Toptaǵy jaǵdaı shıelenise tústi

Toptaǵy jaǵdaı shıelenise tústi

Beısenbi, 14 maýsym 2012 7:08

12 maýsym kúni alańǵa A tobynyń komandalary shyǵyp, ekinshi týrdy bastap berdi. Birinshi bolyp Grekııa-Chehııa quramalary bettesti. Munyń sońynan Polsha jáne Reseı fýtbolshylary kúsh synasty. Birinshisi chehtardyń jeńisin aıǵaqtap, ekinshisi beıbit tarqasqan oıyndar toptaǵy jumbaqtyń áli tolyq sheshilmegenin bildirdi.

 

 

Beısenbi, 14 maýsym 2012 7:08

 

12 maýsym kúni alańǵa A tobynyń komandalary shyǵyp, ekinshi týrdy bastap berdi. Birinshi bolyp Grekııa-Chehııa quramalary bettesti. Munyń sońynan Polsha jáne Reseı fýtbolshylary kúsh synasty. Birinshisi chehtardyń jeńisin aıǵaqtap, ekinshisi beıbit tarqasqan oıyndar toptaǵy jumbaqtyń áli tolyq sheshilmegenin bildirdi.

Grekııa-Chehııa – 2:1. Match­ta­ǵy bar­lyq másele demegende de, sonyń túgelge jýyǵy bastapqy eleń-alań shaqta sheshilip qoıyl­ǵa­ny­na qaramastan, bul chempıo­nat­taǵy qyzyqty kezdesýlerdiń biri boldy. Oıynnyń 6 mıný­tyn­da-aq alańnyń shartty qonaqtary – chehtar eki dop aıyrymymen alda kele jatty. Esepti 3 mınýtta Petr Irachek ashty, sosyn 6 mınýtta Vaslav Pılarj «halyqtyq komandanyń» basymdyǵyn odan ári nyǵaıta tústi. Bir aıtarlyǵy, grekter osymen ekinshi oıyn qa­tarynan óz shaıqastarynyń bi­rin­shi bóligin qarsylastaryna qar­sylyqsyz berip qoıýymen erekshelendi. Onyń ústine, Ellada juraǵattary hálin negizgi qaq­pashy Kostas Halkıastyń kút­pe­gen jerden jaraqat alyp, ornyn Mıhalıs Sıfakıske bosatyp berýi burynǵydan da qıyndatyp jiberdi.

Osylaı irkilip oınaǵan grekter taım bitýge jaqyn qalǵan shamada chehtar darbazasynyń toryn bir dúr silkindirip ótip edi. Biraq qaptaldaǵy tóreshiniń jalaý bulǵańdatýymen gol esepke alynbaı tastaldy. Munyń esesine kelesi taımnyń debıýtinde Fernandý Santýsh shákirtteriniń tez joldary bolyp ketti. Munda Petr Chehtyń óreskel qateligin paıdalana bilgen Teofanıs Gekas bir doptyń qarymtasyn qaıta­ryp úlgerdi. Budan ári Ellada qyrandary esepti teńestirýge jantalasa umtyldy. Biraq olarǵa bul kúni jeńilisten qutylýdyń oraıy kelmedi. Jaǵdaıdy jaqsy paıymdaı bilgen chehtar qarsylas komandanyń aptyqqan arynyn aqyryn basyp otyrdy. Al kezdesýden keıin Chehııa quramasynyń bas jattyqtyrýshysy Mıhal Bılek óziniń oıyn nátıjesine qatty qanaǵattanǵandyq bildiretinin aıtty.

Polsha-Reseı – 1:1. Bul oı­ynnyń qorytyndy nátıjesin ár maman ártúrli baǵalady. Olar­dyń arasynda «Orystar qolda turǵan jeńisinen aıyrylyp qal­dy» degen oıǵa uran qosqandar da, «Varshava bitim-sharty janǵa jaǵady» dep kóńil kótergender de bar. Bizdińshe, osynyń ekeý­inde de dáıekti dánek kezdesedi. Búkil ­kezdesý boıyna polıaktar­dyń jalań atqa jaıdaq minip alyp, tolassyz shabýyl ústinde júrgeni de, sonyń qabatynda re­seılikterdiń aıtarlyqtaı baıypty ári oıly oıyn kórsete bil­gen­deri de shyndyq. Aınalyp kel­gende, osy teń oıyn eki jaqtyń eńsesin eze bermeıtin kórnekti kór­setkish bolyp shyqqan sııaq­ty. Eń bastysy, eki komandanyń da shırek fınalǵa shyǵý múm­kin­dikteri sol kúıi saqtalyp qaldy.

