Sport

Beısenbi, 10 mamyr 2012 6:40

Dzıýdo

SENGENIMIZ – SEGIZ SAIYPQYRAN

Halyqaralyq dzıýdo federasııasy Olımpııa oıyndaryna joldama alǵan tatamı sheberleriniń tizimin jarııalady.

Bul tizimge Qazaqstannan 8 sportshy endi. Olardyń ishinde 7 jigit pen 1 qyz bar. Bizdiń úzdik dzıýdoshylardyń qataryn álemdik reıtıngtiń kóshbasshysy 100 kılo salmaqtaǵy Maksım Rakov bas­tap tur. Ol jaqynda Tashkentte ótken Azııa chempıonatyna qatyspasa da, áli de eshkimge álemdik tizimniń tizginin bermeı keledi. Odan keıingi orynda gollandııalyq Henk Grol ornalasqan. Onyń upaıy Maksımdikinen 160-qa kem.

Beısenbi, 10 mamyr 2012 6:40

Dzıýdo

SENGENIMIZ – SEGIZ SAIYPQYRAN

Halyqaralyq dzıýdo federasııasy Olımpııa oıyndaryna joldama alǵan tatamı sheberleriniń tizimin jarııalady.

Bul tizimge Qazaqstannan 8 sportshy endi. Olardyń ishinde 7 jigit pen 1 qyz bar. Bizdiń úzdik dzıýdoshylardyń qataryn álemdik reıtıngtiń kóshbasshysy 100 kılo salmaqtaǵy Maksım Rakov bas­tap tur. Ol jaqynda Tashkentte ótken Azııa chempıonatyna qatyspasa da, áli de eshkimge álemdik tizimniń tizginin bermeı keledi. Odan keıingi orynda gollandııalyq Henk Grol ornalasqan. Onyń upaıy Maksımdikinen 160-qa kem.

Qazaqstan dzıýdoshylarynyń arasynda Maksımnen keıin 66 kılo salmaqtaǵy Azııa chempıony Sergeı Lım tur. Ol О́zbekstanda ótken Azııa chempıonatyn jeńip alǵan soń, birden 10-shy satyǵa kóterildi. Kelesi, 11-shi orynda Azııa chempıonatynyń kúmis júl­de­geri 78 kılodan joǵary salmaqtaǵy Gúljan Isanova orna­las­qan. Odan basqa olımpıadalyq reıtıngte 60 kg. salmaqtaǵy Erkebulan Qosaev – 13-shi, Islam Bozbaev (81 kg.) – 15-shi, Tımýr Bolat (90 kg.) – 18-shi, Rınat Ibragımov (73 kg.) – 19-shy, Erjan Shynkeev (10 kılodan joǵary) 23-shi oryndy ıelengen.

Jalpy, tizim esebinde 252 balýanǵa oryn berilgen. Bul –Olımpıadaǵa tikeleı joldama alǵan sportshylardyń tizimi. Aldaǵy kezde taǵy 100 lısenzııa taratylady. Sol kezde áıelder arasynda eń jeńil salmaqtaǵy Aleksandra Podredovanyń da joldama alýǵa múmkindigi bolady.

Sý doby

TAǴY MYQTYLAR TOBYNA TÚSTI

Halyqaralyq sý doby federasııasy Olımpııa oıyn­da­ry­nyń jerebesin tartty.

Qazaqstan quramasy jerebe boıynsha Avstralııa, Ispanııa, Horvatııa, Italııa jáne Grekııa elderimen «A» tobyna tústi.

Al «V» tobynda AQSh, Ulybrıtanııa, Serbııa, Rýmynııa, Vengrııa, Chernogorııa vaterpolshylary bar.

Áıelder arasyndaǵy komandalardyń sany erlerge qa­ra­ǵan­da azdaý. Olar erler sııaqty ár topta alty emes, tórt qu­ra­madan oınaıtyn bolady. Jerebe boıynsha «A» tobyna Qytaı, Vengrııa, Ispanııa, AQSh tússe, «V» tobynda Ulybrıtanııa, Italııa, Reseı men Avstralııa óner kórsetedi.

Kúres

BUIYRǴANY ON BES JOLDAMA

«Buıyrǵan ketpes, qý­­ǵan jetpes» degendeı, kú­res túr­­­leri­nen Olımpıa­da­ǵa bizdiń elden josparlan­ǵandaı 18 balýan emes, 15 balýan baratyn boldy.

