Ulttyq quramanyń ustazdary

Senbi, 30 maýsym 2012 7:28

SÝ DOBY: SERGEI DROZDOV

Sergeı Mıhaılovıch Drozdov 1969 jyly Almaty qala­synd­a týǵan. Sý dobynan KSRO sport sheberi. Jyljymaly shabýylshy pozısııasynda oınady. Sporttyq jolyn Almatynyń «Dınamosynda» bastady. Budan keıin Reseıdiń «Sıntez» (Qazan), «Spartak» (Volgograd), Izraıldiń «Hapoel» (Makkabı) komandalarynyń namysyn qorǵady. 2004, 2007 jyldary Reseı kýbogynyń jeńimpazy atandy. Qazaq­stan quramasy sapynda Azııa chempıonaty men Azııa oıyndarynyń úsh dúrkin (1994, 1998, 2002) chempıony boldy. Oıynshy retinde 2004 jyly elimizdiń namysyn Afına Olımpıadasynda qorǵady. Budan bólek úsh álem (1994, 1998, 2001) chempıonatyna qatysty.

Senbi, 30 maýsym 2012 7:28

SÝ DOBY: SERGEI DROZDOV

Sergeı Mıhaılovıch Drozdov 1969 jyly Almaty qala­synd­a týǵan. Sý dobynan KSRO sport sheberi. Jyljymaly shabýylshy pozısııasynda oınady. Sporttyq jolyn Almatynyń «Dınamosynda» bastady. Budan keıin Reseıdiń «Sıntez» (Qazan), «Spartak» (Volgograd), Izraıldiń «Hapoel» (Makkabı) komandalarynyń namysyn qorǵady. 2004, 2007 jyldary Reseı kýbogynyń jeńimpazy atandy. Qazaq­stan quramasy sapynda Azııa chempıonaty men Azııa oıyndarynyń úsh dúrkin (1994, 1998, 2002) chempıony boldy. Oıynshy retinde 2004 jyly elimizdiń namysyn Afına Olımpıadasynda qorǵady. Budan bólek úsh álem (1994, 1998, 2001) chempıonatyna qatysty.

Qazir Sergeı Drozdov Reseı birinshiliginde óner kórse­tetin «Astana» komandasy men Qazaqstan quramasyn qatar basqaryp keledi. Onyń bul laýazymdaǵy birinshi tusaýkeser iri jarysy sol aıda Qytaıda ótken Azııa birin­shiligi boldy. Bul jarys, sondaı-aq, álem chempıo­na­tynyń eki lısenzııasyn sarapqa saldy. Qazaqstandyqtar dodada tek alań ıelerinen ǵana jeńilis taýyp, Gonkong, Japonııa, Sıngapýr jáne Kýveıt komandalaryn aıqyn basymdyqpen utty. Nátıjesinde týrnır kestesinde ekinshi orynǵa shyǵyp, joǵarydaǵy eki lısenzııanyń birin jeńip aldy. Al Italııa astanasy, Rımde shildeniń aıaǵynda ótken jahandyq jarysta komanda eń sońǵy 16-orynda qalyp qoıdy. Munyń esesine 2011 jyly Qytaıdyń Shanhaı qalasynda jarys kórigin qyzdyrǵan kelesi chempıonatta 13-orynǵa taban tiredi.

Sergeı Drozdovtyń ulttyq qurama tizginin ustaǵaly bergi eń úlken tabysy retinde onyń  komandany Azııa chempıony etkenin, sol arqyly aldaǵy London Olımpıadasyna joldama alyp bergenin atap ótýge bolady. Bul chempıonat bıylǵy 23-29 qańtar aralyǵynda Japonııanyń Tıba qalasynda ótti. Onda bizdiń komandadan bólek, Japonııa, Qytaı jáne Kýveıt quramalary jalǵyz joldama úshin talasty. Týrnırde qar­sylastaryn túgeldeı utyp shyqqan Sergeı Drozdovtyń jigitteri birinshi oryn alyp, alǵa qoıǵan basty maqsattaryna qol jetkizdi.

Álbette, biz sý doby sheberleri ulttyq quramasynan Oıyn­dar qorytyndysynda asa joǵary nátıje kúte almaımyz. Ondaıdy talap etý ádildik te bolmas edi. Eń aldymen ko­mandanyń Olımpıadada shaıqasatyn 12 jasaqtyń qa­ta­rynan oıyp oryn alýynyń ózi – úlken erlik. Onyń ústine vaterpolshylar Olımpıadada jalǵyz lısenzııaǵa ıelik etken­derimen, onda 13 sportshy bolyp baryp, elimiz quramasy sport­­shy­la­ry­nyń qarasyn osynsha adamǵa kóbeıte túsedi. Al koman­danyń bas bapkeri bolsa, óz sarbazdarynyń týrnırde 9-oryn úshin kúresetinin aıtyp otyr.

Rýslan IGILIK.