Bilim jáne ǵylym mınıstrligi ata-analarǵa arnalǵan Parents KZ atty YouTube-kanalyna bilim jáne balalardyń quqyqtaryn qorǵaý týraly materıaldar jarııalady. Bul týraly mınıstrliktiń baspasóz qyzmeti habarlady.
«Qurmetti ata-analar! YouTube-kanalynda bilim berý men balalardyń quqyqtaryn qorǵaý týraly beınematerıaldar jarııalanǵan. «Oınatý tizimine» basý arqyly siz mazmunymen tanysyp, qyzyqtyrǵan kez kelgen beınerolık, sıýjetterdi kóre alasyz. 24 saǵat boıy barlyq kontent tikeleı efırde júrgiziledi. Bul kanaldy barsha tanystaryńyzben bólisseńizder bolady. Beınerolıkterimiz sizderge paıdaly ári qyzyqty bolady dep úmittenemiz» dep málim etti qazaqstandyq ata-analar qaýymdastyǵy men Bilim jáne ǵylym mınıstrligi.