Italııa men Ispanııa – shırek fınalda!

Italııa men Ispanııa – shırek fınalda!

Sársenbi, 20 maýsym 2012 7:34

Dúısenbi kúni Horvatııa-Ispanııa, Italııa-Irlandııa quramalary oıyndarynyń qorytyndylary ıspandar men ıtalıandardy shırek fınalǵa shyǵardy. Olardyń endigi qarsylastary ótken túnde Anglııa-Ýkraına, Shvesııa-Fransııa komandalary arasyndaǵy matchtarda anyqtaldy.

 

 

Sársenbi, 20 maýsym 2012 7:34

 

Dúısenbi kúni Horvatııa-Ispanııa, Italııa-Irlandııa quramalary oıyndarynyń qorytyndylary ıspandar men ıtalıandardy shırek fınalǵa shyǵardy. Olardyń endigi qarsylastary ótken túnde Anglııa-Ýkraına, Shvesııa-Fransııa komandalary arasyndaǵy matchtarda anyqtaldy.

Horvatııa-Ispanııa 0:1. Týr­nırdi osy tusynan tastap bara jatqan «kishkentaı eldiń 23 arystanyn» fýtbol jankúıerleri on­shalyqty kóp kinálaı alǵan joq. Olar reseılikterge qaraǵan­da, aıtarlyqtaı tartysty da jigerli oıyn kórsetti. Jeńiliske de matchtyń eń sońyna qaraı tap boldy. Al komandany qarsylas­ta­rynan kem oınady dep eshkim de aıta almasa kerek. Tipti, keı sátterde ol álem men qurlyqtyń qazirgi chempıonynan artyqtaý da shyǵyp otyrdy. Olardyń jat­tyq­tyrýshylary Slaven Bılıch ıspandarǵa arnalǵan múldem jańa taktıka usyndy.

Eki komanda da birinshi taımda kóp táýekelge bara qoımady. Tek janama matchta ıtalıandardyń esep ashqandaryn estigennen keıin ǵana eki jaq edáýir yshqyn­dy. Solardyń yǵytynda talaı gol soǵatyn sátter bosqa ji­berildi. Onyń aqyry ıspandar­dyń baqtaryn ashyp, juldyz­daryn jandyrdy.

Italııa-Irlandııa 1:0. Bul kezdesý birshama eki udaıly oı qaldyrdy. Bylaıynsha bári tab­lo­daǵy eseppen ólshemdes ke­le­tin sııaqty. Italııa toptyń aýt­saıderin emin-erkin utyp shyǵyp, kelesi kezeńge qadam basty. Nátıje boıynsha «skýadra adzýrra» týrnırdegi úzdikterdiń biri bolyp tanyldy. Al oıyn sapasy jóninen… eń nashary deýge bolady. Burnaǵy kúngi oıyndy kór­genderdiń kóbi osyndaı oıǵa qazyq baılady. Nege? Bálkim, Chezare Prandellıdiń quramada ja­saǵan qaýyrt ózgeristeri oıyn deńgeıiniń túsip ketýine áser etken shyǵar. Al óz jankúıerlerine qatty razylyq bildirgen Irlandııa quramasynyń jigitteri baryn saldy. Biraq qashanda myqtynyń aty – myqty, qansha qarsylasyp baqsa da, olar óz qaqpasyn goldan aman saqtap qala almady.

Búgin – chempıonatta úzilis. Al erteń shırek fınaldyń oıyndary bastalady.

Match  mınıatıýralary

* Burnaǵy kúni ótken Italııa-Irlandııa, Horvatııa-Ispanııa arasyndaǵy matchtarda 3 gol soǵyldy.

* Chempıonat bastalǵaly beri ótken 24 oıynda barlyǵy 57 gol salyndy. Olardyń árbir matchqa keletin úles salmaǵy – 2,37 dop.

* Dúısenbi kúni eki stadıonda 77 870 adamnyń basy qosyldy. Jalpy, birinshiliktiń alǵashqy kúninen bergi kórermen sany 957 154-ke jetti.

* Osy kezge deıingi eń kóp kórermen (64 640) 15 maýsym kúni Kıevtiń Olımpııalyq stadıonynda Shvesııa-Anglııa matchyna jınaldy. Al eń az kórermen (31 840) 13 maýsymda Lvovtaǵy «Lvov-Arena» stadıonynda Danııa-Portýgalııa arasynda ótken oıynda tirkeldi.

* Mergender kóshinde eshqandaı ózgeris joq. Onyń basynda 3 gol soqqan shabýylshylar keledi.

* О́tken eki oıynda oıynshylarǵa bir «qyzyl» qaǵaz kórsetilip, 12 ret eskertý jasaldy. Alańnan Irlandııa quramasynyń oıynshysy Kıt Endrıýs qýyldy. Al Shon Sent-Ledjer ekinshi ret eskertý aldy. Al Horvatııa-Ispanııa kezde­sýin­de horvattar jaǵyna 6 eskertý berildi de, ıspandar múldem «taza» shyqty. Jalpy, birinshilik bastalǵaly 88 fýtbolshyǵa «sary qaǵaz» kórsetildi.

