Kelisim qalalyq orta sapasy jáne baqylaý basqarmasy, qalalyq iKomek 109 monıtorıng jáne jedel áreket etý ortalyǵy jáne «Media Service 2010» JShS arasynda jasaldy. Memorandýmnyń maqsaty – elorda aýmaǵyndaǵy lıft kabınalaryna monıtorıng jasaıtyn «SAFELIFT» jobasy men iKomek 109 biryńǵaı baılanys ortalyǵyn ıntegrasııalaý.
«Endi lıft apattyq jaǵdaıda toqtap qalsa, turǵyndar bólek arnaıy túımeniń kómegimen iKomek 109 biryńǵaı baılanys ortalyǵyna qońyraý shala alady. Turǵynnan qońyraý (nemese tútin belgisi) kelip túskende, iKomek 109 ortalyǵy operatorynyń monıtorynda kelesi derekter kórinedi: aýdan, turǵyn úı kesheniniń ataýy, kóshe (dańǵyl, tuıyq), úıdiń nómiri, kireberis nómiri, qyzmet kórsetýshi lıft sharýashylyqtarynyń derekteri», – delingen qalalyq monıtorıng jáne jede áreket etý ortalyǵynyń baspasóz qyzmetiniń habarlamasynda.
IKomek 109 biryńǵaı baılanys ortalyǵy qalanyń barlyq kommýnaldyq jáne avarııalyq qyzmetteriniń nómirlerin biriktiredi, sondaı-aq lıft sharýashylyǵy qaýymdastyǵymen tyǵyz baılanysta ekenin esterińizge salamyz. Lıft jumysynyń máseleleri boıynsha 2018 jyly ortalyq 2 055 ótinishti, 2019 jyldyń basynan 1 006 ótinishti qabyldady. Eske salaıyq, lıftidegi apatty jaǵdaıǵa áreket etý reglamenti 40 mınýtty quraıdy.