Syn sáti taıalǵan synaq

Beısenbi, 8 qarasha 2012 7:17

Bizdiń elimiz attestattaý atty aý­qym­dy sharaǵa kirispesten bu­­ryn kóp­tegen shet eldiń bul ba­ǵyttaǵy isin iriktep, jan-jaqty saralap, tarazyǵa tartqany ras. Oǵan dálel retinde bir­qatar shet elder tájirıbesi týraly aı­týy­myzǵa bolady. Máselen, AQSh, Fran­sııa, Norvegııa, Ulybrıta­nııa, Shvesııa, TMD sekildi el­der­diń zańdary jetik zerttelgen.

Beısenbi, 8 qarasha 2012 7:17

Bizdiń elimiz attestattaý atty aý­qym­dy sharaǵa kirispesten bu­­ryn kóp­tegen shet eldiń bul ba­ǵyttaǵy isin iriktep, jan-jaqty saralap, tarazyǵa tartqany ras. Oǵan dálel retinde bir­qatar shet elder tájirıbesi týraly aı­týy­myzǵa bolady. Máselen, AQSh, Fran­sııa, Norvegııa, Ulybrıta­nııa, Shvesııa, TMD sekildi el­der­diń zańdary jetik zerttelgen.

Sonyń biri Anglııada 2010 jyly quqyq qorǵaý organdary­nyń qyzmetin ońtaılandyrýǵa baǵyttalǵan «Polı­sııa­ny reformalaý men áleýmettik jaýap­ker­shi­lik týraly» zań qabyl­­dan­dy. Osy zańnyń arqasynda 2011 jyly Uly­brı­tanııa polısııasy 3,2 paıyzǵa qysqardy.Sol sııaqty 2012 jyly Shotlandııada polısııa men órt són­dirý qyzmetin reformalaý jó­nin­degi zań qabyldandy. Sonyń aıasynda atalǵan memlekettik qury­lym qyzmetin ońtaılandyrý ná­tı­jesinde qyzmet tıimdiligi artty.Al Polshadaǵy quqyq qorǵaý júıesine reforma júrgizý barysynda atalǵan eldiń polısııa qyz­metiniń tıimdiligi aıtar­lyq­taı ósti. Mundaǵy pikiri suralǵan halyqtyń 72 paıyzy polısııa qyzmetkerlerine senetindigin aıtyp, al 68 paıyzy polısııa ju­mysyn jaqsy dep sanaıdy.Osyǵan uqsas reformalar Baltyq jaǵalaýy elderinde de júzege asyryl­ǵany belgili.Reseıde 2010 jyldan beri quqyq qorǵaý organdaryn reformalaý jónin­degi jumys júrg­i­zi­lip keledi. Júrgi­ziletin jumys­tyń strategııalyq baǵyty «Polısııa týraly» federaldyq za­ńyn­da bekitilgen. Osy atalǵan zań aktisiniń arqasynda 2011 jyl­dyń 1 naýryzynan bastap 1 ta­myzǵa deıin Reseıdiń IIM qyz­metkerleri kezekten tys attestattaýdan ótti. Sonyń nátıjesinde 226900 adam IIM organynan bosatyldy, bul jalpy sannyń 22 paıyzyn quraıdy.Kórshi elde budan basqa 340 gene­raldyń 143-i attestattaýdan óte almaı qaldy. Al joǵary basshylyq quramnyń 73 jetek­shisi negizgi mindetterin atqa­rýǵa talapqa saı kelmegendikten basqa laýazymdarǵa aýystyryldy.Bizdiń eldegi jaǵdaı budan basqasha ekendigi belgili. Biraq osy júrgizilip jatqan synaqtyń bir ońdy nátıjesi bolatyn­dy­ǵy­na, áıteýir, bir senim bar. О́ıt­keni, shet elderdiń, sonyń ishinde atalǵan Reseıdiń tájirıbesine baıla­nys­ty olardyń táýelsiz sarapshylaryna qulaq túrsek, bul shara IIM kadrlyq quramyn aı­tarlyqtaı qysqartýǵa jáne óz­gertýge, jalpy quqyq qorǵaý jú­ıe­sin, sonyń ishinde basshylyq quramyn jańartýǵa septigin tıgi­zip, sybaılas jemqorlyqty azaı­týǵa áser etken kórinedi.Al endi bizdiń elimizdiń IIM máli­me­ti boıynsha jalpy attes­tattaýǵa 75 347 qyzmetker jat­qy­zylǵan eken. Ústimiz­degi jylǵy 6 qarashaǵa deıin 72 602 qyzmetker áńgimelesýden ótipti. Onyń 158-i Joǵary attestattaý komıssııasynan, 3139-y Ortalyq attestattaý komıssııasynan, 69 305-i óńirlik attestattaý komıssııasy synaǵynan ótken.Sóıtip, Joǵary attestattaý komıssııasy qorytyndysy boıynsha 132 adam atqaryp otyrǵan qyz­met­terine la­ıyq­ty, 26 adam laıyqty emes, 10 adam­ǵa qyzme­tinen tó­men­­­detilýge, 