Otyrysty Qazaqstan Respýblıkasynyń Syrtqy ister mınıstri B.B.Atamqulov ashty. Syrtqy saıası vedomstvocynyń basshysy JDJT aldynda turǵan mindetterdiń mańyzdylyǵyn jáne Kaspıı teńizindegi yntymaqtastyqtyń keń aýqymdy máseleleri boıynsha taraptardyń qaraýynda jatqan bes jaqty kelisimder jobalaryn iske asyrýdy kúsheıtý qajettigin atap ótti. 2019 jyly Túrikmenstanda Kaspıı Ekonomıkalyq Forýmyn ótkizýdiń mańyzdylyǵy atap ótildi.
Kelissózderge Ázerbaıjan Respýblıkasynyń (basshysy - H.A. Halafov), Iran Islam Respýblıkasynyń (basshysy - R. Nazar Aharı), Qazaqstan Respýblıkasy (basshysy - Z.A. Amanjolova), Reseı Federasııasynyń (basshysy – I.B. Bratchıkov) jáne Túrikmenstannyń (basshysy - M.G. Atadjanov) delegasııalary qatysty.
Taraptar Kaspıı teńizinde bastapqy tik syzyqtardy belgileý ádistemesi týraly kelisim jobasyn talqylaýdy jalǵastyrdy jáne onyń birqatar erejeleri boıynsha kelisti. Osy qujattyń talqylanýy kelesi otyrysta jalǵasatyn bolady.
Kezdesý barysynda taraptar Kaspıı teńizindegi yntymaqtastyqtyń túrli aspektileri boıynsha sholý ótkizip, Besinshi Kaspıı sammıtiniń qorytyndylary boıynsha qol jetkizilgen ýaǵdalastyqtardy júzege asyrý týraly pikir almasty.
Delegasııalar kelissózderdiń nátıjesin joǵary baǵalap, kezdesýdi uıymdastyrýdyń joǵary deńgeıi úshin Qazaqstan Respýblıkasyna úlken rızashylyǵyn bildirdi.
Kaspıı teńizi máseleleri jónindegi Joǵary deńgeıdegi jumys tobynyń kelesi kezdesýi 2019 jylǵy shildede Iran Islam Respýblıkasynda ótetin bolady.