Taǵy bir aıta ketetin jáıt, bul match Reseı quramasynyń qo­synyndaǵy ózekti máselelerdiń de shetin shókelep shyǵaryp ketti. Aldymen polıaktar osynyń aldynda chehtar ustatpaǵan tizgindi berip, olardy dopqa baqylaý jasap otyrýǵa májbúr etti. О́zderi bolsa, qorǵanystyń sońǵy býynyn tas túıin etip bekitip alyp, oǵan deıingi keńistikti ashyp tas­tady. Osyǵan oraı Dık Advo­kat­tyń jigitteri boılarynda kúsh-jigerleri tasyp turǵan bi­rinshi taımnyń óne-boıynda sol qor­ǵandy buzyp-jaryp ótýge bir­neshe ret áreket jasap baqty. Bul eki ortada Pıshek-Blashıkovskı tandeminiń oqta-tekte sýyl­daǵan qarsy shabýyldary bolmasa, polıaktar jaǵy qarsy­las­ta­ryn asa bir qıyn jaǵdaıǵa qal­dyra qoımady. Al zymyrandaı zyrǵyǵan Aleksandr Kerjakov­tyń, ekinshi tolqynmen ekpindeı keletin Alan Dzagoev pen Andreı Arshavınniń, artqy túpkirden túre shabatyn Iýrıı Jırkovtyń arqasynda polıaktar alańy ara-tura bórikken qoıdyń qotanyn­daı dúrligip qalyp jatty. Mun­daı oıynnyń gol soǵýǵa da múm­kindik beretini aqıqat edi.

Tap solaı standartty jaǵ­daı­da Alan Dzagoev taǵy da jarq ete tústi. Andreı Arshavınniń qııa­laı tastaǵan dobyna talasa-tarmasa umtylǵan eki jaq oıynshylary arasynda osy jas shabý­yl­shynyń basy bárinen eptirek qımyldady. Odan sydyra ushqan dopqa Pshemyslav Tyton jete almady. Qol sozym jerden óte shyqqan snarıad qaqpashynyń sol jaq buryshyna baryp top ete qaldy. Gol! Alaıda, reseılik­ter­diń budan keıin de esepti ulǵaı­týǵa yńǵaılary bolyp edi. Birde Kerjakovtyń soqqysy aıdalaǵa ketti, birde Jırkov pas jetkizýde sylbyrlyq kórsetti. Taǵy birde tóreshi alań ıeleriniń shırek fı­nalǵa shyǵý múmkindikteri birden tómen túsip ketpegenin qalaǵan­daı tirlik jasady. Aıtalyq, onyń birer ret polıaktar qaq­pa­syna penaltı belgileýine ábden bolatyn edi.

Kezdesýdiń osy tusynda alań ıeleri de gol soǵýdyń birneshe múmkindigin jiberip aldy. Or­ystardyń qorǵanys shebin Levandovskı birneshe ret kókteı óte shyqty. Ony toqtatýǵa Igor Denısov úlgere almaı qalsa, Sergeı Ignashevıch kómekke ázer úlgerip júrdi. Arasynda Malafeev qut­qa­ryp turdy. Úzilisten keıin re­seı­likter shabýylshylarynyń sharshap qalǵandary anyq ba­ı­qaldy. Muny sezingen polıaktar burnaǵy­dan da órshelene alǵa umtyldy. Nátıjesinde olardyń qaýipti juby eńisten salsa, tóske ozatyn tarlandyǵyn tanytty. Áýeli Arshavın Jırkovqa dál pas bere almaı qaldy. Ony ilip alǵan Blashıkovskı óziniń árip­tesimen birge alǵa qaraı zaýlady. Sol pátimen júgirip kele jatyp dop urǵan Iаkýb ony Malafeev qorǵaǵan qaqpanyń oń jaq bu­ryshyna solq etkizdi. Osylaısha polıaktardyń áý bastan myqty sanalǵan oń qa­naty ózin ózi aqtap shyqty. Budan keıin de eki jaq­tyń esepti ózger­tetin múmkin­dik­teri boldy. Biraq qarsylastar odan tıisti nátıje shyǵara almady. Aqyr sońynda eki jaq beıbit tarqasýǵa kelis­kendeı syńaı tanytty.

Úlken talaspen kelgen bul teń oıyn 4 upaımen Reseıdi bi­rin­shi orynda qaldyra berse, ekin­shi satyǵa 3 upaıly Chehııa kóterildi. Al polıaktarda – 2, grekterde 1 upaı bar. Bul jaǵdaı kelesi kezeńge áli osy tórttiktiń qaı-qaısysy da talasa alatynyn bildiredi.

Keshe keshke Danııa – Portýgalııa, Germanııa – Gollandııa qura­malary arasyndaǵy oıyndarmen ekinshi týrdyń oıyndary jalǵa­syn tapty. Bulardyń aldyńǵy­synda kezdesý 3:2 esebimen Por­týgalııanyń paıdasyna sheshildi.

Serik PIRNAZAR,

«Egemen Qazaqstan».

