Alyptar anyqtalady

Alyptar anyqtalady

Beısenbi, 7 maýsym 2012 7:09

DÚBIR

Olımpıadaǵa 50 kún qaldy

Taldyqorǵanda aýyr atletıkadan Qazaqstan chempıonaty ótýde.

1 maýsym kúni bastalǵan el chempıonaty búgin aıaqtalady. Bul básekeniń ereksheligi, onda Qazaqstan chempıony degen ataq úshin kúsh synasýdan basqa bı­yl­ǵy Olımpııa oıyndaryna qa­ty­satyn ziltemirshilerdiń esim­deri anyqtalady.

 

Beısenbi, 7 maýsym 2012 7:09

DÚBIR

Olımpıadaǵa 50 kún qaldy

Taldyqorǵanda aýyr atletıkadan Qazaqstan chempıonaty ótýde.

1 maýsym kúni bastalǵan el chempıonaty búgin aıaqtalady. Bul básekeniń ereksheligi, onda Qazaqstan chempıony degen ataq úshin kúsh synasýdan basqa bı­yl­ǵy Olımpııa oıyndaryna qa­ty­satyn ziltemirshilerdiń esim­deri anyqtalady.

Qazaqstan ulttyq qurama­sy­nyń bas bapkeri Alekseı Nı osy chempıonatqa lısenzııa alǵan qyz-jigitterden basqa taǵy bir­neshe bolashaǵynan úmit kútti­re­tin sportshylardy qosyp otyr.

– Qazirgi kezde Londonǵa 16 aýyr atlettiń barýǵa múmkindigi bar. Olar birneshe aıdan beri bas qosyp, ózderiniń sońǵy daı­yndyqtaryn pysyqtaýda. Olar­dyń barlyǵy da Taldyqorǵanda óner kórsetýde. El chempıonaty 1 maýsym kúni bastalǵanymen, Aýyr atletıka federasııasy basshylarynyń sheshimi boıynsha, chempıonattyń júldeleri úshin talasatyndar bir bólek jáne Olımpıada joldamalaryn sarapqa salatyndar bir bólek jarysatyn bolyp sheshildi.

Olımpıada joldamalary úshin talasatyndar arasynda Azııa oıyndary men Azııa birin­shi­liginiń júldegeri Kırıll Pav­lov (77 kg), álem chempıo­na­tynyń qola júldegeri Vladımır Kýznesov (85 kg ), Olımpııa oıyndarynyń chempıony, álem­niń úsh dúrkin chempıony Ilıa Ilın, álem chempıony Vladımır Sedov, Azııa chempıona­ty­nyń eki dúrkin júldegeri Almas О́teshev, Arlı Chonteı, Farhad Harkı, jastar arasyndaǵy álem chempıonatynyń júldegeri Alek­sandr Zaıchıkov (94 kg) jáne Azııa chempıony, Azııa oı­yn­darynyń qola júldegeri Sergeı Istomın (105 kg) bolsa, áıelder arasynda álemniń eki dúrkin chempıondary Zúlfııa Chınshanlo (53 kg) men Maııa Maneza (63 kg), Olımpııa oıynda­ry­nyń kúmis júldegeri Irına Nekrasova (69 kg), álemniń eki dúrkin chempıony Svetlana Podobedova men jastar arasyn­daǵy álem chempıonatynyń júl­degeri Anna Nurmuhamedova (75 kg) jáne Olımpııa oıyndary­nyń qola júldegeri Marııa Graboveskaıa men jasóspirimder jáne jastar arasyndaǵy álem chempıony Nadejda Nogaı (+75 kg) kúsh synasady.

Mine, osylardyń ishinen qaı­sysynyń Londonǵa joldama ala­tyny ózderiniń kórsetken nátıjelerine baılanysty bolady. Aýyr atletıka federasııa­sy­nyń bas hatshysy Meńdihan Tápsir úmitkerlerdiń el chempıo­natyndaǵy nátıjeleri álemdik reıtıngtiń kósh basynda turǵan ziltemirshilerdiń kórsetkish­te­ri­men salystyrylatynyn málim­dedi. Onyń aıtýynsha, chempıonatta kimniń nátıjesi jaqsy bolady, sol Olımpıada joldamasyna ıelik etedi. Taldyqor­ǵandaǵy chempıonatta lısenzııa úshin tartysty bolatynyn bas bapker Alekseı Nıdiń sózinen de ańǵarýǵa bolady.

Biz sol kezde eshkimniń ataq-dańqyna qaramaýǵa tıispiz. Ja­ńylyspaı, tek myqtylardyń myq­tysyn ǵana Olımpıadaǵa tańdap alýymyz kerek. О́ıtkeni, sporttyń bul túrine memleket tarapynan úlken qoldaý kórse­tilýde, – deıdi ol.

Qazaqstan chempıonaty aıaq­tal­ǵannan keıin ulttyq qurama músheleri Taldyqorǵannyń irge­sindegi Tekeli qalasyna jınalyp, oqý-jattyǵý jıynyn jal­ǵastyratyn bolady.