5 adamǵa basqa qyzmetke aýysýǵa jáne 11 adamǵa jumystan shyǵýǵa sheshim qabyldandy.Al Ortalyq attestattaý komıssııasy nátıjesi boıynsha 2505 adam atqara­tyn laýazymyna la­ıyqty, 633-i sáıkes emes, 286-sy laýazymynan tómendeti­lýge, 135-i basqa qyzmetke aýysýǵa jáne 212 adam jumystan shyǵarylsyn degen sheshim qabyldandy.Sol sııaqty О́ńirlik attestattaý komıssııasy nátıjesi boıynsha da 59 302 laýazymyna laıyq­ty, 10003 sáıkes emes, 2457 laýazymynan tómendetilýge usy­nyl­­dy, 3863 adamǵa basqa qyzmetke aýy­sýǵa usynys jasaldy jáne 3683 adam qyzmetinen bosaty­lýǵa jatqy­zyldy.Sóıtip, osy ýaqytqa deıin atal­ǵan shara arqasynda ishki ister organdary boıynsha 61940 adam atqa­ratyn laýazymyna la­ıyqty bolsa, 10662 adam laýazymyna sáıkes kelmedi, 2753 adam laýazymynan tómendetilip, 4003 adam basqa qyzmetke aýysty jáne 3906 adam jumystan shyǵa­ryldy. Bu­ǵan qosa kezekten tys attestattaýdan óz erikteri­men bas tartqan­dyq­tan ishki ister organdarynan 1993 adam qyzmetten bosatyldy.Árıne, mundaı úrdis elimiz boıynsha qyzý júrgizilýde. Má­se­len, Astana qalasy ishki ister de­partamenti quqyq qorǵaý organdary qyzmetkerlerin kezekten tys attestattaý qorytyndy­la­ryn shy­­­­ǵardy, dep habarlady astana­lyq IID baspasóz qyzmeti. Kezekten tys ótkizilgen attestattaý barysynda polısııa qyz­met­kerleri zań­­­dardy bilý boıynsha jáne psı­hologııalyq test tapsyryp, dene daıarlyǵy jáne nysana kózdeý daıyndyǵy boıynsha óz deńgeı­lerin kórsetken bolatyn. Attes­tat­taýdyń sońǵy kezeńi – áńgi­me­lesý barysynda komıssııa múshe­leri qorytyndy jasaı otyryp, sońǵy sheshimdi bekitti. El­orda­lyq ishki ister departamen­tiniń bas­shysy polısııa general-maıory Amantaı Áýbákirovtiń aıtýyn­sha, aı­maqtyq attestattaý ko­mıs­sııasynyń she­shimine sáıkes 115 qyzmetkerdi ju­mystan bosatyp, 124 qyzmetkerdiń laýazymyn tó­mendetý usynylǵan. Asta­nalyq polısııa garnızony qyz­met­ker­­le­riniń jalpy sanynyń 76,7 paıyzy óz laýazymdaryna sáıkes kele­di, kadrlyq rezervke engizýge nemese joǵary laýa­zym­ǵa aýysty­rýǵa usynylǵandar – 4,0 paıyz, basqa qyzmetke aýystyrylatyndar 10,1 paıyzdy qurady.Sol sııaqty Almaty oblysy­nyń 837 polısııa qyzmetkeri attestattaý komıs­sııa­synyń sheshi­mimen laýazymyna saı emes dep tanylǵan, olardyń ishinde 113-iniń laýazymyn tómendetýge, 553-in bas­qa qyzmetke aýystyrýǵa, al 171 adamdy jumystan bosatýǵa usynys jasalǵan. IID baspasóz qyzmetiniń málimetine qaraǵanda, aımaqtyq attestattaý komıssııasy demalysta, issa­par­da bolǵan nemese belgilengen ýaqyt ishinde test tapsyryp úlgermegen ma­man­dardyń psıho­lo­gııalyq tu­raq­ty­ly­ǵy, logıkasy men áskerı daıyndyǵyn tekserýde kórinedi. Demek, endigi min­det Memleket basshy­synyń ústimizdegi jyldyń sáýir aıynda elimizdiń quqyq qorǵaý organda­rynyń qyzmet­ker­lerin kezekten tys attestattaýdan ótkizý týraly qol qoıǵan Jarlyǵynyń oıdaǵy­daı júzege asýyna barynsha atsalysý. Osy qujatqa sáıkes, elimizdiń Bas prokýratýrasy, Ekonomı­kalyq qylmysqa jáne sybaılas jem­qor­lyqqa qarsy kúres agenttigi (Qarjy polısııasy), Ishki ister, Tótenshe jaǵ­daılar mınıs­tr­ligi jáne Qarjy mı­nıstrligi Keden­dik baqylaý komıtetiniń qyzmet­kerleri jyl aıaǵyna deıin attestattaýdan tolyq ótip bolýy kerek. Sonda quqyq qorǵaý organdaryn refor­ma­laýdyń kezekti bir bıik asýy da alynbaq.

