyqtalǵan­daı, 2012 jylǵy 10 mamyrda 15 adam, onyń ishinde 1 ofıser, 3 kelisim-shart boıynsha qabyldan­ǵan áskerıler jáne 11 merzimdi áskerılerden turatyn qyzmet­kerler «Arqankergen» ýaqytsha shekara beketinde memlekettik shekarany kúzetý boıynsha kezek­shi­likke túsken bolatyn. Tergeý málimetteri boıynsha qylmys 28 mamyr kúni tań aldynda bolǵan. Qylmys jasalý sátinde áskerı qyzmetshiler shekara beketinde 17 kún, al qaza bolǵan Kım ańshylyq sharýashylyqta sáýirdiń aıaǵynan, ıaǵnı, shamamen bir aı bolǵan.

«Sarybókter» shekaralyq be­ketiniń bastyǵy Fomın «Arqan­kergen» beketine aǵymdaǵy jylǵy 30 mamyrda baılanystyń joǵa­lýyna baılanysty kezekshi quram jiberedi. Buryn habarlanǵandaı, shekarashylar oqıǵa ornyna kelgende órtenip ketken kazarma, ofı­serlik quram úıi men sharýa­shylyq qurylystarǵa tap bolǵan. Oqıǵa ornyna kelgen jedel-tergeý toby órten­gen kazarma jaıynda 13 adam­nyń kúıgen qaldyq­ta­ryn tabady. Beket aýmaǵyna ja­qyn jerdegi aǵyp jatqan ózen boıynan taǵy bir janyp ketken máıitke kezigedi, keıin anyqtal­ǵandaı, ol kezekshi saqshy bolǵan. Sondaı-aq beketke kórshiles orna­lasqan ańshylyq bazasynyń aýma­ǵynda ańshylyq sharýashylyq kúzetshisi Kımniń birneshe oq atýmen óltirilgen máıiti tabyldy.

Genomdyq saraptama 11 áske­rı­diń tulǵasyn anyqtady, qalǵan úsh máıittiń jeke bastaryn anyq­taý jumystary jalǵasýda. Osy jumysqa sheteldik sarapshylardy tartý da joqqa shyǵarylmaıdy.

Oqıǵa ornynda kapıtan Ke­reev­tiń «Makarov» tapanshasynan ózge shekarashylarda bolǵan bar­lyq qa­rýlar tabyldy. 4 maýsymda shekara jasaǵy «Arqan­kergen» beketinen 24 shaqyrym qa­shyq­tyqta orna­lasqan jergi­likti shopandar qys­taǵynyń bi­rinde ja­syrynǵan 1992 jyly tý­ǵan, qa­tardaǵy jaýynger Chelah Vladıslav Valerevıch tabylyp, us­taldy. Ustaý sátinde ol Kereev­tiń azamattyq kıimderinde boldy, sonymen qatar onda beket basty­ǵyna tıesili «Makarov» tapanshasy, eki uıaly telefon, noýtbýk, 12 000 teńge, sondaı-aq onda keıbir qaza tapqan áskerılerdiń úsh uıaly telefony jáne ańshylyq sharýa­shylyq kúzetshisi Kımniń foto­apparaty boldy.

Tergeý barysynda Chelah qaza tapqan bir áriptesinen saqınany alyp ketip, keıin ony ustaǵan kezde tasyǵan avtokólikte qaldyryp ketkeni týraly aıtty. Sol kólikti qaraý barysynda saqına tabyldy, keıinnen saqınany qaza tapqan Sársembaevtyń zaıyby tanydy.

Jurtshylyqty, sonyń ishinde tergeýdi de Chelahtyń osy qyl­mysty bir ózi jasaǵany týraly suraq tolǵantady. Ol advokattyń qatysýymen bolǵan alǵashqy ter­geýde-aq óziniń 14 qyzmettesin já­ne qylmystyń kýágeri retinde bol­ǵan ańshylyq sharýashylyq kúzet­shisi Kımdi óltirgenin moıyndady. О́z dáıekterin ol oqıǵa ornynda aıǵaq­tardy tekserý barysynda da rastady. Chelah sy­baılastarynyń jáne qylmysqa qatysýshylardyń bolǵa­nyn úzil­di-kesildi joqqa shyǵaryp otyr. Chelah ustalǵan kúnnen beri qa­zirgi ýaqytqa deıin moıyndaýyn jalǵastyryp keledi. Ol óziniń tergeý óndirisindegi sózin rastap otyr.

