– Elimiz óndirisiniń kóshin bastaıtyn Sokolov-Sarybaı ken óndirý birlestiginiń úlken ujymy Memleket basshysy Qasym-Jomart Toqaevtyń der ýaqytyndaǵy sheshimin qyzý qoldap otyr. Bul – tarıhı sheshim. Merziminen buryn saılaý bizge Qazaqstannyń Tuńǵysh Prezıdenti, Elbasy Nursultan Nazarbaev salyp bergen damýdyń sara jolyn, búgin júzege asyryp jatqan ekonomıkalyq-áleýmettik baǵdarlamalardyń yrǵaǵyn saqtaý úshin asa qajet. Táýelsizdik jyldarynan beri elimizde kóptegen strategııalyq baǵdarlamalar ómirge keldi, al olar bizdiń eńbek etetin Sokolov-Sarybaı ken óndirý birlestiginiń damýyna da tikeleı yqpal jasady, – dedi partııanyń Sokolov-Sarybaı ken óndirý birlestigi aýdandyq fılıaly tóraǵasynyń orynbasary Aleksandr Makarenko.
«Nur Otan»partııasynyń HÚSh sezinde partııa tóraǵasy Nursultan Nazarbaev tapsyrǵan «Halyqqa kómek», «Baqytty otbasy», «Aýyl – el besigi», «Qutty meken» jobalary óńirlerdi áleýmettik-ekonomıkalyq damytýdyń tetigi bolyp tabylady. «Qutty meken» jobasy boıynsha bıyl oblys óńirinde jergilikti mańyzy bar 531 shaqyrym jol jóndeýden ótedi. Munda joldardy negizinen orta jóndeýge basymdyq beriledi. Osy jumystardyń 50 prosenti respýblıkalyq, 50 prosenti jergilikti bıýdjetten qarjylandyrylady.
– Aýyldyq jerlerdi aýyz sý men qamtamasyz etý joba boıynsha qolǵa alatyn óte mańyzdy jumys bolyp otyr. Oblysta barlyǵy 548 aýyldyq eldi meken bar. Sonyń 172 ǵana ortalyqtandyrylǵan aýyz sý qubyrymen qamtamasyz etilgen. 376 eldi meken ortalyqtandyrylmaǵan aýyz sýdy paıdalanady jáne tasyp beriledi. 2020 jylǵa deıin eldi mekenderdi aýyz sýmen qamtý úshin 22 joba júzege asyrylady, oǵan bıyl 7,8 mıllıard teńge qarjy bólindi. Bıyl 19 aýylǵa ortalyqtandyrylǵan aýyz sý qubyry tartylatyn bolady, – dedi partııanyń oblystyq fılıalynyń tóraǵasy, oblys ákimi Arhımed Muhambetov.
О́ńir basshysy partııa jobalary boıynsha oblysta júzege asatyn jumystardyń qazirdiń ózinde bastalyp ketkenin tilge tıek etti. «Baqytty otbasy» jobasy boıynsha azamattardyń áleýmettik áljýaz qataryn qoldaý úshin oblys bıýdjetinen 7,7 mıllıard teńge bólinetinin aıtty. Bul byltyrǵy jyldan 20 prrsentke kóp. Kásipkerlerdiń kómegimen 20 kóp balaly otbasy baspanaly boldy.
Konferensııaǵa qatysqan partııa músheleri «Nur Otannyń» kezekten tys ótetin HIH sezine oblystan baratyn delegattar quramyn saılap, bir aýyzdan daýys berdi.
Qostanaı