Jaqynda Fınlıandııanyń asta­nasy Helsınkı qalasyn­da ót­­ken olımpııalyq irikteý jarysynda úsh balýanymyz jeńilip, joldamadan tys qaldy. Atap aıtqanda, grek-rım kúresinde eń jeńil sal­maqtaǵy Marat Kárishalov, 96 kılodaǵy Alzahýr О́zdıev, áıel­der kúresinde 55 kılo salmaqtaǵy Aıym Ábildına joldamadan qaǵyldy.

Biz osy synda balýandarymyzdan ábjildik kútken edik. Alaıda, olar da Olımpıadaǵa úsh múmkindik berilse, sonyń bárinde jeńilgen 55 kılodaǵy Ashat Qudaıbergenov, 96 kılodaǵy Marǵulan Ásembekov pen Jasulan Sydyqov, áıelder arasynda Aıjan Smaǵulova sııaqty qarsylastarynan utylyp, jer sıpap qaldy. Sóıtip, grek-rım kúresinen 5 balýanymyz ǵana Londonǵa baratyn bolsa, erkin kúresten Altaı Tańatarovtyń jigitteri Olımpıadaǵa tolyq qurammen qatysady.

Al áıelder kúresinde áý basta maqsat etilgendeı, úsh qyzymyz jarysqa qatysatyn bolady. Olar 48 kılodaǵy Juldyz Eshimova, Elena Shalygına (63 kg.), Gıýzel Manıýrova ( 72 kg.). Áıelder kúresinen Olımpııa oıyndarynyń baǵdarlamasyna 4 salmaq dárejesi ǵana engizilse, bul bizdiń balýandarymyz úshin jaqsy kórsetkish deýge bolady. Endi Sarjan Jaqsybekovtiń tálimin kórgen úsh qyzymyz Olımpıadaǵa alańsyz daıyndalýda.

London Olımpıadasyna grek-rım jáne erkin kúresten joldama jeńip alǵan balýandar mynalar: grek-rımde Almat Kebispaev (60 kg.), Darhan Baıahmetov (66), Ashat Dilmuhambetov (74 kg. ), Danııal Gadjıev (84 kg.), Nurmahan Tinálıev (120 kg.); erkin kúreste Dáýlet Nııazbek (55 kg.), Dáýren Jumaǵazıev (60 kg.), Aqjúrek Tańatarov (66 kg.), Abdýlhakım Shápıev ( 74 kg.), Ermek Baıdýashev (84 kg.), Taımýraz Tıgıev (96 kg.), Dáýlet Shabanbaı (120 kg).

* * *

ARǴY JAQTAN JAŃALYQ

«London-2012» uıymdastyrý komıtetiniń dırektory Debbı Djevons Olımpııa oıyndaryna qatysatyn sportshylar úshin jat­tyǵý keshenderiniń 16 shil­de­den bastap ashylatynyn habarlady.

Al jalpy, London Olımpıadasy kezinde sportshylar úshin 37 sporttyq jattyǵý keshenderi ju­mys isteıtin bolady. Sonyń 30-y Koroldik astanasynda bolsa, qal­ǵan jeteýi Londonnyń mańyndaǵy qalalarda ornalasqan.

***

Qytaı úkimeti ekinshi ret balaly bolǵan sýǵa sekirýden Beı­­jiń Olımpıadasynyń chempıony Tıan Lıandy jazalaýdan bas tartty.

Osydan biraz kún buryn onyń áıeli E.Isıan Gonkongte ekinshi ret bosanǵan bolatyn. Sol úshin olar Qytaı zańy boıynsha jazalanýy tıis edi. Alaıda shekesi tor­syq­taı ul bala Qytaıdan jeke av­to­nomııalyq quqyq alǵan Gonkongte týǵan soń, sportshylar otbasy jazaǵa tartylmaıtyn bolyp she­shil­di. О́ıtkeni, olardyń tuńǵyshy Qytaıda týyp-óskendikten, osy el azamaty bolatyn bolsa, ekinshisi Gonkong azamaty bolady eken.

Al Tıan Lıannyń ózine ekinshi balasy dúnıege kelgeni úshin Qy­taıdyń soltústik-batysyndaǵy Shensı provınsııasy sport isteri jónindegi basqarma bastyǵynyń orynbasary qyzmetinen ketýine týra kelipti.

Daıyndaǵan

Dastan KENJALIN,

«Egemen Qazaqstan».