Kúshtiler kerýen túzdi

Senbi, 9 maýsym 2012 8:13

Keshe Polsha men Ýkraınada fýtboldan XIV Eýropa chempıonaty bastaldy

Tórt jylda bir aınalyp keletin bul dúbirli doda keshe keshke Polshanyń eki qalasynda bastaldy. Aldymen eldiń astanasy Varshavada Polsha men Grekııa quramalary jasyl alańǵa shyǵyp, birinshiliktiń shymyldyǵyn ashyp berdi.

Senbi, 9 maýsym 2012 8:13

Keshe Polsha men Ýkraınada fýtboldan XIV Eýropa chempıonaty bastaldy

Tórt jylda bir aınalyp keletin bul dúbirli doda keshe keshke Polshanyń eki qalasynda bastaldy. Aldymen eldiń astanasy Varshavada Polsha men Grekııa quramalary jasyl alańǵa shyǵyp, birinshiliktiń shymyldyǵyn ashyp berdi.

Iá, Kári qurlyqtyń osy sıkl­­­daǵy eń áleýetti degen 16 komandasy taǵy da óz ishterindegi naǵyz kúshtini anyqtaý jolyn­da­ǵy jan alysyp, jan berisetin kezekti shaıqastaryn bastap ket­ti. ÝEFA egıdasynda uıymdas­ty­rylyp otyrǵan bul alaman resmı túrde «UEFA EURO 2012 tm Poland-Ukraine», al aýyz-eki tilde «Evro-2012» dep atalady. Resmı ataýdyń joǵarydaǵydaı mazmunǵa ıe bolýyna onyń osy qos memlekette qatar ótetini sebep boldy. Bul, álbette, alǵashqy márte qolǵa alynyp otyrǵan úrdis emes. Qurlyq birinshili­gi­niń eki elde ótý deregi birinshi ret 2000 jyly tirkeldi. Sol jyl­ǵy qurlyq básekesi Belgııa men Nıderlandy (Gollandııa) elde­rinde kerýen túzip edi. Kelesi jolǵy mundaı dástúr 2008 jyly Avstrııa men Shveısarııada óz jalǵasyn tapty. Endi, mine, ara­ǵa úzilis salynbaı, sol sabaqty ıneniń súńgisi Polsha men Ýkraı­naǵa jol tartyp otyr.

Chempıonattyń ashylý saltanaty Varshavanyń Ulttyq stadıo­nynda Polsha – Grekııa qurama komandalary arasyndaǵy match­tyń aldynda qanat jaıdy. Jalpy quny 600 mln. AQSh dollaryn quraǵan atalmysh arena osy birinshilik úshin arnaıy salynǵan bolatyn. Ol bıylǵy qańtarda paıdalanýǵa berildi.

Bul kúni aýqymyna 58 myń adamdy syıdyrǵan Varshava Ult­tyq sport arenasynda ıne shan­shar­lyq bos oryn bolǵan joq. Solardyń arasynda bas meıman retinde Ýkraınanyń prezıdenti Vıktor Iаnýkovıch pen Vengrııa­nyń premer-mınıstri Vıktor Orban otyrdy.

Bul jolǵy chempıonatty uıym­­dastyrýdyń taǵy mynadaı erek­shelikteri bar. Birinshilik maý­sym­nyń 8-i kúni polıak jeri­nen qanattanyp ushqanymen, tap sol kúni onyń bastalýyna arnal­ǵan sharalar ýkraın aýmaǵynda da qolǵa alyndy. Atap aıtqanda, ol juma kúnniń júlgesinde Kıevte prezıdent ulttyq orkestriniń qatysýymen chempıonattyń resmı fan-aımaǵynyń saltanatty jaǵdaıda ashylýy túrinde kóri­nis berdi. Oǵan 16 elden kelgen 20 myńnan astam jankúıer qa­tys­ty. Buǵan qosa, chempıonat­ta­ǵy árbir matchtyń aldynda onyń shaǵyn ashylý saltanaty ótkizi­lip turmaqshy. Ol bar-joǵy bes-jeti mınýttyń aınalasynda ǵana ýaqyt alady. Bul týraly osy alamannyń qarsańynda Polsha Ulttyq olımpııalyq komıtetiniń jetekshisi, Evro-2012 uıymdas­tyrý komıtetiniń tóraǵasy Markııan Lýbkovskı málimdedi. Onyń aıtýynsha, mundaı sharalar tek Ýkraına memleketiniń aýmaǵynda oınalatyn oıyndarda ǵana oryn almaqshy.

Jalpy, bul oqıǵaǵa Polsha men Ýkraına tabany kúrekteı bes jyl boıy daıyndaldy.

Chempıonat eki eldiń 8 shaha­rynda oınalady. Olardyń qata­rynda Polshanyń Varshava, Poz­nan, Gdansk jáne Vroslav, Ýkraınanyń Kıev, Harkov, Lvov jáne Donesk qalalary bar. Matchtar sany da olardyń árbirine teń­deı bólinip berilgen. Birinshiliktiń ashylýy jáne jabylý saltanattaryn da eki el óz­ara bólisip alǵan. Aıtalyq, do­danyń bastalýy men tusaýke­ser oıyny keshe Pol­sha­nyń astanasy – Varshavada ótse, jabylýy men fınaldyq kezdesýi 1 shilde kúni Ýkraınanyń bas qalasy – Kıevte oryn alady.

Ázirge fýtbol mamandary bas júldeden negizgi úmitkerler retinde Germanııa jáne Gollandııa quramalaryn, sonymen qatar munyń aldyndaǵy birinshiliktiń, sondaı-aq 2010 jylǵy álemniń chempıony Ispanııa komandasyn atap otyr.

Sońǵy málimet: Gazetimizdiń osy nómirin jaryqqa shyǵarýǵa qol qoıylǵaly jatqanda, ıspan arbıtry Karlos Velasko Karbalo qazylyq etken Polsha jáne Grekııa quramalary arasyndaǵy kezdesýdiń sońǵy ysqyryǵy es­­­til­di. Bul match 1:1 esebimen aıaq­taldy. Al Reseı – Chehııa qu­ramalary arasyndaǵy oıyn óte kesh bitkendikten, onyń ná­tı­je­sin kelesi joly habarlaımyz.

Serik PIRNAZAR,

«Egemen Qazaqstan».