* Eki oıynda úzdik oıynshy ataǵyna Andres Ines­ta (Ispanııa) men Antonıo Kasano (Italııa) ıe boldy.

Oılar, pikirler, kózqarastar

Shon Sent-LEDJER,

Irlandııa quramasynyń qorǵaýshysy:

– Toptaǵy ekinshi oıyn­nyń sońǵy on mınýtynda oryn alǵan jaǵdaı meniń esimde uzaq ýaqyt saqtalyp qalady. Bul kezde biz Ispanııadan 0:4 bolyp utylyp jatqanbyz. Solaı bolsa da jan­kúıerlerimiz bizge qol soǵyp, qol­daý kórsetip turdy. Olar bi­raz­dan soń otel­ge kelgen kezi­mizde de qoshemetin jalǵas­tyrdy. Bul bizdi qatty tebirentti.

Roı HODJSON,

Anglııa quramasynyń bas jattyqtyrýshysy:

– Qalaı teń oınaýǵa bolatynyn túsinbeımin. Biz qashanda tek jeńis úshin kúresemiz. Toptyq raýndtaǵy sońǵy oıyn qarsańynda Ýeın Rýnıdiń dıskvalıfıkasııadan keıin qatarǵa oralǵanyna qýanyshtymyn. Bul bizge tyń kúsh qosady. Buǵan qosa Ýeın sporttyq babynda eken. Men ýkraındarmen ótetin óte qıyn matchta onyń kóp kómek kórsetetinine senemin. Alań ıeleri jankúıerlerine bizdiń qarsy qoıatyn birden-bir qarýymyz jaqsy oınaý bolmaq.

Mıroslav KLOZE,

Germanııa quramasynyń shabýylshysy:

– Bizdiń grektermen oıynda gol soǵatyn sátterdi kóptep týdy­ratynymyzǵa senimdimin. Qar­sylastarymyz qorǵanysta jatyp alǵan kúnde de ony buzyp-jaryp ótemiz. Bizde qazir qo­salqy qu­ramda da qanshama tamasha oıynshylar otyr. Olar­dyń kez kelgeni starttyq qu­ramda shyǵyp júrgen fýtbolshylardy laıyqty almastyra alady. Maǵan eń aldymen olardyń jattyǵýǵa degen jaqsy kózqarastary unaıdy.

Aıtpaqshy…

* Danııa quramasynyń shabýylshysy Nıklas Bern­dnter oǵash qylyǵy úshin bir resmı matchqa qatyspaý men 100 myń eýro kóleminde aıyp tóleýge jazaǵa tartyldy. Ol buǵan Portýgalııaǵa qarsy oıynda gol soqqannan keıin jeıdesiniń etegin túrip, shortyn tizesine deıin sypyryp jibergen ádepsiz qylyǵy úshin dýshar boldy.

* Fransııa quramasynyń bas jattyqtyrýshysy Loran Blan aǵylshynnyń «Tottenhem» klýbymen kelissóz júrgizip jatyr, dep habarlady Sky Sports. Aıta keteıik, osynyń aldynda ǵana «shporlar» komandany 2008 jyldan beri jattyqtyryp kele jatqan Harrı Rednapp esimdi bapkermen qosh aıtysqan edi.

* Polshanyń Poznan qalasynda jergilikti turǵyndar men Irlandııa quramasy jankúıerleriniń basyn qosqan fleshmob ótkizildi, dep habarlaıdy zczuba.pl. Poznan men Gdansk jurtshylyǵy chempıonat kezinde osy eldi mekenderde keremet atmosferalyq ahýal týdyrǵandary úshin ırland fanattaryna osylaısha alǵys sezimderin bildiripti.

Derek pen dáıek

(Toptardaǵy qorytyndy týrnır kesteleri)

A toby

№

Komandalar

O

U

T

J

Dop

Up

1

Chehııa

3

2

0

1

4:5

6

2

Grekııa

3

1

1

1

3:3

4

3

Reseı

3

1

1

1

5:3

4

4

Polsha

3

0

2

1

2:3

2

B toby

№

Komandalar

O

U

T

J

Dop

Up

1

Germanııa

3

3

0

0

5:2

9

2

Portýgalııa

3

2

0

1

5:4

6

3

Danııa

3

1

0

2

4:5

3

4

Gollandııa

3

0

0

3

2:5

0

D toby

№ Komandalar

O

U

T

J

Dop

Up

1 Ispanııa

3

2

1

0

6-1

7

2 Italııa

3

1

2

0

4-2

5

3 Horvatııa

3

1

1

1

4-3

4

4 Irlandııa

3

0

0

3

1-9

0