Mınıstr Japonııa Elshisin Qazaqstandaǵy tolyqqandy dıplomatııalyq qyzmettiń bastalýymen quttyqtady.
Taraptar saıası, saýda-ekonomıkalyq jáne mádenı-gýmanıtarlyq salalardaǵy Qazaqstan - Japon yntymaqtastyǵynyń aǵymdaǵy jaı-kúıi men perspektıvalaryn talqylady.
Kezdesý barysynda eki el arasyndaǵy joǵary deńgeıdegi baılanystardyń qarqyndylyǵy atap ótildi. 2015-2016 jyldary ótken elderimizdiń memleket basshylarynyń ózara saparlary ekijaqty qarym-qatynastardy odan ári nyǵaıtýǵa qýatty serpin bergen bolatyn. Qazaqstannyń Tuńǵysh Prezıdenti – Elbasy Nursultan Nazarbaevtyń 2016 jyly Japonııaǵa jasaǵan saparynyń qorytyndysy boıynsha eki eldiń kóshbasshylary ekijaqty qarym-qatynastardy «keńeıtilgen strategııalyq áriptestiktiń» jańa deńgeıine shyǵarýdy rastaǵan bolatyn.
Taraptar Qazaqstan men Japonııa arasyndaǵy 2018 jyly 2 mlrd. AQSh dollaryn, onyń ishinde Qazaqstannan eksport kólemi 1,503 mlrd. dollaryn, al Japonııadan ımport - 497 mln. dollaryn qurady. Saýda-ekonomıkalyq jáne ınvestısııalyq yntymaqtastyqtyń odan ári ósý áleýeti atap ótilip, Qazaqstanǵa japondyq ozyq tehnologııalardy tartýǵa qyzyǵýshylyq bildirildi.
Japonııa Qazaqstannyń jetinshi iri sheteldik ınvestory bolyp tabylady. QR Ulttyq Bankiniń derekteri boıynsha, 2017 jyly Japonııadan tikeleı sheteldik ınvestısııalardyń jalpy kólemi 357,3 mln., al 2018 jyldyń 9 aıynda - 304,1 mln. AQSh dollaryn qurady. Sheteldik ınvestısııalardyń aıtarlyqtaı aǵymyn munaı-gaz jáne taý-ken óndirý salasy quraıdy.