JAŃAShA JUMYS ISTEIIK

Elbasynyń jyl saıynǵy dástúrli Joldaýy memlekettiń taıaý jyldarda atqarýǵa tıisti mindet­te­rin saralaý men eldiń ál-aýqatyn kóterýge baǵyttalatyndyǵy belgili. Áıtse de ómirlik mańyzy bar mem­lekettik shara – Joldaýdy máni, maǵynasy bólek joldama sózimen shatastyryp júretinder de bar. Sondyqtan, memlekettiń kele­she­gi men búginin aıqyndaıtyn Jol­daýdy halyqqa nasıhattaý, má­nin túsindirý, kóp kókeıinde júrgen suraqtardyń, kúrmeýli máseleler­diń túıinin tarqatý úshin oblystarǵa arnaýly delegasııalar shyǵyp ja­tyr. Ońtústikke kelgen respýb­lı­ka­lyq aqparattyq-nasıhattyq top­tyń quramynda Prezıdent Ákim­shiligi Ishki saıasat bóliminiń meń­ge­rý­shisi Darhan Myńbaı men Bilim jáne ǵylym mınıstri Janseıit Túımebaev bar. Top-topqa bólingen na­sıhatshylar aýyl, aýdandardy ara­lady. Oblys ortalyǵyndaǵy opera jáne balet teatrynda ótken aktıv kezdesýin oblys ákimi Asqar Myrzahmetov júrgizip otyrdy. Janseıit Túımebaev Elbasy­nyń Joldaýynda kóterilgen má­se­leler boıynsha naqty jaǵdaılardy baıandady. Ekonomıkanyń jeti basty salasyn qamtıtyn jedel ın­dýs­trııalyq-ınnovasııalyq damý­dyń memlekettik baǵdarlamasy boı­ynsha atqarylyp jatqan ju­mys­tardy saralady. Úkimettiń baǵ­darlamalary, atap aıtqanda, “Bız­nes­tiń jol kartasy-2020”, “Eks­port­tar-2020”, О́simdik-2020” jáne Investor-2020” baǵdarlama­lary­nyń mánin túsindirdi. Bilim jáne ǵylym mınıstri oń­tús­tikte atqarylyp jatqan ońdy is­ter­ge de toqtaldy. Respýblı­ka­nyń ár­bir besinshi turǵynyn qu­raıtyn oń­tústikte bilim oshaq­ta­ryna zárý­lik bar. “Byltyrǵy oqý jylynda Ońtústik Qazaqstan ob­ly­synda 23 jańa mektep paıda­lanýa berildi, bul respýblıka tur­ǵaı, kúndeı kúr­kiregen Keńes oda­ǵynyń kezinde bolmaǵan jaǵdaı”, dedi mınıstr. Mu­nyń bári ózdiginen oryn­dal­maı­dy. Oblys basshysy­nyń úkimetke osy zárý máseleni ótkir qoıýynyń, tıisti oryndarmen tıimdi jumys isteýiniń nátıjesi, dep sózin sa­baq­taǵan mınıstr ob­lys basshysynyń orta mektep­ter­degi býhgalterııa­lar­dy ortalyqtan­dyrý týraly ıdeıa­syn qoldaıtynyn bildirdi. Túrli tekserýshilerdiń ara­daı talaıtyny – mektep. Azdy-kópti zań buzý­shy­lyqty búrkelemeý úshin mektep dı­rektory ustazdarǵa salyq salyp ja­tady. Onyń sońy sybaılas jem­qorlyqqa soqtyra­tyn­dyǵy sózsiz. Al, býhgalterııa­lardy ortalyq­tan­dyrý osyndaı keleńsizdikterdiń aldyn alady. Elbasy Joldaýy ne beredi dep kútý – masyldyq pıǵyl. Shyn pa­trıot kómegin aıqaılamaı-aq kór­sete alady. Prezıdent Ákimshiligi Ishki saıasat bóliminiń meńgerýshisi Darhan Myńbaı máseleniń osy jaǵynan keldi. Memlekettik grant­tar jyl saıyn kóbeıýde. Ol jaqsy. Al, osy­dan kásipkerler nege qalys qalady?! Respýblıkada 170 myń fırma jumys jasap jatyr. Osy­nyń árqaısysy bir-bir stýdentti óz esepterinen oqytýǵa sheshim qa­byl­dasa qosymsha 170 stýdent grantqa ıe bolady eken. Ǵylym men bilim ózin-ózi ǵana asyramaıdy, halyqty asyraıdy. Ata-analar osyny bilýi kerek. “Aldymyzda tehnıkalyq jáne kásiptik bilim berý júıesin halyq­aralyq baǵdarlamalarmen sáıkes­ten­dirý, jańashyl kásiptik stan­dart­tar engizý, ekonomıkanyń bar­lyq salasyn qajetti kadrlarmen qamtamasyz etý mindeti tur. Qazir otandyq ýnıversıtetterge reıtıngi jóninde qatań talap qoıyldy. Oqý oryndaryn halyqaralyq akkredıt­teý­den ótkizý Elbasynyń baqy­laý­ynda turǵan tapsyrmalardyń biri. Bizge sannan góri sapa mańyzdy”, dep sózin túıgen D.Myńbaı alyp­qashty áńgimelerge arqaý bolyp júrgen Keden odaǵy, memlekettik tilge qatysty paıymdaýlaryn aıt­ty. Dúrligetindeı dáneńe joq, jan­dy jumys júrip jatyr. Ortaq qun­dylyǵymyz – táýelsizdik. Onyń tuǵyry myqty bolý úshin kóp bo­lyp qoldaý, memlekettik baǵdarla­ma­lardy aıaǵyna jetkizýge atsalysý qajet. Osyndaı jaqsy áńgime M.Áýe­zov atyndaǵy Ońtústik Qazaqstan memlekettik ýnıversıtetinde de jal­ǵasty. OQMÝ – búginde Ger­manııa, Anglııa ýnıversıtetterimen iskerlik baılanys ornatqan. Jeti mamandyq boıynsha halyqaralyq sertıfıkatqa ıe bolǵan ýnıversı­tettiń stýdentteri qalasa oqýyn shet elde jalǵastyra alady. Qos dıp­lomdy túlektiń ózge mem­le­ket­terde jumys jasaýyna bilim, biligi jetedi. Bilim jáne ǵylym mınıstri óziniń London ýnıversıteti pro­fes­sorymen kezdesýin aıtyp berdi. Anglııada oqyp jatqan shetel stý­dentteriniń qaısysy qabiletti, yntaly degende professor “Qytaı jáne qazaq stýdentteri” depti. Dep­ti de sózin ári jalǵapty. “Biraq, Lon­don kafe, restorandarynda qa­zaq stýdentteri qytaı stýdentterine qaraǵanda kóbirek otyrady”. Qazaq stýdentteriniń qabilettiligine daý joq. Halqymyzdyń darhan peıiline saı toıshyldyqty sál keıinge yǵystyrsa, qazaq balasynyń tul­pa­ry ozǵaly tur-aý. London professorynyń aıtpa­ǵy osy bolǵan shyǵar... Ońtústik Qazaqstan oblysy