Armııalyq avıasııa bólimsheleriniń qaıta toptasýy boıynsha is-sharalardyń oryndalýy barysynda «Shońjy» áýeaılaǵyna QR QK Qurlyq áskerleriniń bólimshelerin áýeden ári qaraı tasalaý úshin kólik-jaýyngerlik jáne jaýyngerlik tikushaqtary jiberildi.
Sondaı-aq «Shońjy» áýeaılaǵynda S-295 áskerı-kólik avıasııasynyń ushaqtary shoǵyrlandy. Onyń kómegimen operasııa ótkiziletin shartty aýdandarǵa áskerı múlikti, oq-dáriler men taktıkalyq desantty jóneltý júzege asyrylady. Armııalyq avıasııa tikushaqtarynyń qaıta toptasýy QR QK ÁQK ÁÁK qolbasshysy avıasııa general-maıory D. Qosanovtyń jetekshiligimen júzege asyryldy.
«Avıasııalyq tehnıkanyń isten shyǵýy oryn alǵan joq. Ushýlar shtattyq rejımde ótti. Jańadan kelgen ushý quramy tájirıbeli ushqysh nusqaýshylarmen birlese oqý-jaýyngerlik tapsyrmany oryndady jáne taýly jerde ushýlardy oryndaý, sondaı-aq motoatqysh bólimshelerdiń lekterine ilesip júrý boıynsha praktıkalyq tájirıbe jınaqtady», - dedi avıasııa general-maıory D. Qosanov.
Oqý-jattyǵýdyń nıeti boıynsha armııalyq avıasııa bólimsheleri is júzinde toptamalardy kúsheıtý, avıasııanyń kúshin bytyratyp jiberý jáne úlken qashyqtyqtarǵa qaıta toptastyrý barysynda jan-jaqty qamtamasyz etý máselelerin pysyqtaıdy.