Alǵashqy aıqastar, ádepki áserler

Alǵashqy aıqastar, ádepki áserler

Seısenbi, 12 maýsym 2012 7:05

О́tken juma kúni Polsha men Ýkraınada sóreden shyqqan qurlyq chempıonaty qyza túsýde

Kez kelgen teatrdyń kıim ilgishten bastalatyny sııaqty, qandaı bir iri fýtbol forýmynyń da qaı deńgeıde ótkeli turǵanyn onyń tusaýkeser oıyny baıqatyp beredi. Bul turǵydan qaraǵanda, Karpat taýynyń eki qaptalyn alyp jatqan eki elde bastalǵan dop dodasynyń tartysqa toly ótetin túri bar. Aıtatyny joq, buǵan tek maýsymashar match qana emes, sonymen birge onyń sońyn ala oınalǵan qalǵan bes kezdesýdiń barysy da tolyq kýá bola alady.

 

 

Seısenbi, 12 maýsym 2012 7:05

 

О́tken juma kúni Polsha men Ýkraınada sóreden shyqqan qurlyq chempıonaty qyza túsýde

 

Kez kelgen teatrdyń kıim ilgishten bastalatyny sııaqty, qandaı bir iri fýtbol forýmynyń da qaı deńgeıde ótkeli turǵanyn onyń tusaýkeser oıyny baıqatyp beredi. Bul turǵydan qaraǵanda, Karpat taýynyń eki qaptalyn alyp jatqan eki elde bastalǵan dop dodasynyń tartysqa toly ótetin túri bar. Aıtatyny joq, buǵan tek maýsymashar match qana emes, sonymen birge onyń sońyn ala oınalǵan qalǵan bes kezdesýdiń barysy da tolyq kýá bola alady.

Polsha-Grekııa 1:1. Kópshi­lik kútkendegideı, eki jaqtyń da jat­tyqtyrýshysy kezdesýdi barynsha saq taktıkamen órbitti. Aı­ta­lyq, Frantıshek Smýda polıaktar jasaǵyn alańǵa bir ǵana taza shabýylshymen shyǵarsa, Fernandý Santýsh óz kezeginde grek­­terdi birden bes shartty qorǵaýshy etip ornalastyrdy. Alaı­da, bular­dyń arasynda start­tyq quramnyń talassyz oıynshysy sanalyp kelgen Kırıakos Papadopýlosqa or­yn tabylmaı qaldy. Al oıyn­nyń júıkeni shabaqtaıtyn shaı­­­qas bol­maǵy shý degennen-aq ań­ǵa­­ryl­dy. Saýysqannan sabaq al­­ǵan komandalar bolsa, jappaı al­­ǵa umtylýǵa da asa asyǵa qoımady.

Degenmen, qaqpa aldyndaǵy alǵashqy qaýipti jaǵdaıdy alań ıeleri matchtyń 4-mınýtynda tý­ǵyzyp úlgerdi. Munyń sońy ná­tıjesiz urylǵan buryshtama dobyna ulasty. Osydan soń polıaktar qarqyndy kúsheıtýge áreket jasap baqty. Grekter ádepki jú­ıe­li shabýylyn tek 12-mınýtta ǵana jasaı aldy. Komanda kapıtany Gıorgos Karagýnıs bergen pasty nysanaǵa baǵyttaǵan Teofanıs Gekas dopty qaqpanyń janynan jóneltti. Munyń artynsha qarsy shabýylǵa kóterilgen polıaktardyń soqqysy da aıtar­lyqtaı qaýip ákeldi. Osy teketi­res­tiń aqyry 17-mınýtta chem­pıo­nattaǵy eń alǵashqy goldyń soǵylýymen aıaqtaldy. Aldymen alań ortasynan óte Iаkýb Blashıkovskı aldaǵy Lýkash Pıshekke dop asyrdy. О́z kezeginde ol esh­kimniń baqylaýynsyz turǵan Robert Levandovskıge pas jetkizdi. Al golkıpermen betpe-bet kelip qalǵan Robertke dopty basymen jerge bir uryp baryp esep ashqannan ózge eshteńe qalmady.

Oıyn osydan keıin tipti qy­zyp ala jóneldi. Biz bul jerde ıspanııalyq tóreshi Velasko Kar­balıýdiń grek Sokrastıs Papastopýlosty alańnan jónsiz qý­ǵa­ny men birinshi taımda polıaktar qaqpasyna belgilenýge tıisti pe­naltıdi eskermegeni týraly sóz etip te jatqymyz kelmeıdi. Mu­nyń esesine oıynnyń ekinshi bó­liginde grekter aıtarlyqtaı batyl oınaı bastady. Olardyń esepti teńestirip ketýlerine qaq­pa­shy Voıseh Shesny men qorǵaý­shy Marsın Vasılevskıdiń bir-birin túsinisbeýshiligi sebep boldy. Osydan keıin kópshilik ejel­gi Ellada urpaqtary búkil komanda bolyp tas qamal qorǵanysqa kóshetin shyǵar dep shamalap edi, olar kerisinshe batyldanyp al­yp, qarsy jaqtyń qaqpasyn torýyldaýdy kúsheıte tústi. Buǵan jattyqtyrýshy jasaǵan oıynshylar almastyrýshylyq ta oń áser etken sııaqty. Sonyń arqa­synda olar tipti kezdesýdiń 71-mı­nýtynda alǵa shyǵýǵa da múmkindik aldy. Biraq betpe-bet kelgen Dımıtrıs Salpıngıdısti qaǵyp qulatqany úshin ózi alań­nan qýylyp qana qoımaı, 11 metr­lik aıyp dobyn da belgiletip ketken Shesnydyń ornyn Maseı Rybýstyń esebinen basqan qaq­pa­shy Pshemyslav Tyton óz darbazasyn anyq goldan saqtap qaldy.