Tergeý áreketteriniń nátıjesi men Chelahtyń moıyndaýlaryn saraptaý onyń qylmysty naqty jasaǵanyn, ıaǵnı bolǵan oqıǵanyń qalaı oryn alǵanyn búge-shigesine deıin biletin adamnyń ǵana aıtyp otyrǵanyn dáleldeıdi. Máselen, saraptaý nátıjesi shekarashylardy atqan kezdegi olardyń qalaı jatqandyǵy Chelahtyń aıtqany­men sáıkes keldi. Paıdalanylǵan avtomat qarýy oqıǵa bolǵan jerdi qaraý barysynda Chelah kórsetken tustan tabyldy. Ol saqshyny ózen jaǵasynda beket bastyǵy Kereev­tiń «Makarov» tapanshasymen qa­ra­­­­qustan atqanyn aıtady. Soǵan sáıkes sot-medısınalyq saraptama jábirlenýshiniń basyna 9 mm. kalıbrli qarýdan atylǵanyn anyq­tady. Oǵan qosa sot-medısı­nalyq saraptama saqshy óltiril­gen jerden tabylǵan gılza beket bastyǵy Kereevtiń «Makarov» tapanshasynan atylǵanyn dálel­dedi.

Ańshy sharýashylyǵynyń kú­zet­shisi Kım, Chelah kórsetkendeı, avtomattan atylǵan. Sot-medı­sı­nalyq saraptama negizinde Kımniń ajaly 5,45 mm. kalıbrli qarýdyń birneshe márte atylýynan bol­ǵandyǵyn kórsetti. Oqıǵa ornynan alynǵan gılzalar men oqtar Chelah keıin kórsetken jerden tabylǵan avtomattan atylǵanyn krımınalıstıkalyq saraptama aı­ǵaqtady. Odan ári, onyń kór­setýi boıynsha, qylmys jasap bolǵan soń ol «Makarov» tapanshasyn, marqumdardyń jeke zattaryn alyp, ózen jaǵasynda óltir­gen saqshy denesine jáne kazarma men sharýashylyq qurylysyna ben­zın shashyp, órt qoıǵan da qyl­mys ornynan taıyp otyrǵan. Marqum bolǵandardyń jeke zattary Chelah ustalǵan kezde odan tabylǵanyn joǵaryda aıttyq.

Chelah taýda jasyrynǵanda beı­nejazba túsirgen. Bul beınejazbalardy ol Kımdi óltirgennen keıin odan alǵan fotoapparatqa túsirgen. Chelahtyń moıyndaýla­rynyń rastyǵyn dáleldeıtin mundaı derekter iste jeterlik. Olardyń bárin jarııalaýǵa ter­geýdiń múddesi kótermeıdi.

Aıta ketý kerek, Chelah óziniń bul qylmystardy jasaǵanyn anasymen kezdeskende de moıyndady. Munyń da beınejazbasy bar. Al bárinen buryn qylmysty jasaý sebebin Chelahtyń ózi aıtyp berdi.

Qazirgi kúni qylmystyq jaǵ­daıdyń oryn alýynyń shynaıy sebebi men naqty sarynyn anyq­taý maqsatynda tergeý áreketi áli de jalǵasýda. Chelahtyń kórse­týlerin, onyń árbir dálelderin tergeýshiler tııanaqty tekserýde. Sonymen qatar qazirgi ýaqytta keshendi psıhologııalyq-psı­hıa­tr­ııalyq saraptama óndirisi úshin tergeý qujattary daıyndalýda.

Chelahtyń atalǵan qylmysty jasaǵanyn dáleldeıtin aıǵaq jet­kilikti jınaldy. Oǵan QK 96-babynyń 2-bóliginiń «a» tar­maǵy boıynsha aıyp taǵyldy, al onyń kináli ekendigin tek sot qana belgileıdi. Tergeýshiler tergeýdiń tolyq ári anyq júrýi úshin bar­lyq sharalardy qamtyp otyr. Men Bas áskerı prokýror retinde atalǵan istiń tergeýine jeke qa­daǵalaý júrgizýdemin, sondyqtan ol is tek zań talaptaryna saı ǵana qatań túrde tekseriletinine ke­pildik beremin.

Joǵaryda atap ótkenimdeı, atal­ǵan isti tergeý barysy Memleket basshysy men Bas pro­ký­rordyń jeke baqylaýynda tur­ǵanyn taǵy da qaıtalap aıtamyn. Buǵan qo­symsha aıtarym, atalǵan derekter boıynsha Ulttyq qa­ýipsizdik komıteti júrgizgen qyz­mettik tergeý nátıjesinde «Shy­ǵys» aımaq­tyq basqarma, Úsharal shekara otrıady men «Dostyq» shekara ko­mendatýrasynyń basshylary laýazymdy qyzmetterinen bosatyldy. UQK Tóraǵasynyń oryn­­basary – Shekara qyzmetiniń dırektory genaral-maıor N.Myrzalıev Memleket basshynyń atyna ózin qyzmet­ten bosatý týraly raport berdi.