ÁLEM О́TKEN APTADA

AQSh senaty Ýkraınadaǵy jaǵdaıdy sarapqa salyp, bul elde demokratııa baǵytyndaǵy oń ózgerister barlyǵyn atap ótip, ony quptaǵan sheshim qabyldady. Syrt qaraǵanda bılikten ketken V.Iýshenko men Iý.Tımoshen­ko­lar­dyń batystyq baǵyty AQSh-qa jaqyndaý kórinýge tıis bolsa da, olardyń prezıdent V.Iаnýko­vıch­tiń alǵashqy qadamdaryn qup­taýy biraz jurtty tańdandyrdy.

Bılikten ketkisi joq

Polsha prezıdenti Leh Ka­chınskı ekinshi merzimge saılaný úshin kúreske qosylatynyn má­limdedi. Ol “Zań jáne ádilet­ti­lik” partııasynan túspek. Árıne, oǵan eshqandaı tańdanýdyń qajeti joq sııaqty. El zańy oǵan múmkindik beredi. Biraq jurttyń buǵan nazar aýdaratyn bir jaıy bar – keıde ol úkimet basshy­sy­men de til tabysa almaı jatady. Premer-mınıstr Týsk birde ony shet elge barǵanda ushaǵyna mingizbeı tastap ketkeni bar. Mun­daı bedelin tómendetip alǵan qaıratkerdiń jeńisten úmittenýi qıyn.

Soǵys tutanǵaly tur

Iemen Respýblıkasy tynysh­syz. Jaqynda ǵana elde qaqty­ǵys bolyp, qan tógildi. Bir jaǵy­nan “Ál-Kaıda” lańkestik uıy­my búlik salyp júrse, ekinshi ja­ǵynan Ońtústik Iemendi jeke memleket etemiz deıtin sepa­ra­tıster únemi bas kóterip jatady. Kezinde el aýmaǵynda Soltústik jáne Ońtústik Iemen degende eki memleket paıda bolyp, keıin bi­rik­kenniń jón ekenin uǵyp, qo­sylǵan edi. Biraq ońtústik jaǵy qaıta bólinýdi kóksep júr. Sa­rapshylardyń pikirinshe, soǵys bolmaı tynbaıtyn sııaqty.

“Qutyrǵan ıtten” saqtan

Moldavııa parlamenti Joǵar­ǵy sot palatasynyń tóraǵasy Ion Mýrýıanýdy qyzmetinen bo­satty. Oǵan JSP tóraǵasynyń jýrnalıstermen til tabysa al­maǵany sebep bolypty. Mýrýıaný jýrnalısterdiń sot isin kóbirek synap jazǵanyna ókpelep, olar keıde “qoǵam úshin asa qaýipti qu­tyrǵan ıtke aınalyp ketedi” de­gen málimdeme jasaǵan kórinedi. Munymen, árıne, jýrnalıster kelispegen. Tipti Mýrýıaný resmı túrde keshirim suraǵan eken, biraq oǵan “qutyrǵan ıtter” kelis­pepti.

Monopolııaǵa qarsylyq

Eýropanyń ishinde ornalas­qan Reseıdiń Kalınıngrad ob­lys-anklavynda saıası partııalar birigip, “Bizdiń Kalınıngrad” oda­ǵyn qurypty. Oǵan kompar­tııa­nyń, RLDP-nyń, “Nasha Rossııa”, “Patrıoty Rossıı”, “So­lıdarnost”, “Spravedlıvaıa Rossııa” partııalarynyń ókilde­ri, sondaı-aq jergilikti “Spra­ve­dlı­vost” qozǵalysy kiripti. Odaq­tyń úılestirýshisi, “Spra­ved­lıvost” qozǵalysynyń je­tekshisi Konstantın Doroshoktyń aıtýynsha, bul koalısııanyń maqsaty – “Edınaıa Rossııa” par­tııasynyń saıasattaǵy mono­po­lııasyna q­arsy turý. Osy tur­ǵyda olar qańtarda aıtarlyqtaı aýqymdy mıtıng ótkizgen bola­tyn. Endi 20 naýryzda taǵy da mıtıng ótkizip, oǵan 40-60 myń adam alyp shyqpaq.

Sóıleskenge – ólim jazasy

Soltústik Koreıadaǵy bir ju­mysshy óziniń Ońtústik Koreıaǵa qashyp ketken joldasymen qalta telefonmen sóıleskeni úshin ólim jazasyna kesilipti. Bálkim, ol bul úshin jazalanatynyn bil­megen de shyǵar. Qalta telefonǵa shekara tosqaýyl bola almaıdy. Dos adamǵa kóńil kerek, habaryn bil­gisi kelgen bolar. Tek ol óz áń­gimesinde ketken dosyna elde kúrishtiń qymbattaǵanyn aıtqan eken. Sol sóz onyń túbine jetipti.

Toqtamasań – atylasyń

Qyrǵyzstannyń ataqty Batken oblysyndaǵy Qadamjaı aýda­nynda shekara qyzmetkeri talapty oryndamaǵan О́zbekstan azamatyn atyp óltiripti. Álde basynǵany ma, álde qashyp qutylyp ketemin dedi me eken, áıteýir avtokólik júrgizgen О́zbekstan azamaty eskertip myltyq atqanǵa da toqtamapty. Sonda kózdep atqan oqtan ol sol jerde qaıtys bolady, qasyndaǵy jolaýshy jaralanady. Adam ólgen soń, bul iske eki jaqtyń resmı oryndary aralasatyny anyq.

Bosqyn balalar

BUU-nyń Bosqyndar jónin­degi Joǵarǵy komıssarıaty ta­rat­qan málimetterge qaraǵanda, ótken jyly Aýǵanstannyń ká­me­let­ke tolmaǵan 6 myń jas­ós­pi­riminen Eýropa elderinen baspa­na surap, ótinish túsedi. Bul bu­rynǵy jyldardan áldeqaıda kóp. BUU sarapshylary shyn jaǵdaı bul resmı málimetten kóp joǵa­ry degendi aıtady. Kóptegen jas­óspirim qaıtaryp jiberedi degen qaýippen resmı túrde bas­pana suramaıtyn kórinedi.

Ázirlegen Mamadııar JAQYP.