Búgin «Nur Otan» partııasy Tóraǵasynyń Birinshi orynbasary Máýlen Áshimbaev «NUR Media» ujymyna holdıngtiń jańa bas dırektoryn tanystyrdy. Ol - belgili jýrnalıst Álııa Bórıeva. Álııa Bórıeva eńbek jolyn Shymkenttegi «Otyrar» telearnasynan bastaǵan. Ár jyldary KTK, Qazaqstan jáne «Astana» telearnalarynda, túrli memlekettik organdardyń baspasóz qyzmetterinde jumys istedi.
2006 jyldan bastap Álııa Bórıeva «Nur Otan» partııasy ortalyq apparaty men «NUR Media» holdınginiń qurylymynda basshylyq laýazymdardy atqardy.
Sondaı-aq búgin «Nur Otan» partııasy Ortalyq apparatynyń baspasóz qyzmetiniń basshysy laýazymyna Maksım Spotkaı taǵaıyndaldy. Ol buǵan deıin partııa medıa-holdıngi bas dırektorynyń orynbasary bolǵan.
«Osy taǵaıyndaýlar partııanyń aqparattyq saıasatyn odan ary kúsheıtýge ıgi áser etedi dep senemin. Biz birge «Nur Otan» partııasyn ashyq, nátıjeli, 21 ǵasyrdyń ınnovasııalyq saıası uıymyna aınaldyrýǵa tıispiz. Áriptesterime sáttilik jáne shyǵarmashylyq tabystar tileımin», - dedi Máýlen Áshimbaev.