О́tken jylǵy aksııa nátıjesinde elordamyzǵa 120 jas maman keldi. Qazir olardyń barlyǵy qalanyń bilim berý mekemelerinde jumys isteıdi.
«Qalalyq bilim berý uıymdaryna jas mamandardy jumysqa tartý maqsatynda qalalyq bilim basqarmasynyń ókilderi óńirlerdegi ýnıversıtetter men kolledjderge barýda. Sapar barysynda biz О́. Sultanǵazın atyndaǵy Qostanaı memlekettik pedagogıkalyq ýnıversıtetine, Qostanaı pedagogıkalyq kolledjine, Rýdnyı áleýmettik-gýmanıtarlyq kolledjine bardyq. Qazirgi ýaqytta jumys tobynyń músheleri Qaraǵandyda. Aptanyń sońynda olar Kókshetaýǵa attanady. Sodan keıin jumys toby Pavlodarda bolyp qaıtady», – dep málimdedi vedomstvonyń baspasóz qyzmetinde.
Basqarma aqparatyna súıensek, pedagogıkalyq joǵary oqý oryndary men kolledj túlekterimen kezdesý barysynda elordada jumys isteýdiń artyqshylyqtary jaıly aıtylady, bilim berý salasyndaǵy ınnovasııalyq sheshimder kórsetiledi.
Stýdentterge arnalǵan tusaýkeserde turǵyn úı sertıfıkattaryn alýdyń algorıtmi, aqshalaı syılyq beriletin kásibı jarystarǵa qatysý jaıly aıtylýda.
Esterińizge sala keteıik, bul shara jańa bilim ordalary ashylýy sebebinen bolatyn kadr tapshylyǵy máselesin sheshý úshin qolǵa alyndy. Basqarma mamandarynyń boljamyna sáıkes, aldaǵy úsh jylda elordaǵa barlyq deńgeıdegi 2 myńnan astam muǵalim qajet bolady.