Birinshi qaralǵan nysan «О́skemen – Zyrıan – Úlken Naryn – Katon Qaraǵaı – Rahman qaınarlary» avtojoldaryndaǵy Osınov asýy boldy. Mundaǵy jol-qurylys maýsymyna daıyndyq jumystary bıyl sáýir aıynda bastaldy. Qazir jol belgileri men qorshaýlardy buzý, butalardy kesý jáne jınaý, aınalma joldy, asfaltbetondy jabyndy frezerleý, sý ótkizý qubyrlaryn ornatý jumystary júrgizilýde.
Budan keıin Qazavtojol basshysy «Taldyqorǵan-Qalbataý-О́skemen» joldaryn qaıta jańǵyrtý jumystarynyń barysyn tekserdi. Jobany qaıta jańǵyrtý aıasynda 615 shaqyrymnen 1073 shaqyrymǵa deıingi qurylys jumystary Shyǵys Qazaqstan oblysyna (uzaqtyǵy 458 km) tıesili. Merdiger kompanııalar «K-Dorstroı» AQ men «TodiniCentralAsia» JShS. Jobada eki jolaqty jáne II sanattaǵy avtomobıl jolynyń qurylysy qarastyrylǵan.
Bıyl Shyǵys Qazaqstan oblysynda Taskesken aýylynan Jarma aýylyna deıin qurylys jumystary júrgizilýde. Qurylys maýsymy aıaqtalǵannan keıin Jolshylar 140-tan astam sý ótkizý qubyryn, 160 shaqyrym aınalma joldy, jol ótpelerin, jol jıekterin nyǵaıtýdy josparlap otyr. Jumysqa 800-ge jýyq jumysshy men 500-den astam tehnıka jumyldyrylǵan.
Qaralǵan ekinshi nysan 906-1321 shaqyrym aralyǵyn qamtıtyn «Qalbataý-Maıqapshaǵaı» jolyn qaıta jańǵyrtý ýchaskesi boldy. Bul ýchaskeniń merdigerleri SınSın/ KazGerStroı, konsorsıým kóshbasshysy – SınSın qurylys Konsorsıýmy. Ýchaskeniń jalpy uzaqtyǵy 415 shaqyrym. Bıyl Qalbataý qalasynyń aınalma jolyn qosqanda uzaqtyǵy 37 shaqyrym bolatyn jańa jol qozǵalysyn ashý josparlanýda.
Jańa jol júrý ýaqytyn eki ese qysqartýǵa jáne ótkizý qabiletin arttyrýǵa, sondaı-aq jol-kólik oqıǵalaryn azaıtýǵa sep bolady.
Jalpy, «Taldyqorǵan-Qalbataý-О́skemen» avtomobıl qatynasy boıynsha 2019 jyly 268 shaqyrym jol qozǵalysy ashylady. Mundaǵy barlyq jumys kólemi 2022 jyly tolyq aıaqtalady, dep josparlanyp otyr.