S.Toraıǵyrov atyndaǵy Pavlodar Memlekettik Ýnıversıtetinde jýrnalıstıka mamandyǵy boıynsha XI Respýblıkalyq pán olımpıadasy qyza tústi.
Alǵashqy kúni «Uly dalanyń ulaǵaty» taqyrybynda jýrnalıstik qyrlaryn tanytatyn komandanyń beınerolık retindegi tanystyrylymy kórermenge jol tartsa, ekinshi kezeńinde tarıhı tulǵalar men uly dalanyń shejiresi, táýelsizdik jyldaryndaǵy Qazaqstannyń qol jetkizgen jetistikteri men jastar jylyndaǵy ózgerister jaıly oıtolǵaý jazyldy. Osylaısha qatysýshylardyń jumysyn Pavlodar ólkesiniń bilikti jýrnalısterinen quralǵan top qazylyq jasap, baǵalady.
Ekinshi kúni teorııalyq bilimderin tekserý maqsatynda eki saǵattyq testileý júrgizildi. Qonaqjaı pavlodarlyqtar alǵashqy kúnnen-aq kelgen qonaqtarǵa arnap ekskýrsııa júrgizdi. Qatysýshylar qala tarıhymen tereńirek tanysýǵa múmkindik aldy. Osylaısha saıyskerler Buhar jyraý men Álkeı Marǵulan syndy qazaqtyń maqtanyshtary týǵan ólke Ertis-Baıan óńiriniń tarıhy men kelbetine degen tańdanysyn beınesıýjet arqyly jetkizedi.
Dástúrli sharaǵa aınalǵan pán olımpıadasy elimizdiń túkpir-túrkirinen jınalǵan jastardyń dostyq mekenine aınaldy.
A.Baıtursynov atyndaǵy QMÝ-dyń jýrnalıstıka mamandyǵy stýdentteriniń quramasy