2019 jylǵy 16 sáýirdegi Úkimet otyrysyndaǵy Indýstrııa jáne ınfraqurylymdyq damý mınıstri shıkizattyq emes eksportty ilgeriletý máselesi boıynsha málimdeme jasady.
Indýstrıaldy damý memlekettik baǵdarlamasy aıasynda 2018 jyly iske qosylyp, eksportqa baǵyttalǵan jańa óndirister bıýdjeti 458 mln AQSh dollaryn quraǵan. Shyǵarylatyn ónimniń 50%-ti eksportqa baǵyttalǵan.
«Eksportqa baǵyttalǵan jobalardy 500 mlrd teńge qarjymen qoldaý eksporttyń ósýine oń yqpal etedi» dedi Mınıstr.
Mınıstrdiń aqparatyna súıensek, álemdik naryqtardaǵy tutyný men suranystyń ósýin eskere otyryp, bıyl birqatar salalardaǵy taýarlar eksporty kóleminiń ósýi kútilip otyr. Olar:
- transformatorlardy, akkýmýlıatorlar men moıyntirekterdi eksporttaýdy ulǵaıtý esebinen mashına jasaý;
- ferroqorytpalar men bolat qubyrlaryn óndirýdi ulǵaıtý esebinen metallýrgııa;
- sondaı-aq hımııa jáne jeńil ónerkásip salalary.