Saıda Hasenova – Olımpıadaǵa qatysatyn tuńǵysh qazaq qyzy

Saıda Hasenova – Olımpıadaǵa qatysatyn tuńǵysh qazaq qyzy

Beısenbi, 24 mamyr 2012 7:41

Olımpıadaǵa 64 kún qaldy

Jalqy joldamany  ıelendi

Qytaıdyń Sınhýandao qalasynda boks­­tan qyz­dar arasynda ótken Olımpıadaǵa jol­dama be­re­tin álem chempıonatynda 60 kıloda sharshy alań­ǵa shyqqan Saıda Hasenova sporttyń osy tú­rinen Olımpıadaǵa qa­ty­satyn tuń­ǵysh qazaq qyzy atandy. Al Jul­­dyz Mamyt­qulova kúmis júldeni ıelense, Nazym Qy­zaı­baı qola medaldi qanaǵat tutty.

 

Beısenbi, 24 mamyr 2012 7:41

Olımpıadaǵa 64 kún qaldy

Jalqy joldamany  ıelendi

Qytaıdyń Sınhýandao qalasynda boks­­tan qyz­dar arasynda ótken Olımpıadaǵa jol­dama be­re­tin álem chempıonatynda 60 kıloda sharshy alań­ǵa shyqqan Saıda Hasenova sporttyń osy tú­rinen Olımpıadaǵa qa­ty­satyn tuń­ǵysh qazaq qyzy atandy. Al Jul­­dyz Mamyt­qulova kúmis júldeni ıelense, Nazym Qy­zaı­baı qola medaldi qanaǵat tutty.

Qazaqta balýan qyzdar bol­ǵa­nyn bilemiz. Qajymuqannyń áje­si Aısary, Qajymuqandy sas­tyr­­ǵan Dáýsary analarymyz alapaı kúshtiń ıesi edi. Balýan Sho­laqtyń qyzy Báten de buqany múıizinen burap qulatatyn balýan bolǵan desedi. Búginde sol qarýly qara­kóz­de­ri­mizdiń qata­ryn boksshy qyzda­ry­myz tolyq­tyryp otyr.

Qazaq qyzdarynyń bylǵary qolǵap kıgenine 7 jyl ǵana toldy. 2005 jyly Atyraýda ótken qyz­dar arasyndaǵy respýblıka­lyq jarysqa elimizdiń ár túk­pi­rinen nebári 22 qyz jınaldy. Araǵa bir jyl salyp, Shym­kenttegi dodada bokspen kásibı túrde shuǵylda­na­tyn qyzdardyń sany 46-ǵa jet­ke­nin kóz kórdi. 2007 jyly Kókshe­taýda shymyl­dyǵyn kótergen jarysta sharshy alańda 83 qyz qol­ǵap túıistirdi. 2011 jyly Astanada ótken Qa­zaqstan­nyń 7-shi birinshiligine 205 qyz qatysyp, elimizdiń bar­lyq oblys­tarynan kem degende bir qyzdan shyqty.

Áıelder boksynan jeti jyl ishinde qol jetkizgen álemdik dá­re­jedegi jetistikterimiz de joq emes. Máselen, 2006 jyly Qy­taı­dyń Nıngbo qalasynda ótken álem chempıonatynda Nazgúl Boranbaeva III oryn ıelendi. 2008 jylǵy Azııa birinshiliginde Jul­dyzaı Imanbaeva II oryn aldy. Oksana Koroleva, Darıǵa Shá­­kimova, Saıda Hasenova syndy qyzdar qola júldemen oraldy. 2008 jyly álem chempıonatynda Elena Kolsova úzdik úshtikten kórindi. 2009 jyly Hanoıda (Vet­nam) ótken Azııa birin­shili­ginde Saıda Hasenova kúmis, Darıǵa Shákimova qola júldeni qorjynǵa saldy.

2010 jyly Azııa chempıonaty Astana tórinde ótti. Sonda qazaq qyzdary jalpy komandalyq esep­te kósh bastady. Jaına Shekerbekova (Shymkent), Saıda Hasenova (Almaty), Darıǵa Shá­ki­mova (Petropavl), Marına Volnova (Astana) Azııa chempıony atan­sa, Nazgúl Boranbaeva (Astana) kúmis júlde­ge ıe boldy. Áı­gerim Asqarova (Ta­­raz), Elena Kol­sova (Qosta­naı), Juldyz Ma­mytqulova (Taraz) qor­jynǵa úsh qola júlde saldy.

Jandos BAIDILDA,

jýrnalıst.