Alqaly jıynda fılıal jetekshisi, aımaq basshysy Qumar Aqsaqalov «Nur Otan» partııasynyń tóraǵasy, Elbasy Nursultan Nazarbaevtyń XVIII sezde belgilep bergen mindetterdiń oryndaý barysy men aldaǵy maqsattar jaıly jaıly baıandady.
«Aldymyzda «Áleýmettik salany damytý úshin ekonomıkanyń ósimin qamtamasyz etý talaptary tur. Bıylǵy jyldyń birinshi toqsanynyń qorytyndysy boıynsha oblysta barlyq salalar boıynsha damý baıqalady. Aýyl sharýashylyǵy ónimderin óndirý, ınvestısııa tartý, qurylys jumystarynda aıtarlyqtaı ósim bar», degen Qumar Irgebaıuly qol jetken tabystarǵa toqmeıilsimeýge basa nazar aýdardy.
Saıası uıymnyń eń joǵary forýmynda «Halyqqa kómek», «Baqytty otbasy», «Aýyl – el besigi», «Qutty meken» ulttyq jobalaryn júzege asyrý joldary belgilengen bolatyn. «Halyqqa kómek» jobasy partııanyń qoǵamdyq qabyldaýyn jetildirýge baǵyttalǵan. Oblysta ár azamat áleýmettik járdemaqy taǵaıyndaýdan bastap, quqyqtyq kómekke deıin kez kelgen másele boıynsha júgine alatyn 15 áleýmettik tereze jumys isteıdi. Joba qolǵa alynǵannan bastap áleýmettik terezege 116 az qamtylǵan turǵyn júgingen. О́ńir basshysy qabyldaýdy jetildirý kerektigin atap kórsetti. Iаǵnı, ótinish joldanǵan memlekettik organ, oǵan jaýapty adam, oryndalý ýaqyty, taǵy basqa aqparattardan habardar bolýy tıis. Bul talap memlekettik organdarǵa azamattardyń ótinishin oryndaýda jaýapkershilikti arttyryp, jedel shara qabyldaýǵa yqpal etedi.
Al, «Baqytty otbasy» – kópbalaly jáne az qamtylǵan otbasylardy jan-jaqty qoldaýǵa baǵyttalǵan joba. Oblysta ataýly áleýmettik kómek alatyn otbasylardyń sany 3225-ke deıin jetken. Sondaı-aq, ataýly áleýmettik kómek alatyn kópbalaly otbasylar úshin ár balaǵa beriletin aılyq tólem alty ese artady. «Aýyl – el besigi», «Qutty meken» jobalary aıasynda ınklıýzıvti bilim berýdi damytý, oqý oryndaryn salý, joldardy jóndeý, ınfraqurylymdy damytý, taǵy basqa baǵyttarda aýqymdy jumystar atqarylatyn bolady.
Konferensııada 23 sáýir kúni Astana qalasynda ótetin «Nur Otan» partııasynyń HIH sezine delegattar saılandy.
Soltústik Qazaqstan oblysy