Keńeske elimizdiń joǵary oqý oryndarynyń jáne Tom, Omby, Novosibir ýnıversıtetteriniń rektorlary jınaldy.
Is-sharaǵa oblysy ákimi Bolat Baqaýov pen Qazaqstan JOO Rektorlar keńesiniń tóraǵasy Erlan Sadyqov qatysty.
- Bizdiń elimizdiń joǵary bilim berý oryndary kásipkerlik ıdeıalar men jobalardy qabyldap, júzege asyrýda. Maqsat- jas talantty kásipkerler men ınnovasııalyq jobalar avtorlaryn, ınvestorlardy, tehnoparkterdiń, jetekshi óńirlik joǵary oqý oryndary men ǵylymı ınstıtýttardyń ókilderin qalyptastyrý, – dep atap ótti Bolat Baqaýov.
О́z baıandamasynda S. Toraıǵyrov atyndaǵy ýnıversıtet rektory Gaýhar Ahmetova suranysqa ıe kadrlardy daıyndaý – bilim berý qyzmeti sapasynyń basty ındıkatorlarynyń biri,-dedi.
- Árbir JOO osy kórsetkishke jetý úshin óz formýlasyn tabýy kerek. Jáne bul formýla jumys isteı me,joq pa, ony tek praktıkada ǵana anyqtaýǵa bolady. Bizdiń oqý orny da sońǵy birneshe jyl boıy osyǵan maqsatty túrde keldi. Endi túlekterdiń básekege qabilettiligin qamtamasyz etetin úsh negizgi komponentke basymdyq beriledi. Bul–ekonomıkanyń naqty sektorymen tyǵyz yntymaqtastyq, qazirgi zamanǵy bilim berý tehnologııalaryn qoldaný jáne kásipkerlik ortany qalyptastyrý. Eger buryn bizde stýdentter jumys izdemeı, tek jumys ornyn qurady degen uran bolsa, qazir ony tolyqtyryp, árbir osyndaı jumys, árbir bıznes-joba eń aldymen ómir súrý ortasyn jaqsartýǵa, adamnyń ómir súrý sapasyn arttyrýǵa umtylý, shyndyqty engizý jáne ózgertý, – dedi G. Ahmetova.
Sonymen birge, otyrysta M. Dýlatı atyndaǵy Taraz memlekettik ýnıversıtetiniń rektory Mahmetǵalı Nurǵalıuly, Omby memelkettik tehnıkalyq ýnıversıtetiniń rektory Anatolıı Kosyh,»Eýrazııalyq energetıkalyq korporasııasy» AQ prezıdenti Valrıı Grınenkolar sóz sóılep, joǵary oqý oryndaryndaǵy kásipkerlik, ǵylym, ınoovasııa, bilim jáne bıznes jaıynda oı-pikirlerimen bólisti.
Otyrys aıasynda joǵary oqý oryndarynyń rektorlary «Art-garage» ben DemoDayashylǵan startap akademııasyn aralady.
Jańa startaptardy tek óńirdiń ǵana emes, elimizdiń iri ónerkásiptik kásiporyndary men kompanııalary ınvestısııalaıtyn bolady.
Qonaqtarǵa 20-ǵa jýyq startap-jobalar, sonyń ishinde Omby jáne Novosibir ýnıversıtetteriniń jobalary, S. Toraıǵyrov atyndaǵy oqý ornynyń kásipkerlik jáne kásipkerlik bilimdi damytý boıynsha ekojúıesi tanystyryldy.
Sonymen birge, spınoferler Aleksandr Neftısov, Sáken Ordabaev jáne Vıacheslav Monahov óz jobalary týraly aıtyp berdi.
Jobalar atmosferalyq aýany lastamaıtyn jáne shý týdyrmaıtyn«TOR» elektrobaıkasy, «ATMOS WATER» – aýadan alynatyn sý, sýtegi generatory–otynnyń neǵurlym tıimdi jáne arzan túrin jasaıdy. Otyrys DemoDay qorytyndylaryn shyǵarýmen aıaqtaldy.
PAVLODAR
Sýretti túsirgen Rýfına Torpısheva