Juma, 20 shilde 2012 7:43
Qudaı biledi, «qarjy polısııasy» degende kez kelgen jannyń júregi dir ete qalatyn shyǵar, sirá… Shynyn aıtý kerek, tek qarjy polısııasy ǵana emes, jalpy pogon taǵyp, fýrajka, arnaıy áskerı forma kıgen aǵaıyndarda áıteýir bir sus bar ǵoı… Ústindegi kıiminiń qudireti me, joq, álde qolyndaǵy bıliginiń qudireti me, túsiniksiz.
Juma, 20 shilde 2012 7:43
Qudaı biledi, «qarjy polısııasy» degende kez kelgen jannyń júregi dir ete qalatyn shyǵar, sirá… Shynyn aıtý kerek, tek qarjy polısııasy ǵana emes, jalpy pogon taǵyp, fýrajka, arnaıy áskerı forma kıgen aǵaıyndarda áıteýir bir sus bar ǵoı… Ústindegi kıiminiń qudireti me, joq, álde qolyndaǵy bıliginiń qudireti me, túsiniksiz.
Jalpy, sizdiń qarjy polısııasy týraly oıyńyz qalaı? Qarjy polısııasynan nege qorqasyz? «Oıbaı, ana bir sheneýnikti kabınetinde para alyp jatqan jerinen ustapty», «Pálenshe túgenshege para berip jatqan jerinen ustalyp qalypty». Jasyratyny joq, bizdiń qarjy polısııasy týraly túsinigimiz, biletinimiz, paıymymyz osy tóńirekte ǵana. Olardyń jumysynyń syryn, qyryn, maqsatyn tereń túsinbegendikten qarjy polısııasynyń ózi túgili, qarasynan qorqamyz.Joq, siz qatelesesiz. Qarjy polısııasy siz oılaǵandaı qorqynyshty emes. Qarjy polısııasy organdarynyń basty mindetteriniń biri – memleketimizdiń ekonomıkalyq qaýipsizdigin qamtamasyz etý, kásipkerlerdiń zańdyq quqyqtaryn qorǵaý, qarjylyq, jemqorlyq sıpattaǵy qylmystardy tergeý, ashý, jolyn kesý. Jeke jáne zańdy tulǵalardyń aryz-shaǵymdaryn muqııat qaraý, olardy sapaly sheshý bolyp tabylady. Naqtyraq aıtqanda, el eń aldymen qarjy polısııasyn tek jemqor ustaýshy emes, bıznestiń qorǵaýshysy, qalqany, qamqorshysy dep sezinýi qajet.Statıstıkaǵa sóz bersek, osy jyldyń 6 aıynda departamentke 2973 aryz-shaǵym túsipti. Onyń 92-si kásipkerlerden, 158-i ujymdardan túsken. Ońtústik Qazaqstan oblysy qarjy polısııasy qujat aınalymyn qamtamasyz etý bóliminiń bastyǵy A.Kókebaevanyń aıtýyna qaraǵanda, aryzdardyń kóbisinde alaıaqtyq máselesi aıtylǵan. Oblystyq qarjy polısııasy ár senbi saıyn aýdan-aýyldarǵa shyǵyp, turǵyndarmen kezdesý ótkizedi. Tipti, sol kezde de eldiń kóbisi alaıaqtarǵa aldanyp qalǵanyn aıtyp aryzdanady eken. Iаǵnı, búginde aldanbaǵan adam az. 2011 jyly alaıaq J.Álimovanyń búkil eldi shýlatqany bárimizdiń esimizde. Ol zańsyz kásipkerlikpen aınalysyp, 2008 jyly «Álem Qazyna» mıkrokredıttik uıymyn ashady. О́zi quryltaıshy ári ózi dırektor J.Álimova ózgeniń dúnıesin aldap alý maqsatynda qylmystyq keste jasap, «qarjylyq pıramıda» qurǵan. Sóıtip, qanshama adamnyń qarjysyn, qanshama jandardyń tirnektep jıǵan dúnıesin joq qylyp, obalyna qaldy. Bul máselege qarjy polısııasy aralaspaǵanda alaıaq áıeldiń qaı jerge deıin taırańdap, qanshama jannyń kóz-jasyna qalaryn bir qudaı biledi.Eldiń báriniń quqyqtyq saýaty joq qoı. Ári bul ómirde ońaı oljaǵa kenelgisi keletinder de kóp. Bizdińshe halyq qarjy polısııasyn anadaıdan aınalyp júrmeı, esigin emin-erkin ashyp: «Men myna uıymǵa aqsha salaıyn dep edim, paıdaǵa qaryq bolasyń dep jatyr, bul uıym qanshalyqty zańdy?» nemese: «Men mynadaı bir tirlik bastaıyn dep edim, mynandaı kedergiler bolyp tur, bul zańǵa sáıkes pe?» dep aqyl-keńes surasa, kóp alaıaqtyń joly o bastan-aq kesiler edi. Jaqynda jergilikti gazettiń birinen Shymkent qalasynyń turǵyndary N.О́mirbekova men A.Ázimhanqyzynyń qarjy polısııasyna rahmet aıtqan shaǵyn habaryna kózim tústi. Bul ekeýi de aldanyp qalǵan, áıteýir qarjy polısııasynyń arqasynda alaıaqtyq faktileri ashylyp, bári óz ornyna kelipti. Keıinirek qarjy polısııasyndaǵy mamandardan bilgenim, departamentke mundaı alǵys aıtýshylar kóp eken.Bárimiz «qorqatyn» qarjy polısııasy qaıyrymdylyq jasaýdan da kende emes. Ońtústik Qazaqstan oblysy qarjy polısııasynyń bastyǵy Serikbaı Erimbetovtiń bastamasymen bul ujym Shymkent qalasyndaǵy №3 balalar úıin óz qamqorlyqtaryna alypty. «Jetim kórseń, jebeı júr» degen Naýryz merekesinde, odan Balalardy qorǵaý kúni ujym músheleri osy mekemede bolyp, túrli syı-sııapattar jasapty. Bara salyp, bazarlyǵyn berip, «osymen mıssııamyz bitti» degendeı kózboıaýshylyq jasap, qaıtyp ketpesten, qyzmetkerler balalarmen otyryp as iship, áńgimelesip, oıyndaryn, ónerlerin tamashalap, jany jabyrqaý búldirshinderge bir kúnderin arnapty.Iаǵnı, qarjy polısııasy siz oılaǵandaı ázireıil emes. Árıne, «bes saýsaq birdeı emes», bul salada da qyzmetin paıdalanyp, qaltasynyń qamyn oılaıtyndar joq dep aıta almaısyń. Ondaı jemqorlardyń tirligi áıteýir bir áshkere bolatynyn ómirdiń ózi kórsetip júr. Qarjy polısııasynan qoly taza, júregi aq, malyn emes, aldymen aryn oılaıtyn adamdar ǵana qoryqpaıdy.Oralhan DÁÝIT,«Egemen Qazaqstan».Ońtústik Qazaqstan oblysy.