Joldamadan aıyrý – eń aýyr jaza

Beısenbi, 31 mamyr 2012 7:36

Sport áleminde Olımpıada qarsa­ńyn­da taǵy bir daý shyqty.

Byltyr Ázerbaıjannyń Baký qalasynda bokstan ótken álem chempıonatynyń aldynda Ha­lyq­aralyq áýesqoı boks qaýymdasty­ǵy­nyń basy bir úlken daýǵa qala jazdaǵanyn sport­súıer qaýym jaqsy biledi. Sol kezde boks qana emes, jalpy sport álemi demin ishine tartqan kúı ke­ship edi. Endi, mine, sondaı jaǵdaı taǵy da qaıta­lanyp otyr. Na­q­tyraq aıtqanda, osy kúnderi bir­talaı ataqty sportshylar dopıng qoldanǵany úshin jarystan birinen soń biri shettetilip jatyr.

Beısenbi, 31 mamyr 2012 7:36

Sport áleminde Olımpıada qarsa­ńyn­da taǵy bir daý shyqty.

Byltyr Ázerbaıjannyń Baký qalasynda bokstan ótken álem chempıonatynyń aldynda Ha­lyq­aralyq áýesqoı boks qaýymdasty­ǵy­nyń basy bir úlken daýǵa qala jazdaǵanyn sport­súıer qaýym jaqsy biledi. Sol kezde boks qana emes, jalpy sport álemi demin ishine tartqan kúı ke­ship edi. Endi, mine, sondaı jaǵdaı taǵy da qaıta­lanyp otyr. Na­q­tyraq aıtqanda, osy kúnderi bir­talaı ataqty sportshylar dopıng qoldanǵany úshin jarystan birinen soń biri shettetilip jatyr.

Máselen, aýyr atletıkadan Beıjiń Olım­­­pıa­dasynyń kúmis júldegeri ýkraın qyzy Olga Korobka (75 kg.) dopıng qoldanǵany úshin 4 jylǵa jarystan shettetildi. Ol byltyr Parıjde ótken álem chempıonatynda qola júldeni ıelenip, aldaǵy Olımpıadada óz salmaǵynda bas júldege talasa alatyn sport­­­­shylardyń biri ekenin kórsetken bolatyn.

Munyń aldynda Beıjiń Olımpıadasynyń chempıony qytaılyq aýyr atlet Lıao Hýeı (69 kg.) de dopıngten ustalyp, 2014 jylǵa deıin jarystardan shettetilgen edi. Sóıtip, ol da bıylǵy Olımpıadaǵa qatysa almaıtyn boldy. Taǵy da aıtsaq, Armenııanyń aýyr atleti Gevorg Pogosıan da Olımpıadaǵa qatyspaıtyn bolyp sheshildi. Onyń aǵzasynan «Oksandralon» preparaty tabylǵan. Endi ol 2015 jylǵa deıin jarystarǵa qatysa almaıdy.

Qazir Halyqaralyq aýyr atletıka federasııasy Taılandtyń – 7, Sırııanyń – 3, Chılı men Iraktyń 2 sportshysyn kúsh kóbeıtetin dáriler paıdalanǵany úshin jarystardan shettetip otyr. Olardyń bári 2015 jylǵa deıin jarysqa qatysý quqyǵynan aıyryldy. Sonymen birge, Albanııa­nyń sportshysy Illırıan Sýlı de sporttan tórt jylǵa ketti. Onyń qanynan «Metandıenon» dárisi tabylǵan.