Oıynnyń sońynda eki jaq ta esepti ózgertý múmkindikterin ji­berip qoıdy. Sonymen jan alysyp, jan berisken aıqas aqyry teń nátıjemen aıaqtaldy.

Reseı – Chehııa 4:1. Buǵan deı­in­gi qurlyq chempıonatynda re­seılikter eshqashan birinshi matchyn bulaısha jeńispen aıaqta­ma­ǵan eken. Osy joly sonyń kóbesi sógildi. Al osy shaıqas bastalǵan boıda komandanyń starttyq qu­ra­myn kórgen jankúıerlerdiń kóbiniń kóńilin kúdik bılegeni ras. Baqsaq, jattyqtyrýshy Dık Advokattyń da bir bilgeni bar eken. Onyń qaqpaǵa Igor Akın­feevtiń ornyna Vıacheslav Malo­feevti qoıýy da, shabýyldyń óti­ne Marat Izmaılovty emes, Alan Dzagoevty shyǵarýy da ózin-ózi aqtady. Olaı deıtinimiz, Malofeev bir márte óz qaqpasyn úlken sheberlikpen saqtap qalsa, qalǵan jaǵdaıdyń bárinde pozısııany jaq­sy tańdaı bilýi arqyly óte se­nim­di oıyn kórsetti. Al qar­sy­lastar qaqpasyn eki ret dál kózdegen Dzagoev júdá kezdesýdiń basty qaharmanyna aınalyp shyǵa keldi.

Biraq kezdesýdiń basynda or­ystardyń asyǵys áreketterinen túk shyqpaı, onyń bastapqy ja­ǵynda chehtardyń basymdylyǵy biline berdi. Reseılikter tek 12-mınýttan keıin qaraı ǵana buryshtama dobyn urý arqyly negizdi túrde shabýylǵa kóshýge bet burdy. Olar munda da ózde­riniń ádepki tańdaǵan taktıkalarynan – ekinshi nómirmen oınaýdan bas tartqan joq. Osynyń oraıynda mamandar «jabý ja­myl­ǵan júırik» retinde baǵala­ǵan Chehııa quramasy orystar uı­ym­dastyrǵan birneshe joıqyn qar­sy shabýylǵa shydas bere almaı qaldy. Birinshi taımda gol so­ǵýǵa qolaıly tap sondaı tórt múm­kin­dik oryn alsa, solardyń teń jartysy ońtaıly júzege asty.

Ekinshi taım aýyrlaý ótti. Bir­den oıyn tizginin qolǵa alǵan cheh­tar kóp uzamaı bir goldyń qarymtasyn qaıtaryp úlgerdi. Budan sońda qysymdy kúsheıtken olar qarsy qaqpa aldynda qar­ba­lasty kóbeıtti. Mine, sol sátter­de orystardyń tájirıbesi kómek­ke keldi. Olar tuıyqtan aqyryn­dap shyǵyp, qarsylastaryn qaıta qyspaqqa túsirdi. Al eki jaqtaǵy oıynshylardyń sharshaǵandary biline bastaǵan shaqta reseılik­terdiń sheberlikteri máseleni tú­geldeı óz paıdasyna qaraı she­ship ketti. Osy tusta birinen soń biri soǵylǵan eki gol cheh komandasyn talqandaýǵa deıin alyp bardy.

Endi qalǵan tórt oıyn týraly qysqasha aıtyp óter bolsaq, onda eń aldymen Gollandııa qurama­sy­nyń Danııa komandasynan 0:1 ese­bimen utylyp qalǵany oıǵa oralar edi. Bul matchta birinshi­lik­tiń favorıtteriniń biri sanal­ǵan ja­saq baryn salyp kórdi. Alaıda, dattardyń berik qorǵa­ny­sy men jiti shabýylyna qarsy qoıatyn amal tappady. Sondaı bas­ty úmit­kerlerdiń biri – Germanııa óz re­tin­de Portýgalııany áreń tize búk­tir­di. Ispanııa men Italııanyń teń oıyny (1:1) da kóp jaǵdaıda zań­dy­lyq bolyp kórinedi. Al Horva­tııanyń Irlan­dııany alyp ta, shalyp ta jyq­qanyna (3:1), sirá, eshkimniń kú­má­ni qalmaǵan shyǵar.

Keshe D tobyndaǵy Fransııa – Anglııa, Ýkraına – Shvesııa qura­malary arasyndaǵy oıyndarmen birinshi týr támamdaldy. Bet qat­talyp jatqanda aıaqtalǵan Fransııa-Anglııa matchynda oıyn 1:1 esebimen teń aıaqtaldy.

Serik PIRNAZAR,

«Egemen Qazaqstan».