Ispanııa máseleni penaltımen sheshti

Ispanııa máseleni penaltımen sheshti

Juma, 29 maýsym 2012 6:40

Burnaǵy kúni Portýgalııa men Ispanııanyń arasynda ótken birinshi jartylaı fınaldyq oıynnyń negizgi jáne qosymsha ýaqyttarynda esep ashylmady. Sodan soń osy týrnırde qatarynan ekinshi márte matchtan keıingi penaltıge júginýge týra keldi. Onda «qyzyl fýrııanyń» baǵy jandy.

 

 

Juma, 29 maýsym 2012 6:40

 

Burnaǵy kúni Portýgalııa men Ispanııanyń arasynda ótken birinshi jartylaı fınaldyq oıynnyń negizgi jáne qosymsha ýaqyttarynda esep ashylmady. Sodan soń osy týrnırde qatarynan ekinshi márte matchtan keıingi penaltıge júginýge týra keldi. Onda «qyzyl fýrııanyń» baǵy jandy.

Matchqa deıin. Ispanııa qura­masy osymen qatarynan ekinshi ret qurlyq chempıonatynyń fınalyna shyǵyp otyr. Eger osynda taǵy da jeńiske jeter bolsa, ol basy sonaý ótken ǵasyrdyń 1960 jylynan bastalatyn Eýropa birinshiliginde qatarynan eki ret chempıondyqqa qol jetkizgen birinshi qurama bolar edi. Al myna kezdesýdiń aldynda eki jaq ta jeńisten úmitti ekendikterin ja­syrǵan joq. Ásirese, Paolý Bentý bastaǵan portýgaldar ólispeı berispeıtinderin áldeneshe ret aıtty. Oǵan qaraǵanda Vısente del Boske sabyr saqtady.

Derek. Ispanııa quramasy bu­ǵan deıin eki ret – 1964 jáne 2008 jyldary qurlyqta birinshi komanda atanǵan. Al Portýgalııa 2004 jyly óz elinde ótken doda­nyń fınalynda grekterge jol berip qoıdy. Onyń budan ózge iri tabysy joq. Bul quramalar, arǵy jaǵyn aıtpaǵanda, XXI ǵasyrdyń ózinde ózara birneshe ret kezdesip qoıdy. Aıtalyq, 2002 jáne 2003 jyldary bolǵan joldastyq kez­desýlerdiń birinshisinde ıspandar 3:0 esebimen jeńip, ekinshisinde 1:1 degen teń nátıje tirkeldi. Al 2004 jylǵy qurlyq chempıonatynda portýgaldar 1:0 esebimen basym tústi. Sodan soń 2010 jylǵy álem birinshiliginde tap osyndaı eseppen utyldy. Munyń esesine, bulardyń arasyndaǵy sońǵy ótken joldastyq kezdesýde Portýgalııa 4:0 esebimen jeńiske jetti.

Oıyn. Aıtsa aıtqandaı, portýgaldar bul matchta ıspandarǵa biraz problema jasap berdi. Alań­da is júzinde tepe-teń oıyn júrdi. Munda komandalar óte saq oınady dep te aıta almaımyz. Soǵan qaramastan, qaýipti sátter múldem derlik bolǵan joq. Birinshi taımda eki jaq jabylyp júrip, eki soqqy ǵana jasady. Onyń ekeýin de portýgaldar ur­dy. Jalpy, olar matchty belsendi bastady. О́zderiniń ońtaıly sol qanatymen alǵa qaraı qıqýlaı umtylǵan olar tez buryshtama dobyn soǵýǵa da qol jetkizdi. Ony Raýl Meırelesh qaqpanyń endi­gi­ne týralap jetkizip edi, Iker Kasılıas qaýipti dopty qaqpadan asyryp qana tynshý tapty. Budan keıin ıspandar údere kóterildi. Olardyń oń qanattan órbitken shabýyldary alańnyń ortasynan úzildi. Portýgaldardyń ortalyq qorǵaýshysy Pepe qaqpa alańyna kelip qalǵan forvard Alfredo Nergedonyń ózi­nen sytylyp ketýine jol bermedi. Kelesi kezekte qarsy shabýylǵa shyǵý múm­kindigin «selesaý» jaǵy da qur jibermedi. Eki jaqtyń joryqta­ry osylaı kezek-kezek tolqyn­dana órbigen birinshi bólik eshbir nátıjesiz aıaqtaldy.

