Sársenbi, 3 qazan 2012 6:55
Abaı dananyń bir ǵaqlııasy osy áńgimemizdiń ózegine túsken jibek qurtyndaı eken… «Adam balasynyń eń jamany – talapsyz. Talap qylýshylar da neshe túrli bolady…»
Bizdiń búgingi sóz etkeli otyrǵanymyz – óz erkimen talap qylýshylar haqynda. Olardyń turǵylyqty jeri Astanadan 50-60 shaqyrym ǵana. Tań eleń-alańda alpys shaqty adam arnaýly úsh avtobýsqa otyryp, elordaǵa keledi de kóshelerge synapsha sińip ketedi. Kóshe sypyrýshylar ǵoı. Keshkisin jınalyp aýylyna qaıtady. Keıbireýleri «án salyp» bara jatady…
Sársenbi, 3 qazan 2012 6:55
Abaı dananyń bir ǵaqlııasy osy áńgimemizdiń ózegine túsken jibek qurtyndaı eken… «Adam balasynyń eń jamany – talapsyz. Talap qylýshylar da neshe túrli bolady…»
Bizdiń búgingi sóz etkeli otyrǵanymyz – óz erkimen talap qylýshylar haqynda. Olardyń turǵylyqty jeri Astanadan 50-60 shaqyrym ǵana. Tań eleń-alańda alpys shaqty adam arnaýly úsh avtobýsqa otyryp, elordaǵa keledi de kóshelerge synapsha sińip ketedi. Kóshe sypyrýshylar ǵoı. Keshkisin jınalyp aýylyna qaıtady. Keıbireýleri «án salyp» bara jatady…
Jasyratyn ne bar, bul aýyl jumyssyzdyqtan sarsańǵa túsip qalǵan. Sondyqtan da bos júristi selteńbaılardyń basyn biriktirip, qalaǵa aıdaǵan. Árıne, kúshtep ıliktirgen eshkim joq. Janbaǵysqa bári de beıildi bolǵan. Jaqsy-aq! Quptamaǵanda qaıtersiz. Áıteýir, eki qolǵa bir kúrek tabylyp tur emes pe? Talaptyǵa munyń ózi taptyrmaıtyn nápaqa!
Yryzdyǵyn terip jesin, tabysqa kenelsin! Basqa bóten oı joq. Keıingi kezde zeınetker áke úıge kelin-balasynyń keńkildep kúlip, tisterin aqsıtyp, retsiz yrjalaqtap, daýys kótere bylapyt sóılep keletinderin ańǵardy. «Jastar ǵoı, sharshaǵasyn…» dep sharasyzdyqpen tejelip júrdi. Tejelgishti de iske qosatyn tetik bar eken. Mundaı yrjyńbaılary ulasa bergen soń: «Táıt, ári, kúnde masaıyp qaıtatyn bolǵansyńdar ma?» – dep aıqaıdy kep salsyn. Túk shyqpady. Eńbekke talpynýshylar osylaısha «jyndy sýǵa» tartylyp kete bardy…
Bul bir otbasyndaǵy kúıki tirlik emes edi, aýylǵa jappaı taraǵan indetke aınaldy. Tipti avtobýsqa otyryp, Astanaǵa attanysymen-aq bas jazýshylar qatary kóbeıe túsipti. Kóńildengen kóshe sypyrýshylardyń qanshalyqty qatyryp jumys istep jatqanynan habarsyzbyz. «Árıne, talap qylyp tyrysatyndary da az emes. Biraq deni tapqan-taıanǵanyn ishimdikke jumsap júrgeni taǵy ras», – dep kóshedegilerdiń biri muńyn shaqqany bar.
Talap qylǵandary quptarlyq. Biraq ishimdikke úıirligi nesi? Kóshelerin ońdap sypyryp, azyn-aýlaq tıyn-tebenin otbasyna ákelip, bala-shaǵasynyń shyraıyn shyǵaryp otyrmas pa? Boıdaqtary bolsa, keleshek kúnin nege oılamaıdy? Kóldeneń bireý aqyl salatyn is pe osy? Al aqyl qosyp kórse she… Kileń qazaqtar búıi tıgendeı, aýylynan nege bezip júr? Mal baǵyp-aq nápaqasyn tappaı ma? Baý-baqsha salsa, irgede ózen aǵyp jatyr. Talap etse, tirlik kóp. Taǵy basqa qareketter tabylady, izdegenge… Jaraıdy, qotaryla kóship shaharǵa shabylyp júr eken, taǵy aıtaıyq, ashy sýǵa salynbaı, adal eńbek etse qaıda qalypty?! Kelerde de, keterde de iship alyp, ult betine tańba salǵansha, kóshede kórinbegenderi abzal edi…
…Aýzy-murnyn tumshalap alǵan, tek kózderi ǵana jyltyraıtyn kóshe sypyrýshylar qapysyz qımyldap-aq jatqandaı. Arnaýly kıimderi kóz tartady. Bas qalanyń tazalyǵy úshin tyrbanatyndaı. Átteń-aı, átteń… syrty bútin, ishi tútin ekenin oılaǵanda, ózekke qurt túsedi. Jibek qurty emes!..
Qaısar ÁLIM,
«Egemen Qazaqstan».
Aqmola oblysy