Prezıdent Qordaıda qaza tapqandardyń otbasyna kóńil aıtty

«Qordaı tas jolynda iri jol apaty boldy, О́zbekstan azamattary, 11 adam qaza tapty, jaraqat alǵandar kóp. Týǵan-týystaryna qaıǵyryp kóńil aıtamyn. О́zbekstan Respýblıkasynyń Prezıdentine jedelhat joldadym. Bizdiń joldarymyzdaǵy jaǵdaı nashar, bul týraly men IIM keńesinde aıttym. Úkimetke shuǵyl sharalar qabyldaýdy tapsyrdym!», — delingen habarlama mátininde.  

Eske salaıyq, 20 sáýir kúni saǵat shamamen 05:00-de Jambyl oblysy Qordaı aýdanynda Almaty — Tashkent tas jolynyń 181 shaqyrymynda Toyota Camry markaly kólik sol baǵytta kele jatqan júk kóligimen soqtyǵysqan. Sońynan kele jatqan jolaýshylar avtobýsy atalǵan avtokóliktermen soqtyǵysyp qalmaý úshin joldan aýyp ketken. Jol-kólik oqıǵasy saldarynan oqıǵa ornynda 11 adam qaza taýyp, 30 adam zardap shekti.