Dúrkirep ótken bir nóser…

Sársenbi, 10 qazan 2012 7:02

Zaısan qalasynda quıryqty juldyzdaı ómirden erte aǵyp ótken, qazirgi qazaq poezııasynda dúrkirep ótken nóser jań­byr­daı ózindik qoltańbasy bar aqyn,  «Alash» syılyǵynyń ıegeri Nurlan Máý­kenuly­nyń esimin este qaldyrý úshin eleýli sharalar uıym­das­tyryldy. О́ńirdiń ardaqty ulyna kóshe ataýy berilip, saltanatty jıyn bolyp ótti.

Sársenbi, 10 qazan 2012 7:02

Zaısan qalasynda quıryqty juldyzdaı ómirden erte aǵyp ótken, qazirgi qazaq poezııasynda dúrkirep ótken nóser jań­byr­daı ózindik qoltańbasy bar aqyn,  «Alash» syılyǵynyń ıegeri Nurlan Máý­kenuly­nyń esimin este qaldyrý úshin eleýli sharalar uıym­das­tyryldy. О́ńirdiń ardaqty ulyna kóshe ataýy berilip, saltanatty jıyn bolyp ótti.

Osynaý sharada Zaısan aýda­nynyń ákimi Serik Zaınýldın: «Qazaq qashanda el aǵasyna, qazynaly qartyna, aqyly asqan jasyna jol berip, aıtqanynan shyqpaı kele jatqan halyq. Arǵy-bergi tarıhqa oı jibersek, sóz ustaǵan parasat ıesin, elin jaqsylyqqa bastaǵan tuǵyrly tulǵany, eliniń-jeriniń mártebe­sin asqaqtatyp júrgen óner adamdaryn, ulttyq úrdistiń jalǵasy, bolashaq jas urpaqqa jetkizý bizdiń basty baǵytymyz bolý kerek» degen pikir aıtyp, osyndaı sharalardyń ótýine oblys ákimi Berdibek Saparbaev­tyń uıytqy bolyp, únemi nazarda ustap otyrǵanyna da toqtal­dy. Al óz kezeginde sóz alǵan Zaı­san qalasynyń ákimi Marat Ýálı kóshe turǵyndarynyń ke­lisimi negizinde qabyldanǵan aýdandyq máslıhat depýtat­ta­rynyń sheshimin kópshilikke oqyp berip, osy kósheni jón­deýge 15 mln. teńgeden astam qarjy jumsalǵandyǵyn aıtty. Kósheniń abattanýyna zaısandyq kópshilik rıza. Bul mártebeli jıynǵa Nurlan Máýkenulynyń kýrstas dostary men zamandas­tary – «Egemen Qazaqstan» RG» AQ vıse-prezıdenti Erkin Qy­dyr, Eýrazııa ulttyq ýnıver­sı­tetiniń ustazy Aıtmu­hanbet Esdáýletov, «Túrkistan» gazeti bas redaktorynyń birinshi orynbasary, jazýshy Jańabek Sha­ǵataı, «Qazaqstan» gazetiniń bas redaktory Serǵazy Muhtar­bek, «Semeı tańy» gazetiniń dırektory – bas redaktor Rıza Moldasheva, belgili jýrnalıst Ermu­rat Bapı, jazýshy Talǵat Keńes­baev, QazMÝ-dyń oqytý­shysy, Ajar Beısenbaeva qatys­ty. Sonymen qatar, aqynnyń ana­sy Dámesh, jary Gúlmıra, enesi Bıkamal jáne týystary da túgel jınalypty.Jıyn barysynda Astana, Almatydan kelgen Nurlannyń ómirdegi, ónerdegi dostary te­bi­rene sóılep, onyń shyǵarma­la­rynan úzindiler oqyp, este­lik­ter aıtty. Jyly lebizderin bildirdi. Sonymen qatar, Zaısan aýdanynyń qurmetti azamaty B.Japarov, ardager-ustaz M.Beksatov, kóshe turǵyny G.Rajanova, aýdandyq máslı­hat­tyń hatshysy D.Ydyryshov ta sóz sóı­ledi. Osynaý jıynda sezimge toly sátter az bolmady.Kúzdiń yzǵaryna qaramastan mektep oqýshylary aqynnyń óleńderin shabytpen oqydy. Al aýdandyq mádenıet úıiniń ártis­teri jınalǵandarǵa án-jyrdan shashý shashty. Nurlannyń týys­tary qazaqtyń dástúrine saı marqumǵa quran-hatym túsirip, as berdi. As sońynan aqynnyń jýyrda ǵana jaryq kórgen «Boı­tumar» atty óleńder jı­naǵy qatysýshy kópshilikke taratyldy.Nurlandaı birtýar aqyndy qalyń eli, oqyrman umytqan joq. Er azamattarynyń birligi, qulshynysynyń arqasynda Nur­lan Máýkenulynyń esimi óziniń týǵan jerinde de qazaq ádebıeti álemindegi tárizdi máńgi jarqy­rap tura bermek.

Qalıbek ALTYBAI.Shyǵys Qazaqstan oblysy, Zaısan aýdany.