Májilis depýtaty Maıra Aısınanyń aıtýynsha, kompozıt naqty ómirlik jaǵdaı týyndaǵan kezde adamnyń bir ótinish arqyly birneshe ózara baılanysty qyzmetterdi alýyna múmkindik beredi.
«Mysaly, buryn azamat zeınetaqy tólemderin alýǵa arnalǵan eki túrli ótinishti, ıaǵnı bazalyq zeınetaqy boıynsha jeke jáne ortaq zeınetaqy boıynsha jekeleı aldymen Halyqqa qyzmet kórsetý ortalyǵyna berýge tıis bolatyn. Buǵan qosa, Biryńǵaı jınaqtaýshy zeınetaqy qoryna taǵy bir ótinish berýi qajet edi. Zeınetker óz zeınetaqysyn alý úshin ártúrli mekemelerge baryp, árqaısysy 3-7 jáne odan da kóp qujattan turatyn úsh bólek qujattar paketin daıyndaý kerek bolatyn», - dep túsindirdi M. Aısına.
Onyń sózine qaraǵanda, kompozıttik tásil osy barlyq úsh qyzmetti tek Halyqqa qyzmet kórsetý ortalyǵy arqyly bir ótinish boıynsha alýǵa múmkindik beredi, qujattar sany biraz qysqaryp, azamattar úshin yńǵaıly ári túsinikti bolady. «Zań jobasy arqyly quramyna 55 kórsetiletin qyzmet biriktiriletin osyndaı 21 kompozıttik qyzmetti engizý kózdelip otyr. Ásirese, múmkindigi shekteýli balalary bar otbasylar úshin 6 kórsetiletin qyzmetti biriktirgende nemese jumysynan aıyrylǵan jaǵdaıda áleýmettik tólem taǵaıyndaý kezinde 4 kórsetiletin qyzmet qosylǵanda jáne basqa da jaǵdaılarda asa mańyzdy», - dedi depýtat.
Budan buryn habarlanǵandaı, jalpy otyrysta qujattardy Qazaqstan aýmaǵyndaǵy kez kelgen tirkeýshi organǵa ótkizýge bolatyny aıtylǵan edi.