_________________

OILAR, PIKIRLER, KО́ZQARASTAR

 Ioahım LEV, Germanııa quramasynyń bas jattyqtyrýshysy: – Men jeńiske jetken quramdy ózgertpeý kerek degen qaǵıdatty barlyq ýaqytta birdeı ustana bermeımin. Sondyqtan Gollandııamen matchtyń starttyq quramynda birqatar ózgerister oryn alyp qalýy ábden múmkin. Men árdaıym tosyn nárseler jasaýǵa qumarmyn. Al Mıroslav Klozeniń jaraqatynan aıyǵa bastaǵany qatty qýantady. Ol saýyqqan kezinde álemdik deńgeıdegi oıynshy bolyp shyǵa keledi. Demek, oǵan kóp úmit artamyz.

Morten OLSEN, Danııa quramasynyń bas jattyqtyrýshysy: – Men bizdiń quramanyń dál qazirgideı jaqsy qaqpashylarǵa toly bolǵan kezin esime túsire almaımyn. Bul, árıne, jaqsy. Aldaǵy oıyndarda onyń paıdasy tımese, zalaly bolmaıdy. Al 2008 jyldan beri Portýgalııa­men 4 ret kezdesippiz. Solardyń ekeýinde biz, bireýinde qarsylastarymyz jeńgen. Bul jolǵysyn bilmeımin. Biraq biz qalaı degende de toptan shyǵýǵa kúsh salamyz.

Mate DEBIýShI, Fransııa quramasynyń qorǵaýshysy: – Men Anglııamen bolǵan teń oıynnyń nátıjesin ońdy dep esepteımin. Osy oıynnyń qalaı bastalǵanyn bir sát eske túsirip kóreıikshi. Sol kezde bári túsinikti bola túsedi. Alǵashqy 20 mınýtta biz ózimizdi ózimiz joǵaltyp aldyq. Sodan keıin ǵana es jıdyq. Sondyqtan teń oıyn – ádil kórsetkish. Degenmen, áli eshteńe joǵalta qoıǵan joqpyz. Aldaǵy eki match bizdiń taǵdyrymyzdy tıimdi sheshedi ǵoı dep oılaımyn.

________________

Match mınıatıýralary

* Seısenbi kúni chempıonattyń A tobynda ekinshi týrdyń eki oıyny oınaldy. Olardy stadıonnan 96 950 adam tamashalady. Al birinshilik bastalǵaly bergi kórermen sany 472 245-ke jetip otyr.

* Eki oıynda 5 gol soǵyldy. Bul kórsetkish ár oıynda orta eseppen 2,5 gol soǵylǵan kórsetkishti saqtap qaldy. Jalpy, birinshilik bastalǵaly qaqpashylar óz qaqpalarynan 25 ret dop alyp shyqty.

* Birinshiliktiń mergender sapyna taǵy da ózgeris endi. Ony 3 golmen Reseı quramasynyń shabýylshysy Alan Dzagoev bastady. Sol sııaqty cheh Vaslav Pılarj ekinshi golyn soqty. Odan basqa ýkraın Andreı Shevchenko, horvat Marıo Mandjýkovıch eki doptyń avtory bolyp otyr. Bul kúni 1 dop soqqandar qataryna cheh Petr Irachek, polıak Iаkýb Blashıkovskı qosyldy. Bulardan basqa taǵy 9 oıynshyda 1 goldan bar.

* Bul kúni chehtar Tomash Rosıskı, Petr Irachek, grekter Vassılıs Torosıdıs, Dımıtrıs Salpıngıdıs, polıaktar Robert Levandovskı, Oıgen Polanskı, reseılikter Igor Denısov, Alan Dzagoev eskertý aldy.

* Tóreshiler birinshilik bastalǵaly beri 2 oıynshyny alańnan qýyp, 32 oıynshyǵa eskertý berdi.

* Úzdik oıynshy ataǵyna Petr Irachek (Chehııa), Iаkýb Blashıkovskı (Polsha) ıe boldy.

________________

Derekter men dáıekter

* ÝEFA Horvatııa quramasyna qarsy is kótermekshi. Osy halyq­ara­lyq uıymnyń resmı saıty habarlaǵandaı, bul Irlandııaǵa qar­sy oıyn kezinde osy el jan­kúıerleriniń jasaǵan beıbastaq­tyq­taryna baılanysty bolmaq. Horvat fanattary match kezinde petard atyp, feıerler jaqqan.

* Andreı Shevchenko jol oqı­ǵa­sy­na urynyp qaldy. Shvesııamen bolǵan matchtan keıin áıeli Krısten Pazıkpen birge úıine qaıtyp kele jatqan fýtbolshynyń máshınesine bir djıp kelip soǵylǵan. Oqıǵa bolǵan jerde tysqa shyqqan fýtbolshyny jan­kúıerler qorshap alyp, qoltańbalar berýge májbúr etipti.