Aleksandr TASBOLATOV,«Egemen Qazaqstan».

Bilim men bilik

Elbasynyń «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jar­lyǵyna sáıkes, Almaty oblysy boıynsha ekonomıka­lyq qylmys­qa jáne sybaılas jemqorlyqqa qarsy kúres (qar­jy polısııasy) departamentinde de belgilengen talapqa saı kezekten tys synaq boldy. Qarjy polısııasy qyz­met­kerleri zańnama sheńberinde joǵary attestasııalyq komıssııa, ortalyq attestasııalyq komıssııa jáne aımaqtyq attestasııa­lyq komıssııa synaqtarynan tórt kezeń boıynsha ótti. Onda psıholo­gııa­lyq ustamdylyǵyn tekserý, fı­zıkalyq daıyndy­ǵyn, shymyr­ly­ǵyn jáne myltyq atýdan kózde­gen nysanaǵa tıgizý, kásibı bilik­tiligi men zańdylyqty bilýden kompıý­ter­lik testileý synaqtary men áńgimelesý boıynsha bilim men bi­lik tarazylandy. Nátı­je­sinde elordadaǵy joǵa­ry attes­ta­sııa­lyq komıssııa synaǵynan Almaty oblysy boıynsha ekonomı­kalyq qylmysqa jáne sybaılas jemqor­lyqqa qarsy kúres (qar­jy polısııasy) departamentiniń bastyǵy, qarjy polısııasy pol­kovnıgi Aıdar Baltaǵulov múdir­meı ótti. Al onyń eki orynbasary synaqtan súrinip, qarjy polısııasy organy qyz­me­tinen bosatylsa, úshinshi orynbasary at­qaryp otyrǵan qyz­me­tine laıyq emes dep tanylyp zeınetkerlik demalysyna jiberildi.Astana qalasyndaǵy ortalyq attestasııalyq komıssııa synaǵy­na Almaty oblysynan 17 qarjy polısııasy qyzmet­ke­ri qatysqan edi. Olardyń 11-i atqaryp otyr­ǵan qyzmetine laıyq dep tanylyp, bir qyzmetker joǵary laýazymdy qyz­metke usynyldy. Úshe­ýiniń laýazymy tómende­til­se, ekeýi attes­tasııalyq synaqtan ótpeı kadrlyq rezervke qaldy­ryldy.Taldyqorǵanda aımaqtyq at­testasııalyq komıssııa syna­ǵyna qarjy polısııasynyń 171 qyz­metkeri qatysýy kerek bolsa, onyń bireýi densaýlyǵyna baılanysty dárigerlik anyq­tamamen synaqtan bosatylyp, ózgeleri to­lyǵymen qatys­ty. Atqaryp otyr­ǵan laýazymyna laıyq emes dep tanylyp, qarjy polısııasy organynan 14 qyzmetker bosatylyp, tórteýine ózge qyzmetke aýysý usynylyp, jeteýiniń laýazymy tómendetildi. 12 qyzmetkerdi joǵary laýazymdy qyzmetke aýystyrý usynylyp, kadrlyq rezerv esebine qoıyldy. О́zgeleri zań­na­ma sheńberinde synaqtan ótti.Barlyǵy tórt kezeńnen tura­tyn attestasııalyq komıssııa qu­ramy­na dárigerler, qarjy polı­sııa­synyń ardageri, «Nur Otan» HDP oblystyq fılıaly ókili jáne BAQ ókili retinde joldar­dyń avtory engizilip, qoǵamdyq jaqsy pikir týyndatyp, zańdy­lyq­tyń saq­talyp, taza ári ádil ótýine yqpal etti. Bir qýanar­ly­ǵy synaqqa qo­baljyp, tolqyp kel­gen qyzmet­kerlerge qarjy po­lısııasynyń kánigi qyzmetker­leri psıholo­gııa­lyq turǵyda qol­daý kórsete bildi.Nurbol ÁLDIBAEV,«Egemen Qazaqstan».

Almaty oblysy.