Bet qattalyp jatqanda Tal­dyq­orǵanda ótip jatqan el chempıonatynda myna sportshylar úzdik nátıje kórsetip, Olımpıada joldamasyna ıe boldy. Erler arasynda Ilıa Ilın, Almas О́teshev, Arlı Chonteı, Farhad Harkı, qyzdar arasynda Maııa Maneza, Zúlfııa Chınshanlo, Svetlana Podobedova men Anna Nurmuhamedova endi ulttyq qurama sapynda London tórinde óner kórsetedi.

Dastan KENJALIN,

«Egemen Qazaqstan».

––––––––––

Sýretterde: Ilıa Ilın, Almas О́teshev, Zúlfııa Chınshanlo.

________________________________________

QOLDA – 95 JOLDAMA!

Keshe London Olımpıadasyna jolda­ma alǵan taǵy 3 sportshynyń esimi belgili boldy. Sonyń ekeýi jeńil atletter bolsa, bireýi bessaıysshy.

Jeńil atletterimizden joldamaǵa syryqpen sekirýshi (pryjkı s shestom) Nıkıta Fılıppov pen 3 000 metrge júgirýge qaty­satyn Artem Kosınov ıe boldy. Aldyńǵysy Almaty qalasynyń týmasy. 1991 jyly týǵan. Sporttyń osy túrimen aınalys­qanyna birneshe jyl bolǵan. Ázirshe ol halyqaralyq jarystarda aıtar­lyqtaı jetistikterge jetpese de elishilik jarystarda ózine syryqpen sekirýshi báseke­lesterdi shaq keltirmeı júr. Al Artem Kosınov bolsa, 1986 jyly Taldyqorǵan qalasynda týǵan. Olımpıadaǵa joldamany ol Reseı ashyq chempıonatynda 3 000 metrge júgirý jarysynda 8 mınót 31,06 sekónt nátıje kórsetip jeńip aldy.

Úshinshi joldamany alǵan sportshy­myz­dyń esimi – Pavel Ilıashenko. Qazirgi bessaıysta synǵa túsetin otandasymyz byltyr Argentınada ótken jasóspirimder arasyn­daǵy álem chempıonatynyń kúmis júldegeri atanǵan. Ilıashenko – Astana qalasynyń týmasy. 1990 jyly týǵan.

Sóıtip, jeńil atletterimiz osy kúnge deıin eń kóp lısenzııa alǵan  sportshylarymyz boldy. Olar 16 joldamaǵa ıe. Odan keıin komandamen 13 lısenzııa alǵan sý dobynan erler quramasy men 9 joldamany jeńip alǵan boksshylar bar. Al keshe Taldyqorǵanda aıaqtalǵan aýyr atletıkadan Qazaqstan chempıonatynda 8 joldamanyń ıegerleri anyqtaldy.

Buǵan deıin 92 joldamany qyzdar ara­syndaǵy bokstan Saıda Hasenovanyń jeńip alǵany belgili. Onyń lısenzııasy qazaq sport tarıhyna jazylatyny sózsiz. О́ıt­ke­ni, ol qyzdar boksynda tuńǵysh ret jolda­ma­ǵa ıe bolyp otyr.

_________________________________________

 

Ulttyq  olımpııa komıteti London Olım­­pıadasynyń aldyndajankúıerlerdiń atrıbýttar men jankúıerler ánuranyn usyndy.

Joǵaryda sol kıimder men jalaýshalar kórsetilgen. Al ánurandyEskendir men Bir­jan  Hasanǵalıevtar jazǵan.

___________________________________________

 Arǵy jaqtan jańalyq

Reseı úkimeti London Olımpıadasyna baratyn delegasııanyń alkogoldi ishimdik tutynýyna tyıym saldy.

Mundaı sheshimdi Reseıdiń Sport jáne týrızm mınıstrligi Jazǵy ne Qysqy Olımpıadada bolsyn qaltaly demeýshilerdiń reseılik sportshylardy oıyn-saýyq keshterine qatysýǵa májbúrleıtinderine baılanysty jasaǵanyn aıtty.

*   *   *

Birikken Arab Ámirlikteriniń ziltemirshi qyzdaryna London Olımpıadasynda hıdjabpen qatysýǵa ruqsat etildi.

Halyqaralyq aýyr atletıka federasııasy (IWF) musylman qyzdardyń talap-tilekterin eskerip osyndaı sheshim shyǵardy.

BAÁ-niń aýyr atletıka federasııasynyń prezı­den­ti sheıh Sultan bın Mınjırın osy máselege baılanysty mynadaı pikirin bildirdi. «Bul Islam elderi úshin jaqsy jańalyq. Ár adamnyń quqy eskerilgen jaǵdaıda halyqtar arasynda ózara syılastyq qalyp­tasady. Endi budan bylaı musylmandardy dinı kózqarasyna baılanysty alalaýshylyq bolmaıdy dep senemin», dedi ol.