Aldymen «Qazyǵurt» ındýstrıaldy aımaǵyna aıaldaǵan óńir basshysy ondaǵy kásiporyndar men óndiriletin ónim túrlerimen tanysty. Áýeli aımaqta ornalasqan sýsyn óndiretin Kórik JShS-na bardy. Alkogolsiz tabıǵı shyryndy sýsyndar shyǵaratyn kásiporyn 2017 jyldan bastap jumys isteıdi. Qazirgi tańda kásiporyn táýligine 8 tonna sýsyn óńdeıdi. Onda 21 adam turaqty jumyspen qamtylǵan.
Odan keıin О́mirzaq Shókeev Sharaphana aýyl okrýginde ornalasqan «Qazyǵurt Nury» JShS-niń jylyjaıynda boldy. Jalpy aımaǵy 2,9 gektardy quraıtyn qyzanaq pen qııar ósiretin sharýashylyqty aralady. 2001 jyldan bastap jumys istep kele jatqan seriktestiktiń tóraǵasy Amanjol Áshirbaevtyń aıtýynsha, jylyjaıdan ótken jyly jalpy 340 tonna ónim alynǵan. Aldaǵy ýaqytta ónim kólemin ulǵaıtý josparlanýda. Jylyjaıda 12 adam turaqty jumyspen qamtylsa, maýsym kezinde olardyń sany 30-35 adamǵa deıin jetedi. Aılyq jalaqylary 55-70 myń teńge kóleminde. Sharýashylyq jumysymen tanysqan óńir basshysy sharýalarǵa jylyjaı keshenine qajetti jabdyqtardy otandyq óndirýshilerden alý qajettigin aıtty.
Sondaı-aq, oblys ákimi Qazyǵurt aýdanyna sapary aıasynda 70 gektar jerge qarqyndy baý sharýashylyǵyn damytyp otyrǵan «Birlik» AО́K óndiristik kooperatıviniń jumysyn aralap kórdi. Onda qazir almanyń «Golden», «Delıshes», «Red Delıshes», «Gala Fýdjı», «Grenı», «Smıt» syndy túrleri ósedi. Aımaq basshysy alma baý kólemin ulǵaıtý maqsatynda qojalyq ıesine Túrkistan qalasynan jer telimi beriletinin aıtty. Sondaı-aq, qarqyndy baý kólemin kóbeıtýde aýdan basshylyǵyna kásipkerler úshin memlekettik qoldaý men jer máselelerin der kezinde sheshý qajettigin tapsyrdy.
Budan basqa, «Qaıyp ata» JShS qojalyǵynyń jumys barysymen tanysqan oblys ákimi О́mirzaq Shókeev shetelge et ónimin eksporttaý úshin qojalyqty arnaıy reestr tizimine qosyp, qoldaý kórsetiletinin jetkizdi. «Qaıyp ata» JShS-niń mal bordaqylaý kesheni Qazyǵurt aýdanyndaǵy Jańabazar aýylynda ornalasqan. Keshende búginde 5 myńǵa jýyq iri qara bordaqylanýda. Keshende ósiriletin tórt túliktiń eti ekologııalyq jaǵynan taza ári sapaly bolǵandyqtan suranys óte joǵary. Sondyqtan seriktestik et óndirip qana qoımaı, ony shet elderge eksporttaý jumysyn da qolǵa alǵan.