Ekinshi taımda ıspandar dop­qa kóbirek ıelik ete bastady. Olar ózderine úırenshikti fýt­bol­ǵa kó­shýge umtylyp baqty. Portýgaldar osy tusta pres­sıng­ti edáýir kúsheıtti. Jalpy, oı­yn­shylar­dyń sharshaǵany baıqalǵan bul kezeńde shıelenisti sátter kóbeıe tústi. Solardyń birinde portý­gal­dardyń ekeýge tórteý bolyp shyqqan sátiniń ózi nege turady. Alaıda, bul da bosqa ket­ti. Biraq oıyn aıaǵy ja­qyn­daǵan saıyn eki jaqtyń da óz qaqpalarynyń aman qalý jaǵyn kóbirek kúıtteı­tin­deri bilinip qaldy. Sol úrgedek kóńil kúı negizgi ýaqyttan keıingi úshinshi jáne tórtinshi qosymsha taımdarda da ańǵaryldy. Birte-birte fýt­bolshylardyń kezdesýde je­ńilgenshe, penaltıde baqtaryn synap kórýge yntaly ekendikteri aıqyndala berdi. Bul ýaqyttary ıspan taktıkasyna qarsy oıynda barlyq kúsh-qýattaryn sarqyp al­ǵan portýgaldardyń sharshap qal­ǵany da baıqaldy. Muny tı­im­di paıdalanǵan Ispanııa qura­masy tizgindi óz qolyna aldy. Buǵan qosa onyń oıynshylary ekeýlep-úsheýlep júrip, Ro­nal­dý­dyń erkin qımyldaýyna múlde múmkindik bermeı qoıdy. Osynyń retinde ashyq qalǵan Nanı báribir Krıshtıanýdeı oınaı almady. Munyń bári, aınalyp kelgende, «qyzyl fýrııanyń» de­sin arttyra tústi. Bálkim, «fýtbol qudaıy» sol shaqtarda erekshe ekpin alǵan basymdyǵyn yn­ta­landyrǵan da bolar, ol match­­­­tan keıingi penaltıde ústem kó­­rindi. «Selesaý» sapynan dobyn qaqpa baǵanyna tıgizgen úsh­inshi oıynshy – Alvesh «qyzyl fýrııa­ny» fınalǵa da shyǵaryp berdi.

Bir qyzyǵy, osy joly birinshi ret jeńilgen jaqtyń oıynshysy matchtyń úzdigi bolyp tanyldy. Ol ataqqa jartylaı qorǵaýshy Raýl Meırelesh qol jetkizdi. Portýgalııa quramasynyń uzaq ýaqyt boıy ortalyq shepke egelik etý­lerinde osy oıynshynyń eńbegi zor boldy.

Matchtan keıin. «Portýgaldar keremet qorǵana bildi, – dedi kezdesýden keıin Vısente del Boske. – Bizde de múmkindikter az bolǵan joq. Sondyqtan shaıqas barynsha teń ótti. Bizge tek oıynnan keı­ingi sáttilik kómektesti. Osyǵan oraı týrnırdi tamasha etip ótkiz­geni úshin Portýgalııa quramasyn quttyqtaǵym keledi». Paolý Bentý de osyǵan uqsas sózder aıtty. Ol búkil Portýgalııa eli bizdiń oıynymyzdy maqtan tutatynyna senim­dimin, degen mazmundaǵy oıyn jetkizdi.

Al keshe túnde Germanııa men Italııa arasyndaǵy matchtyń qo­rytyndysymen ekinshi fınalıs­tiń esimi belgili boldy. Aqtyq aıqas 1 shilde kúni Kıevte ótedi.

Serik PIRNAZAR,

«Egemen Qazaqstan».