MAŃYZDY TО́RT ZAŃ QABYLDANDY

Keshe Qasym-Jomart Toqaevtyń tóraǵalyq etýimen Parlament Senatynyń kezekti jalpy otyrysy boldy. Otyrystyń kún tártibi boı­yn­sha depýtattar birinshi kezekte “Qa­zaq­stan Respýblıkasy men Azııa Damý banki arasyndaǵy Qaryz tý­raly kelisimdi (Jaı operasııalar) (OAО́EY 1 kólik dálizi [Jambyl oblysyndaǵy ýchaske] [“Batys Eý­ro­pa – Batys Qytaı” halyqaralyq tranzıt dálizi] Investısııalyq baǵ­darlama – 2-joba) ratıfıkasııalaý týraly” zań jobasyn talqylady. Zań jobasyna negiz bolǵan keli­sim­niń maqsaty Jambyl oblysy aýma­ǵynan ótetin uzyndyǵy 79 shaqy­rym dáliz bóligin jańǵyrtý jáne jóndeý jumystaryn, jol paı­da­la­ný qyzmetiniń 4 keshenin qarjy­lan­dyrý úshin zaım berý bolyp ta­bylady. Halyqaralyq qujatqa 2009 jylǵy 3 jeltoqsanda Astanada qol qoıylǵan bolatyn. Bul týraly Se­nat aldynda baıandama jasaǵan Kó­lik jáne kommýnıkasııa mınıstri Á.Qusaıynov OAО́EY 1 kólik dálizi [Jambyl oblysyndaǵy ýchas­ke] [“Batys Eýropa – Batys Qy­taı” halyqaralyq tranzıt dálizi] Investısııalyq baǵdarlama – 2-jobasyn júzege asyrý elimizdiń kólik áleýetin damytatynyn atap ótti. Sondaı-aq halyqaralyq tran­zıt dáliziniń qazaqstandyq bóli­gin­degi qozǵalys jıiligin eleýli art­ty­ra­tynyna jáne tranzıttik júk­ter­diń aınalymyn ulǵaıtatynyna toq­taldy. Birqatar talqylaýdan keıin zań qabyldandy. Depýtattardyń kezekti talqy­sy­na túsken “Qazaqstan Respýblıka­sy­nyń keıbir zańnamalyq akti­lerine bıýdjet prosesin jetildirý máseleleri boıynsha ózgerister men tolyqtyrýlar engizý týraly” zań jobasy boldy. Bul joba túpki nátıjege baǵdarlanǵan bıýdjettik josparlaýdy odan ári jetildirý, memlekettik josparlaý júıesine sáıkestendirý, sondaı-aq respýb­lı­kalyq jáne jergilikti deńgeıdegi qar­jy baqylaý júıesiniń tutas­ty­ǵyn qamtamasyz etý maqsatynda ázir­lengen bolatyn. Talqylaý bary­synda senatorlar bıýdjetaralyq qatynastardy jetildirý turǵysynda óz oılaryn ortaǵa saldy. Senator Svetlana Jalmaǵambetova jergilikti jerlerdegi tekserý komıssııa­lary­nyń jumysyn jaqsartý, bıýdjet­aralyq qatynastardy jetildirý týraly kúrdeli máselelerdi kóterdi. Ishki jáne syrtqy baqylaýdyń qaǵaz júzinde qalyp qoımaýyna nazar aýdarǵan ol bıýdjet qarjysynyń ıgerilmeýi, qarjy-ekonomıka sala­syndaǵy tártip buzýshylyqtardyń deńgeıin anyqtaýdyń negizdemesi joq ekenin aıtty. Bul zań jobasymen Bıýdjet jáne Salyq kodeksterine, sondaı-aq “Ákimshilik rásimderi týraly”, “Normatıvtik quqyqtyq aktiler týraly”, “Konsessııalar týraly”, “Mem­lekettik satyp alý týraly” jáne “Qazaqstan Respýblıkasyn­da­ǵy memlekettik jáne jergilikti ózin-ózi basqarý týraly” zańdarǵa ózge­rister men tolyqtyrýlar engiziledi. Atap aıtqanda, Bıýdjet kodeksine memlekettik qarjy baqylaý jáne josparlaý júıesi, memlekettik qyzmet kórsetýler, bıýdjetaralyq qatynastardy jetildirý, bıýdjetti oryndaý jáne ınvestısııalyq rásimderdi jetildirýge qatysty ózgerister engiziletin boldy. Jan-jaqty talqylaýlardan keıin senatorlar zańdy qabyldaý týraly sheshimge toqtaldy. Osydan buryn Parlament pa­latalary arasyndaǵy kelispeýshi­lik­ter týyndaýyna baılanysty “Atqarýshylyq is júrgizý jáne sot oryndaýshylarynyń mártebesi týraly” jáne “Qazaqstan Respýb­lı­kasynyń keıbir zańnamalyq akti­lerine atqarýshylyq is júrgizý máseleleri boıynsha ózgerister men tolyqtyrýlar engizý týraly” zań jobalary boıynsha kelisý komıs­sııasy jumys istegen bolatyn. Bú­gin­gi otyrysta kelispeýshilikterdi eń­serý jónindegi kelisim komıs­sııa­synyń usynystaryn senator Iran Ámirov habardar etti. Zań jobalaryna engiziletin óz­gerister boıynsha kelisim komıs­sııasy eleýli jumystardy atqaryp shyqty. Negizgi zań jobasyndaǵy – 14, qosymsha zań jobasy boıynsha 18 túzetý boıynsha ortaq pikirge qol jetkizildi. Eki zań da osy komıssııada kelisilgen usynystar boıynsha qabyldandy. Sóıtip, Senattyń bul oty­ry­synda tórt zań qabyldandy. Jalpy otyrysta senatorlar ózderiniń depýtattyq saýaldaryn da joldady. Qýanysh Aıtahanov áıgili kompozıtor Shámshi Qaldaıaqovqa eskertkish qoıý jáne murajaıyn ashý týraly aıtsa, depýtat Nur­ly­ǵaıym Joldasbaeva Esep komı­tetiniń tekserýi qorytyndylary boıynsha anyqtalǵan qarjy tár­ti­bin buzý­shylyqtarǵa jáne Batys Qazaqstan oblysyna sapar bary­syn­da kóteril­gen máselelerge toq­tal­dy. Senator Serik Aqylbaı ja­rııa etken depý­tattyq saýalda jol qaýipsizdigin ba­qylaıtyn polısııa qyzmetkerleriniń eńbekaqysyn kóterý máselesi kóterildi. Bul máseleni depýtat Iýrıı Kýbaıchýk ta qoldady. Shyǵys Qazaqstan oblysyndaǵy qystyń asa sýyq ta qarly bolǵany, endi qar erýi saldarynan sý tasqyny bo­lýy qaýpi jáne onyń aldyn alý sha­ralaryna ázirlik máselesi depýtat Tal­ǵat Abaıdildınniń saýalynda kóterildi. Depýtat ekinshi saýalynda osy ob­lystaǵy áleýmettik nysandar týraly kókeıkesti máselelerdi qozǵady. Parlament Senatynyń baspasóz qyzmeti.