Jyl saıynǵy dástúr boıynsha atalǵan jıyn maýsym aıynda «Spassk» oqý-jattyǵý ortalyǵynyń bazasynda (Qaraǵandy oblysy) ótedi. Oǵan Qazaqstannyń barlyq túkpirinen, sonymen qatar taıaý shetelden kelgen áskerı-patrıottyq klýbtardyń úzdik ókilderi, áskerı mektep kýrsanttary, joǵarǵy oqý oryndary men kolledjderiniń stýdentteri qatysady.
Qatysýshylar áskerı-qoldanbaly sport túrlerinen, áskerılendirilgen estafetadan, «IQazaqstan» ıntellektýaldyq oıynynda, «Meniń robotym» jáne «Aibyn daỳysy» saıystarynda, sonymen qatar, áskerı-dalalyq taktıkalyq oıynynda baq talastyratyn bolady.
«Mundaı is-sharalar qazaqstandyq patrıotızmniń damýyna, halyqaralyq dostyqty nyǵaıtýǵa jáne jastardy ulttar arasyndaǵy kelisim rýhynda tárbıeleýge úlken septigin tıgizedi. Biz búgin árbir qatysýshynyń osy jıynǵa barǵysy keletinin kórip, qýanyp turmyz. Eń kúshti, eń shapshań, eń alǵyr jáne eń talantty qatysýshylardy iriktep alamyz. Sebebi, bizdiń basty maqsatymyz – jeńiske jetý», – deıdi irikteý kezeńiniń uıymdastyrýshysy maıor Arman Serikov.
Eske salaıyq, «Aıbyn» respýblıkalyq áskerı-patrıottyq jastar jıyny alǵash ret 2015 jyly Qaraǵandy oblysy «Spassk» oqý ortalyǵynyń polıgonynda ótkizilgen bolatyn. Jıynǵa 800 astam adam qatysty. Olardyń arasynda elimizdiń 16 óńiriniń áskerı-patrıottyq klýbtarynyń tárbıelenýshileri, 8 respýblıkalyq mektep-ınternattyń shákirtteri, «Arystan» lıseıi jáne «Jas Ulan» respýblıkalyq mektepteriniń oqýshylary, 25 joǵarǵy oqý ornynyń áskerı kafedralarynyń kýrsanttary bar.