Kórmede jas avtorlardyń qatysýymen «Ashyq áńgime» aqyndyq marafon, kitaptyq áńgimelesý (book talks), ádebıet klýbynyń otyrysy, «Kitapty qalaı tıimdi oqý kerek?» taqyrybyna arnalǵan sheberlik synyptary, tanymal aqyn-jazýshylarmen avtograf-sessııa uıymdastyrylady. Olardyń ishinde balalar kitaby Búkilreseılik festıvaliniń dırektory jáne jazýshy Iýrıı Nechıporenko, «Kıt plyvıot na sever», «Sovınyı volk» kitaptarynyń avtory Anastasııa Strokına bar. Sondaı-aq, tanymal balalar jazýshysy Anna Goncharovamen ınteraktıvti jáne shyǵarmashylyq kezdesý bolady.
«Qoıshyǵara Salǵaraulynyń «Uıqasqa túsken oılar», Orhan Pamýktyń «Sezim mýzeıi», «Meniń atym Qyrmyzy» jáne Ákim Tarazıdiń 80 jyldyǵyna oraı «Tulpardyń izi: ssenarııden fılmge deıin» kınotanýshy Nazıra Rahmanovananyń kitaptary, túrik jazýshysy jáne dramatýrg Rıshata Gýntekınanyń «Úzilgen japyraqtar» atty kitabynyń tusaýkeseri ótedi», - dedi Qazaqstan Respýblıkasynyń Ulttyq Akademııalyq kitaphanasynyń dırektory Úmithan Muńalbaeva.
Bul sharanyń aıasynda tanymal mádenıet qaıratkerleri, jazýshylar jáne aqyndarmen kezdesýler de uıymdastyrylady. Olardyń arasynda jas aqyn Mergen Toqsanbaı men Memlekettik premııa ıesi, Qazaqstan Respýblıkasynyń Jazýshylar Odaǵynyń tóraǵasy, aqyn Ulyqbek Esdaýlet, sondaı-aq tarıh ǵylymdarynyń doktory, professor, Qazaqstan Respýblıkasynyń Ulttyq ǵylym akademııasynyń akademıgi, Eýrazııa Ulttyq ýnıversıtetiniń rektory Erlan Sydyqov ta bar.
Sonymen qatar, jas qonaqtarǵa qyzyqty oıyn-saýyqtyq baǵdarlama da ázirlengen. Atap aıtqanda, balalardyń shyǵarmashylyq damýyna sep bolatyn "Mımıorııa" sheberlik saǵaty, Radýga men Iskorka atty mýltfılm keıipkerleri jáne Lıýıs Kerolldyń "Alısa ǵajaıyptar áleminde" kitabynyń jelisine negizdelgen ınteraktıvti kvest oıyndary men balalalar jazýshylarymen kezdesý, vokaldyq saıystar jáne konserttik baǵdarlamalar.
Kórme barysynda «Úzdik oqýlyq», «Úzdik ólketaný basylymy», «Balalarǵa arnalǵan kitap», «Mádenıet pen óner», «Ǵylym men ınnovasııalar», «Gran-prı» 6 nomınasııa boıynsha úzdik kitaptar anyqtalady.