Beısenbi, 5 sáýir 2012 7:35
Halyqaralyq Olımpıadalyq komıtet London Olımpıadasyna Saýd Arabııasynyń sportshy qyzdary qatysýy múmkin ekenin habarlady.
Bul kúnderi HOK ókilderi osy másele boıynsha Saýd Arabııasy úkimetimen kelissózder júrgizýde. Taraptar máseleni sheshse, onda arab qyzdary tuńǵysh ret Olımpııa oıyndaryna qatysatyn bolady. Qazirgi kezde Saýd Arabııasynan basqa Brýneı men Katar elderiniń qyzdary da Olımpıadadan shet qalyp keledi.
Beısenbi, 5 sáýir 2012 7:35
Halyqaralyq Olımpıadalyq komıtet London Olımpıadasyna Saýd Arabııasynyń sportshy qyzdary qatysýy múmkin ekenin habarlady.
Bul kúnderi HOK ókilderi osy másele boıynsha Saýd Arabııasy úkimetimen kelissózder júrgizýde. Taraptar máseleni sheshse, onda arab qyzdary tuńǵysh ret Olımpııa oıyndaryna qatysatyn bolady. Qazirgi kezde Saýd Arabııasynan basqa Brýneı men Katar elderiniń qyzdary da Olımpıadadan shet qalyp keledi.
* * *
Ulybrıtanııanyń Qorǵanys mınıstri Fılıpp Hemmond Olımpıadada London qalasyn qorǵaý úshin qajet bolǵan jaǵdaıda jer-áýe zymyrandarynyń paıdalanylýy múmkin ekenin málimdedi.
Osy másele boıynsha parlamentte sóılegen sózinde qorǵanys mınıstri Olımpıada keshenderiniń qaýipsizdigi tekserilgen soń oıyndar ótetin aýmaqqa myńdaǵan brıtandyq sarbazdar ornalastyrylatynyn aıtty.
Olımpıadada mundaı qaýipsizdik sharalary 1972 jyly Mıýnhende ótken Jazǵy Olımpııa oıyndary kezinde Izraıldiń 11 sportshysy men jattyqtyrýshysy óltirilgennen keıin jasalyp keledi.
* * *
Olımpıadany Makkartnı ashady. Ulybrıtanııanyń ataqty The Beatles tobynyń ánshisi bolǵan Pol Makkartnı Olımpıadanyń ashylý saltanatynda óner kórsetip, jarysty resmı túrde ashýǵa kelisimin berdi.
Buǵan deıin Olımpıadany uıymdastyrý komıteti jarysty ashýǵa The Rolling Stones, Led Zeppelin toptary men The Beatles tobynyń taǵy bir múshesi bolǵan Rıngo Starrdy shaqyrǵan bolatyn. Alaıda solardyń ishinen tek Makkartnı ǵana kelisimin berdi. Ánshiniń ózi bolsa Olımpıadanyń ashylý saltanatyn taǵatsyzdana kútip otyrǵanyn, biraq oryndaıtyn ánin áli tańdaı almaı jatqanyn aıtýda.
Olımpıadany uıymdastyrý komıteti Makkartnıden basqa taǵy birneshe ánshiniń keletinderin málimdedi. Olardyń arasynda Girls Alound, Spise Girls, Coldplay jáne Muse toptary bar.