Osy rette konferensııanyń kún tártibinde partııanyń XVIII sezinde Nursultan Nazarbaev tapsyrǵan «Baqytty otbasy», «Qutty meken» jáne «Halyqqa kómek» atty aýqymdy ulttyq jobalardy júzege asyrý barysy talqylandy.
Nur-Sultan qalasynyń Monıtorıng jáne jedel áreket etý ortalyǵynyń basshysy Jannat Dúbirova baıandama jasap, astanada «Halyqqa kómek» qazirdiń ózinde qala turǵyndarymen keri baılanys júıesin qalyptastyrýdyń tıimdi quraly bolyp otyrǵanyn aıtty.
– Biz Nur Otan qoǵamdyq qabyldaý ortalyǵynyń qyzmetterin zerttep, olardy sıfrlandyryp, 109 Intellektýaldy baılanys ortalyǵynyń júıesine engizdik. Júıede qoǵamdyq qabyldaýdyń jumys úrdisine beıimdelgen fýnksııalary bar. Bul turǵyda jańa qyzmetkerlerge trenıng ótkizildi. Qazir IKomek109 qyzmetin partııa portalymen úndestirý jumystary júrgizilip jatyr, – dedi J.Dúbirova.Bir aıdyń ózinde IKomek109 Biryńǵaı baılanys ortalyǵyna partııanyń qoǵamdyq qabyldaýynan 800-den asa ótinish qabyldanǵan. Osylaısha bul ártúrli áleýmettik másele boıynsha azamattarǵa kómek kórsetýdiń «terezesine» aınalady.
Sonymen qatar basqosýda «Baqytty otbasy» ulttyq jobasy jóninde «Medına» jekemenshik balabaqshalardyń basshysy Mádına Ájikenova sóz qozǵady. Ol jobany iske asyrý maqsatynda áleýmettik-ekonomıkalyq sharalar, quqyq qorǵaý, otbasy ınstıtýtyn kúsheıtý sııaqty úsh mindettiń aıqyndalǵanyn, Úkimet men ákimdikter birlesip arnaıy Jol kartasyn ázirlegenin tilge tıek etti.
Kezdesý sońynda jınalǵan qaýym Nur Otan partııasynyń kezekten tys HIH seziniń jumysyna qatysatyn delegattardy anyqtady.
Orynbek О́TEMURAT,
NUR-SULTAN