Jaǵdaıdy jaqsartady

Sársenbi, 20 maýsym 2012 7:53

Ishki ister mınıstrliginiń jeke quramyn kezekten tys attestattaýdanótkizý máselesi búginde qoǵamda keń talqylanýda. ishki isterorgandarynyń ardagerleri ilgeri damytatyn bastamalar mentúbegeıli ózgeristerdiń aldyńǵy qataryndaǵy belsendi top retinde,zańnyń buzylýyn boldyrmaý maqsatynda attestattaý komıssııasynyńjumysyna belsendi túrde qatysýda.

Sársenbi, 20 maýsym 2012 7:53

Ishki ister mınıstrliginiń jeke quramyn kezekten tys attestattaýdanótkizý máselesi búginde qoǵamda keń talqylanýda. ishki isterorgandarynyń ardagerleri ilgeri damytatyn bastamalar mentúbegeıli ózgeristerdiń aldyńǵy qataryndaǵy belsendi top retinde,zańnyń buzylýyn boldyrmaý maqsatynda attestattaý komıssııasynyńjumysyna belsendi túrde qatysýda.

Keń kólemdegi sharanyń basty maqsaty – kadrlyq saıasatty nyǵaıtý, elimizdiń ishki turaq­tylyǵyna, quqyq tártibine, zań­nyń saqtalýyna jaýapty adam­dardyń kásibı deńgeıin jetil­dirý. IIM bul attestattaýdy jalpy polısııa qyzmetin, shyn má­ninde, tıimdi etýge múmkindik beretin shara dep qabyldaýda. Sebebi, 2011 jyly Astana, Almaty, Aqtóbe, Jańaózen, Taraz qa­la­laryndaǵy oryn alǵan oqıǵa­lar barysy qysyltaıań jaǵdaı­larda polısııanyń talapqa saı qyzmet etýge daıyn emes eken­digin, ıaǵnı keıbir polısııa qyz­metkerleriniń kásibı jáne psıho­lo­gııalyq deńgeıiniń álsiz eken­digin kórsetti. Urysqa daıyndyq tájirıbesiniń joqtyǵy, árıne mańyzdy faktor, alaıda bul syltaý emes.

Saraptama kórsetkendeı, qor­ǵa­nýdyń qarapaıym erejelerin saqtaǵan jaǵdaılarda qyzmetker­lerdiń ólimin boldyrmaýǵa bolatyn edi. Ústine nysandyq forma kıgen árbir qyzmetker úshin qa­jetti tózimdilik pen baısal­dy­lyq, ózin-ózi ustaı bilý qasıet­teri qazirgi býynda azaıyp bara jatqandaı. Muny men jumys tá­jirıbeme súıenip úlken jaýap­ker­­shilikpen aıtyp otyrmyn. Meniń keńes mılısııasyndaǵy jumys tájirıbem 31 jyldy quraıdy. Sońǵy bes jylda IIO jáne IÁ ardagerler keńesine tóraǵalyq jasap kelemin.

Kadr saıasaty árqashanda bas­shylyq quram men qol astyn­da­ǵy­lardyń, memlekettik qury­lym­­dar men atqarýshy bıliktiń, eń bastysy, halyq pen olardyń qu­qyǵy men bostandyǵy senip tapsyrylyp, qorǵaý qatarynda tur­ǵan­dardyń arasyndaǵy ózara qa­rym-qatynastyń kúrdeli tizbe­ginde mańyzdy bóligi bolǵan jáne bolyp qala bermek. Árıne, sońǵy kezderi ishki ister organdaryna kezdeısoq, paıdakúnem adam­dardyń kelý derekteri oryn alyp jatqandyǵy eshkimge de qupııa emes.

Buqaralyq aqparat qural­da­rynda memleket bergen ókilet­tikti paıdalanyp, polısııa qyz­metkerlerinde jat qylyqtarmen kózge túsip, ózderin teris pıǵyl­dy sanasyzdar etip kórsetý de­rek­terin de jıi kezdestirýge bolady. Jeke quramdy attestattaý irikteýdiń, kýrsanttardy, ofı­ser­lerdi, serjanttar quramyn oqytýdyń jańa tıimdi talaptaryn anyqtaýǵa jáne buǵan qosa ómirlik ustanymdary jeke bastarynyń qamyn oılaıtyn, aram nıetterin júzege asyrý úshin kelgen qyzmetkerlerden po­lısııanyń qataryn tazartýǵa da múmkindik beredi.

2011 jyldyń sáýir aıynan bastap Shyǵys Qazaqstan ob­lys­tyq IID-de ishki ister organdaryna qyzdar men jas ji­gitterdi qabyldaýǵa BAQ ar­qyly tapsyrys berý tájirıbesi júzege asyrylýda. Osy arqyly halyq arasynda ashyqtyq qam­tamasyz eti­lip, irikteýge erekshe daıyndyǵy bar laıyqty jastar tartylady. Bolashaq polıseılerge qoıyla­tyn talaptar ne­gizdi ári asa qa­jetti bolǵany jón. Búgingi kýrsanttardan, ıaǵ­nı erteńgi polıseılerden qyl­mystyń ashylýy, quqyq bu­zýshylyqtyń aldyn alý sapasy joǵary deńgeıde talap eti­letin bolady. Munyń bári jalpy alǵanda elimizdegi turaq­ty­lyqqa tikeleı baılanysty. Kezekten tys attestattaý qyz­mettik, dene shynyqtyrý jáne jaýyn­gerlik daıarlyqty je­tildirý boıynsha kadr apparaty jumy­syn­daǵy ál­siz tustardy anyqtaýy tıis, bul óz kezeginde mindet­terine salaq qyzmet­ker­lerden arylýǵa múm­kindik beredi.

Nurlybek ÚDERBAEV,

Shyǵys Qazaqstan oblysy IIO jáne IÁ ardagerler  keńesiniń tóraǵasy.

О́skemen.